فلسطین ده ساغلیقنی سقلش رسمیلرنینگ اعلام قیلیشیچه، اسرائیل آرقهلی غزهنینگ بیر قطار بولیملریگه اویوشتیریلگن هجوملرده، کمیده ۱۱ کیشی قربان بولیب و بیر قطار کیشی یرهلنگن.
خلقارا ییتکرمهلرنینگ بوگون (۲۸-سرطان/۱۹-جولای، یکشنبه)، گزارش بیریشیچه، مذکور فلسطینلیکلر اوتگن کونی نوار غزهنینگ تورلی بولیملریگه اسرائیل اردوسی اویوشتیرگن هجوملریده قربان بولگنلر.
غزه مدنی مدافعه تیزیملریگه کوره، بو شهرگه اسرائیلنینگ اویوشتیرگن هجوملری قربانلری آرهسیده بیر عایلهنینگ بیش عضوی شامل دیر.
اوتگن ییل اکتبر آییده اسرائیل و حماس آرهسیده آتیش کیسین برقرار بولگنی بیلن، فلسطینلیکلرگه قرشی بو مملکت هجوملری توختمهگن. فلسطین ساغلیقنی سقلش وزیرلیگینینگ معلوماتی اساسیده، اسرائیل و حماس آرهسیده آتیش کیسین عملگه آشیریلگنیدن بویان، فلسطینلیک بیر مینگ ۱۵۰ کیشی اولیب و اوچ مینگدن آرتیق کیشی یرهلنگن.
