کابل شهریده ایشچی باله‌لردن قطاری نینگ ایتیش‌لریچه، قشاقلیک و عایله اعضالری گه بیر لقمه نان تاپیش اوچون، مکتب باریش اورنیده ایشلش گه مجبورلر.
کابل شهری نینگ ده افغانان منطقه‌سیده ایرتنگ‌دن آخشم‌گچه لینی موترلر گه یولاوچی تاپیش اوچون ایشله‌یدیگن ۱۴ یاشر سمیر نینگ ایتیشیچه، آته‌سی ایچکی اوروش‌لر نتیجه‌سیده ناگران بولگن و آته‌سی نینگ ایش قیله آلمه‌یشی سبب، مکتب باریش اورنیده ایشلش گه مجبور دیر.
بیزلرنینگ فیسبوک صحیفه‌میزگه باش اورینگ!
اونینگ ایتیشیچه: «ایرتنگ ساعت سکیز‌دن کیچه کیچ وقت‌گچه سرک‌لرده لینی موتر اوچون یولاوچی تاپه‌من و شو رقم عایله خره‌جتی نی قولگه کیلتیره‌من.»
شونینگدیک مذکور منطقه‌ده لینی موترلر گه یولاوچی تاپیش اوچون ایشله‌یدیگن باله‌لردن باشقه بیری ۱۲ یاشر مسعود نینگ ایتیشیچه، تورت کیشی‌لیک عایله سرپرستی دیر.
مسعود عایله‌سی نینگ قشاق‌لیگی خصوصیده ییغلب کوپه‌یتیریشیچه، پایتخت نینگ سرک‌لریده نیچه مرته ترافیکی حادثه نتیجه‌سیده یره‌لنیب و کسل‌خانه‌ده بستری بولگن؛ بیراق عایله خره‌جتی نی تامین‌لش اوچون قیته ایشی نی دوام بیریش گه مجبور بولگن.
مسعود گه کوره: «کمبغل‌لیک دیر و درست ایش هم یوق. مکتب گه هم باره‌من و عایله‌م نینگ نیازلری نی تامین‌لش اوچون سرک‌لر گه باریب لینی موترلر گه یولاووچی تاپه‌من.»
شونده‌ی بیرحالده، کابل شهریده‌گی سرک‌لردن بیریده لینی موترلر گه یولاوچی تاپیش بیلن پول قولگه کیلتیریش اوچون سعی و حرکن قیله‌دیگن امید، اسلام امیر‌لیگی‌دن باله‌لر گه یاردم بیریب و اولر گه یخشی‌راق حیات زمینه‌سی نی یره‌تیلیشی نی ایسته‌گنلر.
اونینگ ایتیشیچه: «عایله خره‌جتی نی تامین‌لش اوچون سرک‌لر گه باریب ایشله‌یمیز؛ بیراق بیر لقمه نان قولگه کیلتیریش اوچون ساعت‌لرچه یولاوچیلر نی چقیره‌میز. اسلام امیر‌لیگی‌دن ایشچی باله‌لر نی قولگه آلمه‌ی و اولر گه درست بیر حیات زمینه‌سی یره‌تیلیشی نی ایسته‌یمیز.»
بیزلرنینگ توییترده هم تعقیب قیلینگ!
دنیا تشکیلات‌لری نینگ آماری اساسیده، حاضر ایسه افغانستان ده ۲ میلیون باله شاقه ایش بیلن شغللنگن که، کوپینچه پیت شاقه ایشلر باله‌لر نینگ قربان بولیشی گه هم سبب بولگن.
ایتیش کیره‌ک که، بوندن آلدین باله‌لردن حفاظت قیلووچی تشکیلاتی، باله‌لردن قطاری عایله خره‌جتی نی تامین‌لش اوچون تعلیم نی ترک قیلیب و شاقه ایشلر نی انجام بیریش گه مجبور بولگنلری خصوصیده آگاه‌لنتیرگن ایدی.
