اوتگن کون بیر خودکش هجومچی یانیده‌گی پارتلش ماده نی، قندوز شهری خان‌آباد بندری نینگ تشیع گه تیگیشلی سیدآباد مسجدی ده پارتلتدی.
اسلامی امارت مسئوللری تامانیدن سلام‌وطندارگه بیریلگن معلومات اساسیده، اوشبو قانلی حادثه‌ده ۵۰ دن آرتیق نماز اوقیدیگن کیشی هلاک و باشقه ۱۵۰ کیشی ایسه یره‌لنگن. بو حادثه مسئولیتی نی داعش گروهی بوینیگه آلگن.
مذکور هجوم کوپینچه ایچکی و تشقی عکس‌العمل‌لرگه روپه‌رو بولدی. ایران تشقی ایشلر وزیرلیگی، آمریکا تشقی ایشلر وزیرلیگی، انسان حقلری ایرکین کمیسیونی و طالبان سوزلاوچیسی ذبیح‌الله مجاهد، اعلامیه ترقه‌تیش بیلن بو حادثه نی قاره‌لگن.
عین حالده، سیاسی ایش بیلرمانلردن قطاری نینگ ایتیش‌لریچه، طالبان قدرت گه ایریشگندن کیین، اهالی نینگ خوفسیزلیگی نی تأمین‌لش اورنیده چوکی قولگه کیلتیریش اوچون ایچکی جنجللر بیلن شغللنگن.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان مصطفا علی‌زاده نینگ ایشانچی گه کوره، طالبان سابق دن مذهبی اقلیت‌لرگه تیگیشلی مذهبی ییرلرنینگ خوفسیزلیگی نی تأمین‌لش اوچون، تیارگرلیک آلیشی کیره‌ک ایدی.
سیاسی ایش بیلرمانلردن باشقه بیری باقر محسنی نینگ ایتیشیچه، وضعیت شونده‌ی آلغه کیتگن صورتده، داعش گروهی طالبان حکومتی اوچون کتته بیر تهدید بولیشی ممکن.
قندوز ده طالبان حاکمی اورین‌باسری مولوی محمدشاکر سعد نینگ ایتیشیچه، عام اهالی توپلنگن ییرلرده هجوم اویوشتیریلیشی نی فکر قیلمه‌گن ایکنلر. طالبان حاکمی اورین‌باسری گه کوره، بو حادثه توغریسیده تیکشیروو باشلنگن.
کابل قونلغه‌سیده یوزبیرگن قانلی حادثه دن کیین، بو قندوز ده داعش گروهی نینگ ایکینچی کتته هجومی دیر.