ینگیلیکده پاکستان دن مملکت گه قیتگن کابل‌نینگ سروبی تومنی‌ده‌گی یشاوچیلر‌دن بیری، حادثه‌لرگه قرشی تیارگرلیک کوریش ملی اداره‌سی‌نینگ ماین تازه‌لش بولیمی‌گه تماس آلیب و اویی‌ده پارتلمهی قالگن ماده‌لر بارلیگی‌دن خبر بیرگن.
ییتی کیشی‌لیک ماین تازه‌لش تیمی بیلن محل تامان حرکت قیلدیک. ایکی ساعت یول یوریش‌دن کیین سروبی تومنی‌نینگ «تیزین» قیشلاغی‌گه ییتیشدیک.
تجربه‌لی ماین تازه‌لاوچیلر‌دن بیری سعدی معصوم باشچیلیگی‌ده ماین تازه‌لش تیمی، پارتلمهی قالگن ماده‌لر موجود بولگن اوی‌گه کیرماقده.
سعدی معصوم، باشقه کیشی‌لر حیاتی‌نی قوتقره آلیشی اوچون جوده‌یم خورسند دیر، لیکن اوزی هر کونی اویی‌دن چیققنی‌دن کیین قیته اویی‌گه باریب و باره آلمسلیگی توغریسیده بیر قورقوونی اوزی بیلن تاشیدی. «هر ایرتنگ اوی‌دن چیقگنیم‌‌ده بلکیم بوگون اوی‌گه قیته آلمسه‌م دیب حس قیله‌من، چونکه بو ایش خوفلی دیر، لیکن بیر باله، بیر سینگیل و بیر ایناغه‌م‌نینگ حیاتی‌نی قوتقره آلیشیم اوچون خورسند‌مین.»
جناب معصوم، ییتی کیشی‌لیک تیمی‌دن سیس‌سیز فرشته گه مشهور بولگن ایش‌داشلری‌دن بیری عبدالبصیر‌نی، ماین‌نینگ خنثا قیلیش اوچون تنله‌یدی.
بیزلرنینگ «ایکس» ترماغی ده هم تعقیب قیلینگ!
افغانستان‌یننگ تاغ‌لری و دشت‌لری‌ده ماین تازه‌لش بیلن عمری‌دن یریمی‌نی اوتکزگن ۵۲ یاشر عبدالبصیر‌نینگ ایتیشیچه، اولیم‌نی کوزلری بیلن کوریب و قوللری بیلن اوچیره‌دی. «کوپینچه ماین‌نی تازه‌له‌گن‌میز. افغانستان بویلب پارتلمهی قالگن ماده بیلن افلاسلنگن ولایت کابل دیر و تومن‌لر بویلب ایسه بگرام تومنی ماین‌لر بیلن افلاسلنگن. قریب ۳۰ ولایتده ایشله‌گن‌مین و پارتلمهی قالگن ماده‌لردن کوپینچه‌سینی اورته‌دن کیتگزگن‌مین.»
عبدالبصیر بیر حویلی‌گه کیره‌دی که مذکور حویلی‌نینگ بیر چیکه‌سیده ویران بولگن بیر اتاق کوزگه کوریله‌دی. بو اتاق‌نینگ تامی قوله‌ب توشگن و دیوارلردن بیر‌یده‌گی تاقچه‌نینگ بیر قسمتی‌ده ماین جایلشتیریلگن.
پارتلمهی قالگن ماده‌لر بیلن روپه‌ره بولیش چاغیده، پیشانی‌سی‌‌نی تیر باسه‌دی و قورقیش سیما‌سیده کوریله‌دی. «ماین تازه‌لش بولیمی‌ده خوف و خطرلر بار و ماین تازه‌لش یولی‌ده ایش‌داشلریمیز‌دن کوپ قطاری اولیب و یره‌لندی. قول و ایاق‌لرینی قولدن بیردیلر. اوز اولکه‌میز گه خذمت قیله‌یلیک دیب بیزلر بو خوف‌نی جان‌گه ساتیب آلگن‌میز.»
او بیر ساعت‌دن کیین، پارتلمهی قالگن ماده‌لرنی تانیب و قوللری بیلن آهسته و کوپ احتیاط قیلیب اونی کوتاره‌دی و قاغازی بیر قوطی ایچیگه قویه‌دی و آهسته‌راق یوریب اونی اوزی بیلن حویلی‌دن چیقره‌دی. محل یشاوچیلری و ایش‌داشلری‌نینگ سوزلری‌گه کوره، او مذکور پارتلش ماده‌لرنی اوزاق و هیچ کیم بولمه‌گن بیر ساحه گه آلیب باریب و پارتلته‌دی.
عبدالبصیر پارتلمهی قالگن ماین‌لر و پارتلاوچی ماده‌لر‌نینگ پارتلشی آلدی آلینیشی اوچون عایله‌لردن، خطر نشانه‌لری بولگن بولیم‌لرگه یقین‌لشمس‌لیکلرینی ایسته‌گن. «قیزیل و آق تاشلر بیلن روپه‌ره بولگنلری پیتده، اونگه یقین بولمه‌سینلر و باله‌لری‌نی نابیللی بیر نرسه بیلن روپه‌ره بولگنلری چاغیده اونگه قول اورمس‌لیکلری توغریسیده آگاه‌لنتیرسینلر.»
افغانستان ده پارتلمهی قالگن ماده‌لر، کوپراق باله‌لر و عیاللر حیاتی‌نی خوف آستیده قوییب و اولردن قربان‌لیک آله‌دی. عبدالبصیر تامانیدن مذکور ماده‌لر‌نینگ پارتله‌تیلگنی‌دن کیین، محل‌ده‌گی باله‌لر سیماسیگه تبسم کوریله‌دی.
ینگیلیکده پاکستان دن افغانستان گه قیتگن کابل‌نینگ سروبی تومنی تیزین قیشلاقی یشاوچیسی بولمیش خالد‌گه کوره، یقین کونلرده اوروشلر جریانیدن پارتلمهی قالگن ماین‌لر پارتلشی نتیجه‌سیده ابه‌سی‌نینگ اوغلی‌نی قولدن بیرگن. «قوی‌لرنی باقیش چاغیده ۱۱ یاشر کیچیک باله، ماین بیلن روپه‌ره بولگن و باشقه ایناغه‌سی اونگه قول اورمه دیگنی چاغیده بو ماین ایمس و پارتلمه‌یدی دیب و اونگه قول اورگن و کیین اونگه تاش آتگن که نتیجه‌ده ماین پارتلب و هلاک بولدی.»
سروبی تومنی تیزین قیشلاغی یشاوچیلری‌دن باشقه بیری علیم‌خان، اسلام امیرلیگی‌دن اوتگن اوروشلر جریانیدن پارتلمهی قالگن ماده‌لر و ماین‌لر بیلن افلاسلنگن ساحه‌لر‌نینگ تازه‌لنیشی‌نی ایسته‌گن. «حکومت‌دن پارتلمهی قالگن ماده‌لر بیلن افلاسلنگن ساحه‌لر‌نینگ تازه‌لنیشی و قیته قیته بو منطقه‌لرگه مراجعت قیلیشلرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
افغانستان، ۱ مینگ ۱۵۰ کیلومترمربع ساحه‌ده پارتلمهی قالگن ماین‌لر بیلن اینگ کوپ افلاسلنگن مملکت‌لردن دیر که بو افلاسلنیش آی‌ده یشاوچیلر‌دن ۵۰ الی ۶۰ فایز قربان‌لیک آله‌دی.
بو آره‌ده، عبدالبصیر و ایش‌داشلری یشاوچیلر‌نینگ تینچ بیر فضا‌ده حیات کیچیریشلری مقصد، کونده اوز حیات‌لرینی خوف آستیده قویه‌دیلر.
عبدالبصیر سروبی یشاوچیسی‌نینگ اوی‌نی تازه‌له‌گنی‌دن کیین، خورسند‌لیک سیماسیگه کوریلیب و ایش‌داشلری بیلن کابل شهری‌ده‌گی ایش اداره‌سی تامان حرکت قیلدیلر که ایرته‌سی کون ینه هم پارتلمهی قالگن ماده‌لرنی تازه‌لش اوچون تیارلنسه‌لر.
