ساغلیق‌نی سقلش وزیرلیگی نینگ اعلان قیلیشیچه، اوتگن بیر کیچه و کندوز ده کرونا ویروسی‌دن ۸۱ ینگی ایجابی واقعه مملکت ۷ ولایتیده قید ایتیلگن.
بوگون “شنبه” ساغلیق‌نی سقلش وزیرلیگی نینگ بیر گزارش آرقه‌لی ایتیشیچه، اوتگن ۲۴ ساعت جریانیده کرونا ویروسی‌گه شبهه‌لی ۱ مینگ و ۱۹۰ کیشی دن آلینگن نمونه‌لر سیناو دن اوتکزیلگن و بو جمله‌دن ۸۱ ته‌سی نینگ نتیجه‌سی ایجابی تانیلگن. اوشبو وزارت‌گه کوره، اوتگن بیر کیچه و کندوز ده کرونا ویروسی‌گه چلینگن‌لردن هیچ بیری دنیا دن اوتگن ایمس.
ساغلیق‌نی سقلش وزیرلیگی گه کوره، مملکتده کرونا ویروسی باشلنگنیدن حاضرگه‌قدر ۵۶ مینگ و ۶۷۶ کیشی بو ویروس‌گه چلینگن و بو جمله‌دن ۲ مینگ و ۴۹۷ ته‌سی دنیا دن اوتیب و باشقه ۵۱ مینگ و ۸۰۲ ته‌سی درمان‌لنگن دیر.
شونینگدیک، ینگی‌لیکده هرات ولایتی بوییچه ساغلیق‌نی سقلش ریاستی باشلیغی عبدالحکیم تمنا، هرات ولایتیده کرونا ویروسی نینگ ۳- موجی باشلنگنیدن آگاه‌لنتیرگن ایدی. جناب تمنا نینگ فیسبوک صحیفه‌سیده یازیشیچه، ییترلیچه واکسین یوق دیر. او، هرات یشاوچی‌لریدن ۵۰ یاشیدن یوقاری بولگن کیشی‌لرنی واکسین قیلیش اوچون ساغلیک مرکزلرگه آلیب باریش‌لرینی سوره‌گن.
شونینگدیک، دنیا بوییچه حاضرگه‌قدر ۱۳۰ میلیون و ۸۴۵ مینگ کیشی کرونا ویروسی‌گه چلینگن و بو جمله‌دن ۲ میلیون و ۸۵۱ مینگ کیشی دنیا دن اوتیب و باشقه ۱۰۵ میلیون و ۳۴۳ مینگ کیشی درمان‌لنگن دیر.
