هلمند یشاوچیلریدن قطاری نینگ ایتیشلریچه، اوشبو ولایت‌ده لمپی اسکین کسل‌لیگی ترقه‌لیشیدن کیین، مذکور کسل‌لیککه چلینگن قطار حیوانلر تلف بولگن.
هلمند ولایتی ناوه تومنی یشاوچیسی حافظ‌الله نینگ ایتیشیچه: «تورت ته سیگیریم بار ایدی و اولر بیر تور کسل‌لیککه چلیندی؛ سیگیرلر نینگ تیری آستیگه بیر تور دانه چیقیب و قانه‌ر ایدی. هیچ نرسه ییماس ایدیلر، بیر سیگیریم تلف بولدی؛ بیراق بیرته‌سی نی واکسین قیلیب دارو بیردیم، ساغلدی.»
بیزلرنینگ فیسبوک صحیفه‌میزگه باش اورینگ!
ناوه تومنی یشاوچیلریدن باشقه بیری عبدالعلی نینگ ایتیشیچه، ینگی‌لیکده اوشبو کسل‌لیک نینگ درمان بولینیشی نی بیلگن دیر. اونینگ کوپهیتیریشیچه: «سیگیرلر نی کلینیککه آلیب باردیم و دارو بیردیلر. حاضر ایسه تیری‌لری آستیده‌گی دانه‌لر توزه‌لگن. حاضر واکسین بار. بوندن آلدین بیلمه‌س ایدیم و سیگیرلریم اوله‌ر ایدی.»
هلمند ده وترنرلردن بیری محمد‌ذاکر میرزایی، اوشبو ولایت‌ده حیوانلر آره‌سیده‌گی تیری آستیده چیقه‌دیگن کسل‌لیک نی «لمپی اسکین» دیب کوپهیتیریشیچه، سیگیرلردن کوپینچه‌سی اوشبو کسل‌لیککه چلینگن. اونگه کوره، «بو کسل‌لیک بوندن آلدین افریقایی مملکت‌لرده بار ایدی و قریب ایکی ییل آلدین آسیا جنوبی جمله‌دن هند و پاکستان گه ترقه‌لدی و اوتگن ییل قربان هییت بیره‌می‌ده افغانستان گه هم انتقال تاپدی.»
میرزایی نینگ کوپهیتیریشیچه، حیوان‌لرده تیری آستی دانه‌لر نینگ چیقیشی، یره، اشتها‌سیزلیک و قریب ۴۰-۴۲ درجه جدی ایسیتمه، اوشبو کسل‌لیک نشانه‌لریدن دیر. «نفس آلیش سیستمی و برچه بدن گه تاثیر قیله‌دی.»
بیزلرنینگ توییترده هم تعقیب قیلینگ!
شونده‌ی بیرحالده، هلمند چاروه‌چیلیک، سووغاریش و ایکینچیلیک ریاستی نینگ حیوانلر ساغلیگی بولیمی آمری شاه‌محمد نینگ ایتیشیچه، لمپی اسکین نینگ ترقه‌لمه‌یشی اوچون، اوشبو ولایت‌ده ۲۲۰ مینگ سیگیر نینگ واکسین بولیشی ممکن. اونینگ کوپهیتیریشیچه: «مذکور کسل‌لیک کوپراق سیگیرلر آره‌سیده بار. واکسین قیلینیش پروسه‌سی نینگ دوامی بار. اوشبو کسل‌لیک هلمند نینگ برچه تومن‌لریده موجود دیر؛ بیراق جنوبی تومن‌لرده ایسه کوپراق؛ چونکه او ییر کوپ ایسیق دیر.»
لمپی اسکین، سیگیرلر آره‌سیده یوقمه بیر کسل‌لیک دیر که، تیری آستیده دانه‌لر چیقیب و حیوان نینگ آریق، کم اشتها، سوتی قوریشی و حتا سیگیر نینگ اولیشی گه سبب بوله‌دی.
