افغانستان اسلام امیرلیگی، اسرائیل‌نینگ ایران گه هجوملرینی قاره‌لب و اونی خلق‌ارا قاعده‌لرنی بوزیش اته‌گن.
اسلام امیرلیگی سۉزلاوچیسی ذبیح‌الله مجاهد، بوگون (۲۳-جوزا، جمعه) بیر بیانیه ترقه‌تیب، اوشبو هجوملر عاقبتیده ایران حربی قوماندانلری و دانشمندلری هلاک بولیشینی ایران (ملی حاکمیتینی بوزیش) اته‌گن.
بیزلرنینگ فیسبوک صحیفه‌میزگه باش اورینگ!
بیانیه‌ده، غزه‌ده‌گی وضعیت گه اشاره قیلینیب و بو واقعه‌لر بیلن بیر پیتده، « فلسطین خلقی همان تینیم‌سیز و فلاکتلی هجوملر آستیده قالماقده‌لیگی» کېلگن.
اسلام امیرلیگی، منطقه‌ده کېسکین‌لیکلر کوچه‌یشیدن خواطر بیلدیریب و برچه تامانلردن «مسئولیت قبول قیلیش» و خلق‌ارا قاعده‌لر اساسیده، منطقه‌‌نینگ صلح و امنیتی اوچون، ناتینچ‌لیکلر کېنگه‌یشی گه یول قویمسلیک‌لرینی سوره‌گن.
اسرائیل، بوگون ایرته‌لب ایران‌نینگ بعضی حدودلری گه هجوم اویوشتیردی.
بیزلرنینگ «ایکس» ترماغی ده هم تعقیب قیلینگ!
اسرائیل باش وزیری بنیامین نتانیاهو، بو هجوم‌نی «مثل‌سیز» اته‌ب و ایران‌نینگ هسته‌ای قوریلمه‌لری نشانگه آلینگنینی معلوم قیلگن.
شونینگدیک، اسرائیل یېتکرمه‌لری، ایران ۱۰۰ دن آرتیق اوچووچی‌سیز اوچاق بیلن اسرائیل گه هجوم اویوشتیرگنینی اېتگنلر.