بوگون کابل ده خبری ییغین اوتکزگن افغانستان ژورنالیست‌لر ملی اتفاقی، خبرچیلرنینگ اخبارت آلیش امکانیتی گه دایر ینگی تدقیقاتی نی ترقه‌تدی. اوشبو تدقیقات گه اساس ۹۰ فایزدن آرتیق خبرچیلر اخبارت آلیش امکانی دن محروم.
افغانستان ژورنالیست‌لر ملی اتفاق مسئولی مسرور لطفی نینگ ایتیشیچه، اسلامی امارت قدرت نی قول گه آلیشی بیلن مملکتده‌گی میدیالر ایریم قیینچیلیک‌لرگه روپه‌رو بولگن.
افغانستان ژورنالیست‌لر ملی اتفاقی اعضالری نینگ ایتیش‌لریچه، اوشبو آنلاین تیکشیروو ده ۵۰۰ خبرچی شرکت قیلگن.
شونینگدیک اوشبو تدقیقات نینگ کورستیشیچه، ولایت‌لرده‌گی معلومات و مدنیت ریاست‌لری نینگ مسئوللری‌دن ۲۰ فایزی، معلومات ییتکریش گه اَره‌لشه‌دی و اسلامی امارت مسئوللری دن ۳۰ فایزی برنامهلرنی ثبت قیلیش گه توسیقلیک یرته‌دی و ۶۰ فایز اهالی مصاحبه قیلیشدن قورقه‌دیلر.
بیزلرنینگ فیسبوک صحیفه‌میزگه باش اورینگ!
لیکن اسلامی امارت سوزلاوچیسی نینگ اورین باسری بلال کریمی، اوشبو تدقیقاتده‌گی معلوماتلرنی رد قیلیب ایتیشیچه، اسلامی امارت قدرت نی قولگه آلیشی بیلن میدیالرگه چیکلاو یرهتیلمهگن.
اوشبو تیکشیروو نشر ایتیلگن بیرحالده، سابق دولت سقوط قیلیشی بیلن، افغانستان میدیالریدن بیرقطاری باغله‌نیب و شونینگدیک ژورنالیست‌لردن قطاری مملکت نی ترک قیلیشگن.
