افغانستان پول ذخیره‌لری آمریکا تامانیدن باغلنگنیدن کمیده بیر آی اوتگنیدن کیین، خصوصی سکتورلر مسئوللری نینگ ایتیش‌لریچه، پول باغله‌نیشی اقتصادی فعالیت‌لرینی قیینچلیکلر بیلن روپه‌رو قیلگن.
سوداگرلیک و سرمایه یاتقزیش اتاق مسئوللری، صنعتچیلر، بانکلر بیرلشمه‌سی و صرافلر بوگون قوشمه خبری بیر ییغین اوتکزیب ایتیش‌لریچه، آمریکا افغانستان پول‌لری نینگ باغلش بیلن سوداگرلیک معامله‌لر، صنعت و سرمایه یاتقزیش گه کتته ضرر ییتیشتیرگن.
سوداگرلیک و سرمایه یاتقزیش اتاق مدیره هیأت اعضاسی خان جان الکوزی نینگ آگاه‌لنتیریشیچه، افغانستان پول ذخیره‌لری آمریکانینگ بندی گه قالگن صورتده، افغانستان اقتصادی رکود بیلن روپه‌رو بولیشی ممکن.
«اقتصادی ماشین باشقه بیر یا ایکی دوام قیله‌دی و کیین ایسه واقعن انسانی بیر فاجعه یوزبیره‌دی و افغانستان اقتصادی فلج بوله‌دی. دنیا و اسلامی امارت بونی درک قیلیب و دنیا بیلن صحبت اوتکزیش‌لریگه امیدوارمیز.»
افغانستان صنایع و کانلر اتاق باشلیغی شیرباز کمین‌زاده نینگ ایتیشیچه، پول باغله‌نیشی صنعتچی‌لرنی خام ماده تأمین بولمه‌یش قیینچلیگی بیلن روپه‌رو قیلگن و شونینگدیک بو بولیم‌لر ایشلاوچی‌لری معاش هم قولگه کیلتیرمه‌گن.
بیزلرنینگ فیسبوک صحیفه‌میزگه باش اورینگ!
«خصوصی سکتور و عام اهالی نینگ کمیده اوچ میلیارد دالرینی باغله‌گنلر. توپلم شکلده افغانستان سرمایه‌لریدن کمیده ۱۰ میلیارد دالرینی باغله‌گنلر، بیزلر نیمه ایش قیلیشی‌میز کیره‌ک. اهالی نینگ پولی نی باغله‌نیشی نی یخشی عاقبتی بار می یمان.»
عین حالده، مملکت بانکدارلر بیرلشمه باشلیغی نجیب امیری نینگ ایتیشیچه، بو قیینچلیک‌لرنی حل ایتیش اوچون مرکزی بانک مسئوللری بیلن سوزلشوولرنی دوامی بار و بو پوللر تیزلیککه آمریکا تامانیدن آزاد ایتیلیشی نی کوتیب تورگن‌میز.
«بیزلرنی مرکزی بانک مسئوللری بیلن جلسهمیز بار و قیینچلیک‌لرنی حل ایتیش اوچون حرکت قیله‌میز. برچه موضوعلر جمله‌دن بانک‌لرنینگ فعالیتی یا هم سوداگرلرنینگ قیینچلیک‌لرینی بو بانک بیلن شریک قیلگن‌میز. بیزلر بانکلر بیرلشمه‌سی تامانیدن اولرگه پول‌لرینی محفوظ قالیشی توغریسیده ایشانچ بیره‌میز.»
افغانستان بوتونلی طالبان نظارتی گه اوتگنیدن کیین، مملکت سیاسی وضعیتی نابیللی بولگنی اوچون، مذکور مملکت مالی ذخیره‌لری آمریکا تامانیدن باغلندی.