افغانستان طالبان قولیگه سقوط قیلگنیدن کیین، کابل و باشقه بیرقطار ولایت‌لرده جنایی حادثه‌لر یوز بیریب و تینچ اهالی هجوم آستیگه قرار بیریلگن.
سونگی کون‌لرده یوز بیرگن واقعه‌لرده بیر قطار تینچ اهالی هلاک و یره‌لنگن. مذکور حادثه‌لرگه قربان بولگن‌لرنینگ اقارب‌لریگه کوره، حاضرگهقدر واقعه‌لر تیکشیریلمه‌ی و عامل‌لری تانیلمه‌گن.
اولرنینگ ایتیش‌لریچه، یوز بیرگن جنایی واقعه‌لرنی تیکشیریش اوچون اسلامی امارت گه مراجعت قیلگنلر، لیکن حاضرگهقدر جواب قولگه کیلتیرمه‌‌گنلر.
عبدالخالق نینگ تورموش اورتاغی اوتگن هفته کابل شهری نینگ برچی منطقه‌سیده یوز بیرگن آتیشمه ده هلاک ایتیلگن. اونینگ ایتیشیچه، حاضرگهقدر بوتوغریده بولگن شکایتی تیکشیریلمه‌گن.
بیزلرنینگ فیسبوک صحیفه‌میزگه باش اورینگ!
عبدالرووف بیر ییل آلدین بلخ مرکزی مزارشریف شهریدن اوغیرلنگن ایدی. اونینگ آته‌سی محمد نبی نینگ ایتیشیچه، حاضرگهقدر اوغلی نینگ تقدیری بیللی ایمس و طالبان گروهی گه هم مراجعت قیلگنلر، لیکن حاضرگچه قوتقریلمه‌گن.
بیراق، معلومات و مدنیت وزیرلیگی اورین‌باسری ذبیح‌الله مجاهد نینگ کابلده اوتکزگن خبری ییغینیده ایتیشیچه، امنیتی نهادلر بونده‌ی واقعه‌لرگه توسیق بولیش و اهالی خوفسیزلیگی‌نی تامین‌لش اوچون سعی و حرکت قیله‌دیلر.
بوندن آلدین اسلامی امارت رسمی‌لری، تینچ اهالی‌گه قرشی زوراونلیک واقعه‌لر تیکشیریلیب و اهالی نینگ بوتوغریده بولگن شکایت‌لریگه دقت قیلینیشیدن خبر بیرگن ایدیلر.
