آمریکا تشقی ایشلر وزیری مایک پومپیو، ایران اولکهسی نی القاعده گروهی نینگ رهبری گه جای بیریش و اوشبو تروریستی گروهدن حمایت قیلیشگه عیبلگن.
جنا پومپیو گه کوره، القاعده گروهی ایران اولکهسی نی “اوی پایگاهسی” گه اوزگرتیریب، اوشبو اولکه گه ییرلشگن.
آمریکا تشقی ایشلر وزیری مایک پومپیو اوشبو سوزلرنی اوتگن کونی (سهشنبه، ۲۳- جدی) آمریکا نینگ “ملی مطبوعات کلوپی” ده سوز یوریتیش پیتده بیان ایتگن.
جناب پومپیو نینگ ایتیشیچه، میلادی ۲۰۰۱- ییل سپتومبر آیی نینگ ۱۱- نچی کونی هجوملری نقطهی نظردن ایران اولکهسی نینگ حاضرگی احوالی افغانستان گه قرهگنده یمانراق بولگن. جناب پومپیو اوز سوزلری دوامیده بیرینچی مرته القاعده گروهی نینگ رهبری ابومحمد المصری تهران اولگنی نی تصدیق ایتدی.
بوندن آلدین رسانهلر تامانیدن القاعده گروهی نینگ رهبری ابو محمد المصری ۲۰۲۰- ییل اگست آیی ده اسرائیل تامانیدن تهران ده اولدیریلگنی حقیده گزارشلر ترقهتیلگن ایدی، لیکن ایران اولکهسی المصری ایران اولدیریلگنینی رد ایتیب و هیچ بیر القاعده گه باش پناه بیرمهگنی اوستیده تاکید ایتگن ایدی.
پومپیو سوزلریدن کیین، ایران اولکهسی نینگ تقشی ایشلر وزیری محمد جواد ظریف توییتر صحیفهسی دن بیر اعلامیه ترقهتیب، پومپیو نینگ سوزلری ” یلغان، جعل و اوغیرلیک” بولگنینی بیلدیرگن.
جناب ظریف نینگ ایتیشیچه: “هیچ بیر کیشی آلدهنمهیدی، ۲۰۰۱- ییل سپتمبر آییدهگی برچه تروریستلر اورته آسیادن بولیب؛ هیچ بیریسی ایران اولکهسیدن بولمهگن.”
عینحالده آمریکا تشقی ایشلر وزیری مایک پومپیو، ایران اولکهسیده بولگن القاعده گروهی نینگ رهبرلرینی و کرد قومندانلریدن ۳ تهسینی تحریم قیلیشدن خبر بیرگن.
جناب پومپیو گه کوره، القاعده تروریستی گروهی کون اوتیب کوچلنیب بارماقده، اگرده آمریکا القاعده گروهی گه توسیق بولمهگن حالده تهدید بیلن دوچ کیلیشی ممکن.