مملکت غرب حوزه‌سی، صناعت و سوداگرلیک اتاقی مسئوللری اوتگن کون (جمعه، ۲۰-جوزا) عیاللر قول صناعتی کورگزمه‌سی نی هرات شهری «۵۰ – ۵۰» دَم آلیش پارکیده «جمعه بازار» عنوانی آستیده یولگه قویگنلر.
مسئوللرنینگ ایتیشلریچه، اوشبو کورگزمه جمعه کونلری هرات شهریده اوتکزیله‌دی و مذکور کورگزمه‌ده یالغیز عیاللر ساعت ۲ دن کیچه ساعت ۱۲ گچه عیاللر قول صناعتی محصولاتلریدن کوریب چیقیشلری ممکن.
بیزلرنینگ فیسبوک صحیفه‌میزگه باش اورینگ!
هرات عیاللر قول صناعتی و سوداگرلیک اتاقی نینگ رئیسی نرگس هاشمی نینگ ایتیشیچه، مذکور کورگزمه نینگ یولگه قویلیشیدن مقصد غرب حوزه‌سی متشبث عیاللری نینگ قول صناعتی محصولاتلریگه بازار تاپیش دیر.
اونینگ ایتیشیچه، هراتده عیاللر سوداگرلیک و صناعت اتاقی قیته‌دن فعالیت گه باشله‌گندن کیین، اولر هیچ بیر قیینچیلیک یوزه‌گه کیلمسدن اوز فعالیتلریگه دوام ایتیرماقده‌لر.
خانم هاشمی نینگ کوپه‌یتیریشیچه، اولر عیاللر قول صناعتی محصولاتلرینی مملکتدن تشقریده صادر قیلیش اوچون سعی و حرکت قیلماقده‌لر.
شونده‌ی بیرحالده، هرات‌لیک سوداگر عیاللردن قطاری اوشبو کورگزمه یولگه قوییلگنیدن خرسندلیک قیلیب ایتیشلریچه، کون اوتیشی بیلن اولرنینگ ایشلری رشد قیلماقده و سوداگرعیاللر کوپینچه‌سی قیته‌دن قول صناعتی گه یوز کیلتیرماقده‌لر.
بیزلرنینگ توییترده هم تعقیب قیلینگ!
عین‌حالده، اوشبو کورگزمه‌ده اوز محصولاتلرینی نمایشگه قوییگن عیاللردن بیری لطیفه سروری نینگ ایتیشیچه، اسلامی امارت مسئوللری غرب حوزه‌سی متشبث عیاللری نینگ محصولاتلری نمایشگه قوییلیشی اوچون دایمی بیر مکان فراهم قیلیشلری کیره‌ک تا بولسه کیم اولر یخشی شکلده اوز ایش – فعالیتلریگه دوام ایتیرسه‌لر.
عیاللر قول صناعتی کوزگزمه‌سیده، تیکووچیلیک، حکاکلیک، کلچه‌پزلیک، عکاسلیک و باشقه تورلی بولیم‌لرده نمایشگه قوییلگن.
مذکور کورگزمه شونده‌ی بیرحالده، یولگه قوییلگن دیرکه مملکتده اسلامی امارت حاکم بولگندن کیین حاضرگچه هرات‌لیک سوداگر عیاللرنینگ محصولاتلری نیچه کورگزمه‌لرده نمایشگه قوییلگن.
