فواید عامه وزیرلیگی مسئوللری، بوگون (دوشنبه، ۲-اسد)، «دولت نینگ ملت گه حساب بیریش» برنامه‌سیده، حاضر ایسه ممکت بویلب ۷۸۱ کیلومتر سرک نینگ قیته قوریش ایشی دوام ایتیشینی اعلام قیلگن.
فواید عامه وزیرلیگی مسئوللری نینگ معلوماتی اساسیده، اوشبو پروژه‌لر نینگ تطبیق ایتیش بودجه‌سی فواید عامه وزیرلیگی نینگ اوز بودجه‌سی و باشقه بیر بولیمی مملکت‌ده سرک‌لر نی قوریش اوچون اختصاص بیریلگن کان‌لر درآمدی دن توله‌نیله‌دی.
شونینگدیک فواید عامه وزیرلیگی، ۴۲۱ میلیون افغانی ارزشی گه ۱۲۵ پروژه نینگ تطبیق بولینیشی‌دن خبر بیرگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، کابل-قندهار-قندهار-هرات و سالنگ قتناو یولی نینگ قیته قوریلیشی، فواید عامه وزیرلیگی اونینگ تطبیق بولیش خصوصیده ایش جریان تاپیشی‌دن خبر بیرگن اینگ اونملی پروژه‌لردن دیر.
فواید عامه وزیرلیگی نینگ تدارکات رئیسی امان‌الدین حبیبی نینگ ایتیشیچه: «تورلی‌خیل بولیم‌لرده ۷۸۱ کیلومتر سرک نینگ قیته قوریش ایشی باشلنگن که، سالنگ قتناو یولیده ۸۰ کیلومتر سرک نینگ قیته قوریلیشی، کابل-قندهار قتناو یولی نینگ قیته قوریلیشی و ارزگان-دهرارود ده ۱۷۰ کیلومتر سرک نینگ قیته قوریلیشی پروژه‌سی گه مثال صفتیده اشاره قیلیشی‌میز ممکن.»
شونینگدیک فواید عامه وزیرلیگی مسئوللری، مملکت سرک‌لری نینگ سقلش و بوزیلیشینی آلدینی آلیش اوچون مذکور وزیرلیک نینگ جدی بولگنی خصوصیده ایشانچ بیرگن.
بیزلرنینگ توییترده هم تعقیب قیلینگ!
فواید عامه وزیرلیگی نینگ تخنیکی بولیمی معینی عبدالکریم فاتح، موترلر آغیر یوک آرتمسلیگی اوچون قتناو یول‌لرده ۴۱ ترازو فعال دیر و مذکور وزیرلیک اوشبو ترازولر سانینی آشیریش گه قرار قیلگن.
فواید عامه وزیرلیگی تخنیکی بولیمی معینی نینگ کوپه‌یتیریشیچه: «حاضر ایسه ۲۱ ولایتده ۲۱ ترازو فعال دیر و کیله‌جک‌ده ۳۱ ولایتده ۷۶ ته ترازو نینگ فعال قیلیش گه قرار آلگن‌میز.»
عین‌حالده، مملکت نینگ تورلی منطقه‌لریده یول‌لر بوزوق‌لیگی دن شکایت‌لر بولیب و بیر قطار منطقه‌لرده یول‌لر نینگ بوزوق‌لیگی ترافیکی حادثه‌لر کوپه‌یشی گه سبب بولگن.
