آمریکا تشقی ایشلر وزیرلیگی تهران ده افغانستان دولت نماینده‌لری و طالبان هیأتی دن میزبانلیک بولگنینی خوش قرشی‌لب و ایتیشیچه، بونده‌ی اقدام‌لر افغانستان کیله‌جگی اوچون یخشی تمام بولیشی ممکن.
آمریکا تشقی ایشلر وزیرلیگی سوزلاوچیسی ند پرایس اوتگن کون خبری بیر ییغینده، ایران نینگ تینچلیک پروسه‌سیدن میزبانلیک قیلگنینی خوش قرشی‌لب و ایتیشیچه، افغانستان قوشنی‌لری بو مملکتده تینچلیک تأمین‌لنیشی اوچون نفوذلریدن قولله‌نیش‌لری کیره‌ک.
«افغانستان قوشنی‌لری یخشی نقش اوینه‌شلری کیره‌ک. ایران نینگ بو قیلگن میزبانلیگی واقعن یخشی تمام بولیشی ممکن. نتیجه نی کیله‌جکده کوریش کیره‌ک.»
ایران اوتگن کون افغانستان سیاسی سیمالری و طالبان گروهی هیأتی گه میزبان ایدی.
بیزلرنینگ فیسبوک صحیفه‌میزگه باش اورینگ!
آمریکا تشقی ایشلر وزیرلیگی سوزلاوچیسی نینگ اورغولشیچه، دایمی تینچلیک تأمین‌لنیشی اوچون منطقوی اجماع و تینچلیک پروسه‌سیدن حمایت قیلیش کوپ اونملی دیر.
ایران اوتگن کون افغانستان سیاسی سیمالری و طالبان گروهی هیأتی گه میزبان ایدی که بو ییغین گه سابق جمهوررئیس بیرینچی اورین‌باسری محمدیونس قانونی، تینچلیک ایشلری بوییچه جمهوررئیس نماینده‌سی عبدالسلام رحیمی، افغانستان دولت هیأتی نینگ سابق اعضاسی عبدالکریم خرم و سیاسی سیمالردن باشقه بیر قطاری و شونینگدیک شیرمحمد عباس استانکزی ییتکچیلیگیده طالبان هیأتی شرکت قیلگن ایدی.
بیزلرنینگ توییترده هم تعقیب قیلینگ!
مذکور ییغین گه، مهاجرلرگه تیگیشلی موضوعلر، چیگره موضوعلری و افغانستان و منطقه تینچلیک موضوعی حقیده بحث و صحبت اوتکزیلگن.