ترکیه مدافعه وزیری خلوصی آکار نینگ ایتیشیچه، کابل قونالغه‌سی نینگ خوفسیزلیگی نی تأمین‌لش و مدیریت قیلیش خصوصیده کیله‌جک کونلر قرار آلینه‌دی. ترکیه مدافعه وزیری بوگون پاکستان پایتختی اسلام‌آباد گه قیلگن سفریده بونده‌ی بیانات بیرگن.
ترکیه نینگ آناتولی خبرگزارلیگی نی گزارش بیریشیچه، بو مملکت مدافعه وزیری نینگ ایتیشیچه، کابل قونالغه‌سی نینگ مدیریتی توغریسیده ترکیه آرقه‌لی سوزلشوولرنینگ دوامی بار. خلوصی آکار نینگ اورغولشیچه، کابل قونالغه‌سی آچیق قالیشی کیره‌ک.
رویترز خبرگزارلیگی ترکیه مدافعه وزیرلیگیدن نقل قیلیب گزارش بیرگن که، کابل قونالغه‌سی تعطیل بولگن صورتده، مملکتلرنینگ دیپلماتیک نماینده‌لرینی بوتونلی چیقیشی نی احتمالی بار. اونینگ ایتیشیچه، شو یوزه‌دن ترکیه بو قونالغه نینگ آچیق قالیشی اوچون سعی و حرکت قیلماقده.
بیزلرنینگ فیسبوک صحیفه‌میزگه باش اورینگ!
ایتیش کیره‌ک چیت‌ایللیک کوچلرنینگ چیقیش پروسه‌سی باشلنگنیدن کیین، ترکیه کابل قونالغه‌سی نینگ خوفسیزلیگی نی سقلش توغریسیده تکلیف بیریب و بو خصوصیده آمریکا بیلن سوزلشگن.
ترکیه آمریکا دن مالی و لوژستیکی منبع تیارله‌گن صورتده، کابل قونالغه‌سی نینگ خوفسیزلیک مسئولیتی نی بوینیگه آلیشی نی سوره‌گن.