افغانستان خبرچیلری نینگ مرکزی بوگون بیر خبرنامه ترقه‌تیش بیلن، سلام‌وطندار خبرچیسی و ویراستاری محمدعلی احمدی نینگ هجومی دوچ کیلگنی جدی شکلده قاره‌لگن.
مذکور نهاد نینگ ایتیشیچه، بو حادثه افغانستان ده خبرچی‌لرگه قرشی زوروانلیکلر کوپه‌یشی نینگ باشقه بیر نشانه‌سی دیر که مملکت رسانه‌یی اجتماع‌سینی جدی خواطری گه سبب بولگن.
شونده‌ی بیرحالده، محمدعلی احمدی جاری هفته شنبه کونی شام چاغی وظیفه دن اویی تامان کیته‌دیگن بیرچاغده، هجوم گه دوچ کیلیب و اَیاغی جدی جراحت کوتارگن ایدی.
جناب احمدی حاضرگچه کسلخانه گه بستری دیر. احمدی نینگ ایتیشیچه، اویی ده کیلیش پیتده موتر ده مملکت جاری وضعیتی توغریسیده بحث اوتکزیلگن. اونگه کوره، موترده‌گی کیشیلرنینگ برچه‌سی سیاسی وضعیت یمان‌لیگی و اونینگ عاقبتی توغریسیده سوزلشگن.
محمدعلی نینگ ایتیشیچه، وضعیت قنده‌یلیگی توغریسیده بحث قیلینگنیدن کیین، همه ایش و وظیفه‌لری و طالبان قدرت گه ایریشیشی بیلن بیکارلیک کوپه‌یگنی توغریسیده نطق سوزله‌گن.
بیزلرنینگ فیسبوک صحیفه‌میزگه باش اورینگ!
سلام‌وطندار خبرچیسی نینگ ایتیشیچه، یانیده اولتیرگن شخص اونینگ وظیفه‌سی حقیده سوره‌گن. مذکور شخص علی احمدی نینگ وظیفه‌سی و سلام‌وطندار ایشلاوچیسی بولگنی خصوصیده خبر بولگنیدن کیین، اونگه خطاب ایتگن که «رادیو سلام‌وطندار آمریکایی بیر رادیو دیر.»
محمدعلی نینگ ایتیشیچه، یانیده‌گی شخص هیداوچیدن موترنینگ توخته‌تیشی نی سوره‌گن و موتر دن توشه‌دیگن بیرچاغده، اوشبو کیشی قورال چیقاریب و محمدعلی تامان نیچه اوق آتگن.
مذکور هجوم کیم تامانیدن اویوشتیریلگنی حاضرگچه بیللی بولمه‌گن.
شونده‌ی بیرحالده خبرنامه ده کیلیشیچه، «افغانستان خبرچیلری نینگ مرکزی مذکور حادثه یوزبیرگنی توغریسیده جدی خواطر بیلدیریش بیلن، طالبان حکومتی مسئوللریدن بو قضیه نی تیکشیریب و خبرچی‌لرگه قرشی زوروانلیک حادثه‌لر کوپه‌یشی نی جدی آلیب و خبرچیلر سقله‌نیشی توغریسیده بیرگن وعده‌لری نینگ عملی قیلیش‌لرینی سوره‌گن.
