افغانستان سابق مدافعه وزیری و تانیقلی سیاسی سیمالردن جنرال شهنواز تنی نینگ دوست و یقین قرینداشلری، او بوگون دوشنبه ۱۶-حوت، پاکستان پایتختی اسلامآباد کسلخانهلریدن بیریده کسللیگی باعث، عالمدن اوتگنی نی تصدیق لهگنلر.
شهنواز تنی، افغانستان خلق دموکراتیک جمهوریت تیزیمی نینگ مدافعه وزیری و «تینچلیک جنبشی/سولی غورزنگ» حزبی رئیسی ایدی. او ۱۳۵۷-ییل ۷-ثور کودتاسیده واحد حربی کوماندو نینگ قومندانی بولیب او اوشبو تونتَریشدن کیین، شمال حربی واحدلر قومندانی و اوندن کیین ایسه هرات فرقهسی نینگ قوماندانی تعینلندی.
بیزلرنینگ فیسبوک صحیفهمیزگه باش اورینگ!
ایتیشکیرهک که، قویاش ۶۰ دههنینگ سونگیلریده داکتر نجیبالله احمدزی نینگ حاکمیتی زمانیده شهنواز تنی، مدافعه وزیرلیک رتبهسی گه ییتیشدی. او ۱۳۶۸ ییل نینگ ۱۶-حوتده حربی تونتَریشنی یولگه قویش بیلن داکتر نجیبالله تامانیدن برطرف بولیب و تیک اوچر آرقهلی پاکستانگه قاچدی.
جناب تنی کابلنینگ ۸-فرقه قومندانلیگی، کابل حربی قومندانلیگی، خلق دموکراتیک حزبی نینگ حربی کمیته عضویتی، مذکور حزب یننگ سیاسی تشقی عضویتی و افغانستان مدافعه وزیری و مشترک ارتش ستاد ریاستیده وظیفه بجرگن.
بیزلرنینگ توییترده هم تعقیب قیلینگ!
شهنواز تنی قویاش ۱۳۲۸-ییلده مملکت نینگ جنوب شرقیده جایلشگن خوست ولایتی نینگ تنی تومنیده دنیا گه کیلگن. او کابل و مسکوده حربی تعلیم کوردی، او افغانستان ارتشی قوماندانی بولیب و حربی اینگ یوقاری رتبهگه ییتیشگن.
