سوز ایرکین‌لیگی اویی، اعلامیه ترقه‌تیب ایتیشیچه افغانستان اسلامی امارت حاکمیت گه ایریشیشی بیلن ییتکیرمه‌لر نقصان کوریب ایریم چیکلاولرگه روپه‌رو بولیشکن. مذکور جمغرمه نینگ اعلامیه‌سیده کیلیشیچه، افغانستاندهگی ییتکیرمه‌لر تولیق ایرکین‌لیکه ایگه ایمس و سیستماتیک روشده سانسور قیلینه‌دی.
سوز ایرکین‌لیگی اویی، افغانستان بویلب میدیالر و ژورنالیست‌لرگه مثل‌سیز باسیم‌لردن خواطر بیلدیریب ایتیشیچه، مخبرلر ایریم بهانه‌لر بیلن زوروانلیک، باسیم و تهدید بیلن یوزمه‌یوز. مذکور نهادنینگ تاکیدلشیچه، ژورنالیست‌لر بیلن بو کبی یانده‌شیش اولرنی روانی تهدیدگه یوزمه‌یوز قیلگن حتی تانیقلی خبرچی‌لردن قطاری وظیفه‌لرینی قویباریب اوی‌لریده یاشیرینچ روشده تیریکچپیلیک قیلیشکه مجبور بولگن.
سوز ایرکین‌لیگی اوی، سیستماتیک سانسور قیلینیش و ییتکیرمه‌لرگه کونسه‌یین باسیم کیلتیریش‌نی قاره‌له‌گن. مذکور نهاد بشر حقوقی صفتیده سوز ایرکین‌لیگی مصونیتی‌گه تاکیدلب، اسلامی امارت رهبرلریدن سوز ایرکین‌لیگی و میدیالرگه بولگن باسیم‌لرگه کوتاریلیب و خبرچیلر و سوز ایرکین لیگی مصونیتی کفالت‌لنیشینی سوره‌گن.
بیزلرنینگ فیسبوک صحیفه‌میزگه باش اورینگ!
شونینگدیک اعلامیه‌ده، ییتکیرمه‌لرنی قوللب قوتلش خلق‌ارا جمغرمه‌لر و دنیا جماعه‌چیلیگی‌دن، افغانستاندهگی ژورنالیست‌لر وضعیتی وسوز ایرکین‌لیگی اوتکن ۲۰ ییل یوتوقی صفتیده دقت قیلینیشی طلب قیلینگن.
عین حالده، افغانستان ایرکین میدیالرینی قوللب قوتلاوچی جمغرمه نی، بیر اعلامیه آرقه‌لی افغانستاندهگی خبرچیلر و ییتکیرمه‌لر وضعیتی‌دن خواطر بیلدیریب ایتیشیچه، سونگی نیچه آی‌ده قطار ییتکیرمه‌لر باغلنیب خبرچیلر و میدیا ایشلاوچیلری ایش‌سیز قالگن.
نی، خبرچیلر و میدیالر برابریده‌گی موجود وضعیت‌نی معلومات گه قول تاپیش و سوز ایرکین‌لیگی اوچون کتته نقصان دیب، بوکبی عامل‌لرنی افغانستان بویلب میدیالرنینگ فعالیت لری‌گه چیکلاو یره‌تیش عنوان قیلگن.
بوندن آلدین میدیالرنی قوللب قوتلاوچی اداره‌لر ژورنالیست‌لرگه قرشی زوروانلیک‌لر آشیشی و افغانستان ده میدیالر وضعیتی یامانلشیشی دن خواطر بیلدیرگن ایدیلر.
اسلامی امارت رسمی لری اوشبو اعلامیه گه حاضرگچه عکس العمل کورستمه‌گن.
بیزلرنینگ توییترده هم تعقیب قیلینگ!
