خلق‌ارا نجات کمیته‌سی بوگون بیر بیانیه ترقه‌تیب اعلام قیلیشیچه، افغانستان یشاوچیلریدن ۹۷ فایزی قشاقلیک بیلن روپه‌رو دیر. مذکور کمیته نینگ ایتیشیچه، افغانستان اسلامی امارت قدرت گه ایریشگنیدن ۶ آی اوتگنیدن کیین، اوشبو مملکت بوییچه انسان‌دوستلیک احتیاجلر کوپه‌یگن.
خلق‌ارا نجات کمیته نینگ آگاه‌لنتیریشیچه، افغانستان فاجعهسی حل بولمه‌گن صورت‌ده، اوشبو مملکت‌ده آچلیک تلفاتی ۲۰ ییل اوروش تلفات رقمی‌دن کوپه‌یشی ممکن. مذکور کمیته اروپا و آمریکا بیرلشمه ایالتلر رهبرلری‌دن اوشبو مملکت اهالی‌سی نینگ اساسی احتیاج‌لری رفع بولیشی اوچون افغانستان اقتصادی فاجعهسی نینگ حل قیلیشلری نی سوره‌گن.
بیزلرنینگ فیسبوک صحیفه‌میزگه باش اورینگ!
خلق‌ارا نجات کمیته نینگ بیانیه‌سیده کیلیشیچه، افغانستان‌ده میلیون‌لرچه عایله یمان وضعیت‌ده قرار تاپگن. اوشبو کمیته نینگ کوپه‌یتیریشیچه، حاضر ایسه افغانستان‌ده ۲۳ میلیون کیشی حاد ییگولیک ناتینچ‌لیگی بیلن روپه‌رو بولیب و ۱ میلیون باله یمان سوء‌تغذیه خطری گه دوچ کیلگن.
افغانستان‌ده اوشبو کمیته مدیری ویکی آکن نینگ ایتیشیچه، خلق‌ارا جماعه‌سی ۴۰ فایز ناخالص ایچکی تولید و ۷۵ فایز اساسی خذمتلر شامل عمومی هزینه‌لر نی غیر انسانی مالی یاردملردن تامین قیله‌ر ایکن بیراق آگست آییدن بویان بو یاردم‌لر نی کیسگن.
اونگه کوره، افغانستان نینگ فاجعه گه دوچ کیلگنی بیرینچی‌ده دنیا جماعه نینگ سیاست‌لری گه تیگیشلی دیر، طبیعی یا_ده آتیشمه ایمس.
بیزلرنینگ توییترده هم تعقیب قیلینگ!
ویکی آکن نینگ کوپه‌یتیریشیچه، حاضر ایسه هرکون افغانستان اهالی‌سی خلق‌ارا سیاست‌لر تامانیدن مجازات بوله‌دی. اونگه کوره، کیله‌جک آلتی آیده وضعیت نینگ یخشی‌لنیشی نی تضمین قیلیش کوچی دنیا جماعه نینگ قولیده دیر.
بوندن آلدین یاردم بیرووچی نهاد‌لر افغانستان‌ده قشاقلیک نینگ نظیری کوریلمه‌گن درجه‌ده کوپه‌یگنی خصوصیده آگاه‌لنتیرگنی بیرحالده، خلق‌ارا نجات کمیته‌سی افغانستان وضعیتی خصوصیده خواطر بیلدیرگن.
