سابق حکومت سقوط قیلگنی دن کیین، اسلامی امارت مسئول‌لری جاری ییل ۲۶- اسد ده بیرینچی خبری ییغین‌لریده عمومی کیچیریم اعلام قیلدی.
اسلامی امارت سوزلاوچیسی ذبیح‌الله مجاهد مذکور ییغینده، افغانستان باشقه اوروش میدانی ایمس و افغانستان ده اوروش اوچون باشقه هیچ بیر دلیل قالمه‌گنی نی ایتگن ایدی.
بیراق اوشه زمان دن حاضرگچه رسانه‌لر و اجتماعی ترماق‌لرده کوپینچه گزارش و ویدیو ترقه‌تیلگن که کورستیشیچه، اسلامی امارت نینگ ۴ آی‌لیک حکومتی ده کابل و ولایت‌لرده یوزلرچه کیشی قوراللی کیشیلر تامانیدن قولگه آلینیب، کلتکله‌نیب یا هم اولدیریلگن.
بیزلرنینگ فیسبوک صحیفه‌میزگه باش اورینگ!
شونینگدیک اجتماعی ترماق‌لر قوللنوچی‌لری آره‌سیده بیر ویدیو قولمه‌قول بولماقده که بو ویدیو ده، سابق حربی‌لردن بیری رحمت‌الله قادری قوراللی کیشیلر تامانیدن کلتک‌لنه‌دی.
بیراق اسلامی امارت سوزلاوچیسی اورین‌باسری بلال کریمی نینگ ایتیشیچه، عمومی عفو برچه یشاوچی‌لر اوچون حاضرگچه بار. او، قطار کیشیلر عمومی عفو دن سوءاستعمال قیلیشی نی تصدیق‌لب و ایتیشیچه، مذکور کیشیلرنی تازه‌لش اوچون بیر کمیسیون ایجاد ایتیلگن و حاضرگچه یوزلرچه کیشی بو قضیه‌لر خصوصیده قولگه آلینگن.
بیراق دسامبر آیی ده انسان حقلرینی کوزه‌تووچی اداره تامانیدن نشر ایتیلگن گزارش ده کیلیشیچه، اسلامی امارت کوچلری قدرت گه ایریشگنیدن بویان عمومی عفو اعلام قیلگن بیرحالده، سابق حکومت نینگ ۱۰۰ دن آرتیق پولیس و ملی امنیت کوچلرینی اعدام قیلگن.
شونینگدیک بیرلشگن ملتلر تشکیلاتی بیر اعلامیه‌ده سونگی ۴ آیده، ۸ مدنی فعال، ایکی خبرچی و ۵۹ ناقانونی شکلده قولگه آلیش موضوعی نی گزارش بیرگن.
