فرانسه جمهور باشلیغی امانوئل مکرون، بریتانیا گه قیلگن اوچ کونلیک رسمی سفری باشلنیشی دایرهسیده، لندندن فلسطین مستقل مملکت صفتیده تن آلینیشینی قۉللب-قوتلشینی سورهگن.
مکرون بریتانیا پادشاهسی، اوچینچی چارلز تکلیفی بیلن اوشبو مملکت گه سفر قیلگن.
بیزلرنینگ فیسبوک صحیفهمیزگه باش اورینگ!
فرانسه جمهور باشلیغی، ۱۷-سرطان، سهشنبه کونی بریتانیا ایکیله مجلسی اعضالری برابریده نطق سۉزلب، غزهده تیزلیک بیلن آتیش کېسین برقرار اېتیلیشی گه تأکیدلهگن.
اونگه کوره، فرانسه و بریتانیا فلسطین مستقل مملکت صفتیده تن آلینیش جریانینی آلغه آلیب باریلیشی اوچون همکارلیک قیلیشی کېرهک.
مکروننینگ تأکیدلشیچه، «منطقهده صلح و برقرارلیک تأمینلنیش یگانه یولی، فلسطین مستقل مملکت صفتیده تن آلینیشی دیر.»
بیزلرنینگ «ایکس» ترماغی ده هم تعقیب قیلینگ!
فرانسه و سعودی عربستاننینگ سعی-حرکتی بیلن غزهده حماس و اسرائیل اورتهسیدهگی توقنشوولر گه چېک قوییش اوچون سعی-حرکتلری بیلن، فلسطین مستقل مملکت اولهراق تن آلینیشی مقصدیده نیویارکده بیرلشگن ملتلر تشکیلاتی مقریده ۱۷ دن ۲۰ جون گه قدر ییغیلیش اوتکزیلیشی کوتیلر اېدی؛ بیراق ایران و اسرائیل آرهسیدهگی حربی توقنشوولر طفیلی آرتگه قالدیریلدی.
شو بیلن بیرگه، بوندن آلدین امریکا قۉشمه ایالتلری و اسرائیل، فلسطین مستقل مملکت صفتیده تن آلینیشیگه قرشیلیک کورستگن اېدیلر.
