نماینده‌لر کینگشی ده فراه ملت وکیلی همایون شهیدزاده نینگ سلام‌وطندارگه ایتیشیچه، اوتگن کیچه دولت نینگ نظارتی گه بولگن یالغیز ایکینچی لوا که ایکی کوندن بویان طالبان قمرویگه قرار تاپگن ایکن، مذکور ولایت حاکمی مسعود بختور و بو ولایت شهرداری کمیده ۱۰۰ عسکر و مردمی خیزش کوچلری بیلن طالبان گه تسلیم بولگنیدن کیین، بو گروه نظارتی گه اوتگن.
جناب شهیدزاده نینگ ایتیشیچه، نماینده‌لر کینگشی ده فراه ملت وکیلی عبدالستار حسینی، فراه ده ایکینچی لوا قومندانی عبدالصمد شمس، ولایتی کینگش باشلیغی دادالله قانع، پولیس قومندانلیگی نینگ خوفسیزلیک آمری و لوا ارکان باشلیغی کمیده بیر مینگ و ۵۰۰ حربی و ۲۰۰ هاموی تانک و شونینگدیک آغیر و ینگیل قوراللر بیلن فراه شهریدن تشقری بیر منطقه ده آرتده چیکیلگن.
همایون شهیدزاده نینگ کوپه‌یتیریشیچه، اوتگن کیچه‌دن بویان مذکور کاروان هوایی کوچلر تامانیدن حمایت بوله‌دی. نماینده‌لر کینگشی نینگ اوشبو اعضاسیگه کوره، بو کاروان نینگ کوپ قورال و مهماتی بار و هوایی یاردم بولمه‌گن صورتده هم اوزلریدن مدافعه قیله آله‌دی.
بیزلرنینگ فیسبوک صحیفه‌میزگه باش اورینگ!
شهیدزاده گه کوره، محلی رسملر و امنیتی کوچلرنینگ اوشبو کاروانی برچه امکانیت و حربی جهازلر بیلن مرکزی رسمیلرنینگ بویروغی اساسیده اوز موقعیت‌لرینی اوزگرتیرگن.
گرچند ایتیلیشیچه، امنیتی کوچلر و محلی رسمیلرنینگ مذکور کاروانی ایران گه پناه ایلتگن، بیراق همایون شهیدزاده اوشبو کاروان نینگ ایران گه پناه ایلتگنی نی اساس‌سیز دیدی.
جناب شهیدزاده نینگ ایتیشیچه، مذکور کاروان طالبان قولیگه سقوط قیلگن منطقه‌لرنی قیته آلیش اوچون عملیات باشله‌یدی.
بو توغریده فراه حاکمی نینگ فکرینی آلیش ایسته‌دیک؛ بیراق موفق بولمه‌دیک. شونینگدیک طالبان فراه شهری نینگ بوتونلی نظارتگه آلگن‌لری و بو ولایت حاکمی امنیتی کوچلردن قطاری بیلن طالبان گروهی گه تسلیم بولگنی نی تصدیقله‌گن.
شونده‌ی بیر حالده، نیچه پیت آلدین طالبان نینگ برچه تومن‌لری طالبان نظارتی گه اوتگن ایدی.
