Asset 1SWN

اسلام امیرلیگی: اورته آسیا مملکت‌لری نینگ خواطری گه چیک قوییش اولر بیلن مذاکره قیلیشنی ایسته‌یمیز

EU-Central-Asia-Leaders-Meeting-Held

جمعه کونی، ۱۲ جوزا، قیرغیزستان ده بولیب اوتگن اورته آسیا و اروپا اتفاقی ییتکچیلری ارا ایکینچی ییغیلیش ده اشتراک ایتگنلر، افغانستان ده همه شمول حکومت شکللنیشی، خاتین قیزلر نینگ حقوقی تأمین ایتیلیشی و ترورچی گروه‌لر گه قرشی کوره‌ش اوستیده تأکید ایتیشگن.

مذکور ییغیلیش ده تاجیکستان جمهور باشلیغی امام‌علی رحمان گه کوره، افغانستان اینیقسه اوشبو مملکت نینگ شمالی ولایت‌لری خلق‌ارا ترورچی گروه‌لر مکانی گه اوزگرگن.

بیزلرنینگ فیسبوک صحیفه‌میزگه باش اورینگ!

او نینگ ایتیشیچه: «افغانستان نینگ حاضرگی شرایطی ده ترورچی گروه‌لر گه قوشمه قرشی کوره‌ش، بنگی‌وار ماده‌لری و قورال قاچاقی آلدی آلینیشی اوچون چاره کوریلیشی مهم دیر.»

اسلام امیرلیگی، اورته آسیا مملکت‌لری نینگ ییتکچیلری اینیقسه تاجیکستان جمهور باشلیغی نینگ افغانستان ده ترورچی گروه‌لر حضوری گه دایر بیاناتی گه مناسبت بیلدیریب ایتیشیچه، افغانستان ده هیچ بیر ترورچی گروه گه فعالیت قیلیش ایزینی بیریلمه‌یدی.

اسلام امیرلیگی سوزلاوچیسی ذبیح‌الله مجاهد گه کوره، منطقه اولکه‌لری نینگ خواطری گه چیک قوییش اوچون، اسلام امیرلیگی اولر بیلن مذاکره قیلیشنی ایسته‌یدی.

او نینگ کوپه‌یتیریشیچه: «اورته آسیا مملکت‌لری نینگ جمهور باشلیغ‌لری بو مسئله‌نی کتته کورستمسلیک‌لری کیره‌ک، افغانستان هیچ بیر مملکت اوچون تهدید ایمسلیگینی اثباتلش مقصدیده اولر بیلن مذاکره قیلیشنی ایسته‌یمیز.»

ذبیح‌الله مجاهد نینگ ایتیشیچه، همه شمول حکومت شکللنیشی و خاتین قیزلر نینگ حقوقی تأمینلنیشی، افغانستان نینگ ایچکی مسئله‌لریدن دیر، منطقه و دنیا اولکه‌لری بو ایش‌لر گه اره‌لشمسلیک‌لری کیره‌ک.

بیزلرنینگ توییترده هم تعقیب قیلینگ!

عین‌حالده، سیاسی ایش بیلرمان جمعه‌خان پویا گه کوره، اسلام امیرلیگی دوحه بیتیمی اساسیده منطقه و دنیا مملکت‌لر نینگ خواطری گه چیک قوییش اوچون اولر نینگ خواست‌لری گه دقت قیلیشی کیره‌ک.

اونینگ ایتیشچیه: «منطقه مملکت‌لر نینگ ایشانچی گه کوره، افغانستان ده همه شمول حکومت شکللنمه‌گن تقدیرده، تک قومی و تک جنسی حکومت افراطیتچیلیک نی آلدینی آلیش گه کوچی ییتمه‌یدی.»

ایتیش کیره‌ک که، اوتگن هفته تاجیکستان افغانستان ده عصیانچی گروه‌لر نینگ فعالیتی کوچه‌یشیگه دایر اوشبو مملکت بیلن چیگره حدودلریده، ایکی ینگی پوسته قورگن.

مرتبط با این خبر:

شریک قیلینگ:
خبر اوقووچی
تیگیشلی خبرلر و تحلیل‌لر

سلام‌وطندار خبرلری و گزارش‌لری نینگ اجتماعی ترماق‌لردن تعقیب قیلینگ:

توییتر

تلگرام