کابل مملکت نینگ اینگ گوجوم شهرلریدن بیری دیرکه ترافیک اداره‌سی نینگ معلوماتی اساسیده، ۸۰۰ مینگ‌دن آرتیق حجت‌‌لی موتر سرک‌لرده اوتیب-قیتماقده.
شونده‌ی بیرحالده، کابل یشاوچیلری اوشبو ولایت‌ده حجت‌سیز موترلر نینگ اوتیب-قیتیشی کوپه‌یگنیدن خواطر بیلدیریب و ایتیش‌لریچه، مذکور موترلردن قطاری اسلامی امارت اعضاسی گه تیگیشلی دیر.
اولر اسلامی امارت‌دن حجت‌سیز موترلر نینگ یوریشی‌دن توسیق بولیش‌لری نی سوره‌گنلر.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن ذبیح‌الله نینگ ایتیشیچه: «حجت‌سیز موترلردن کوپ قطاری نی اسلامی امارت آدم‌لری استفاده قیله‌دی و عادی اهالی بو کبی موترلر نینگ ساتیب آلیش گه کوچلری ییتیشمه‌یدی. چونکه، شخصی موتری بولگن عادی اهالی نینگ، راحت بیر شکلده اوتیب-قیتیش گه کوچی ییتیشمه‌یدی.»
کابل یشاوچیلریدن باشقه بیری احمدرشاد نینگ ایتیشیچه، جنایت‌لردن کوپینچه‌سی جمله‌دن آدم اوغریلیک، قوراللی اوغریلیک و باشقه جنایت‌لر حجت‌سیز موترلردن قوللنیش بیلن صورت تاپه‌دی.
شونده‌ی بیرحالده، اسلامی امارت سوزلاوچی اورین‌باسرلریدن بلال‌کریمی اسلامی امارت اعضاسی یانیده حجت‌سیز موترلر نینگ موجود‌لیگی نی رد یا-ده تصدیق قیلمه‌ی، بیراق ایتیشیچه، اسلامی امارت حجت‌سیز موترلر نینگ اوتیب-قیتیشی و یوریشی گه رخصت بیرمه‌یدی.
بیزلرنینگ توییترده هم تعقیب قیلینگ!
عین حالده، عمومی ترافیک ریاست اداره‌سی نینگ اورین‌باسری تمیم‌احمد عصمتی نینگ ایتیشیچه، حکومت بیر ریجه اساسیده مملکت‌ده‌گی حجت‌سیز و اونگ قوللی موترلر نی ثبت و اولر گه حجت ترقه‌تیشی ممکن.
بوندن آلدین مالیه وزیرلیگی مسئوللری، اوشبو وزیرلیکده ۳۰ مینگ ۲۲۰ حجت‌سیز موتر نینگ قید ایتلگنیدن خبر بیرگنی بیرحالده، اوشبو بیانات مطرح بولگن.
