مملکت ساغلیک وزیرلیگی و ولایتلرنینگ ساغلیک ریاست‌لریدن قولگه کیلگن معلومات نینگ کورستیشیچه، مرکز و ولایت‌لرده ۱ مینگ‌دن آرتیق داروخانه مذکور وزیرلیک که قید ایتیلمه‌گن و اولر ناقانونی شکلده فعالیت قیله‌دی.
ساغلیک وزیرلیگی اوشبو داروخانه‌لرنینگ ناقانونی فعالیتی گه توسیق بوله آلمه‌گن.
سلام‌وطندارنینگ تیکشیرووی گه کوره، ساغلیک وزیرلیگی و ولایتلرنینگ ساغلیک ریاست‌لری ناقانونی شکلده فعالیت قیله‌دیگن داورخانه‌لرنینگ بیللی رقمی توغریسیده معلوماتی یوق.
ساغلیک وزیرلیگی مسئوللری نینگ ایتیش‌لریچه، مذکور داروخانه‌لردن قطاری ساغلیک وزیرلیگی تامانیدن باغلندی، بیراق بیر نیچه پیتدن کیین قیته‌دن فعالیت گه باشله‌گن.
مملکت یشاوچی‌لری معیاری خدمتلر ترقهتیلمهسلیگی و داروخانه‌لرنینگ ناقانونی فعالیت‌دن شکایت قیلیب و حکومت نینگ بو توغریده توجه‌سیزلیککه عیبله‌گن.
کابل یشاوچی‌لریدن بیری قسیم سلام‌وطندار گه صحبت بیریب ایتیشیچه، داروخانه‌لر تامانیدن ترقه‌تیله‌دیگن خدمتلر معیاری ایمس. اونگه کوره، داروخانه لردن کوپینچه‌سی صفتی قویی دارو وارد قیله‌دی و شو یوزه‌دن کسل‌لردن کوپینچه‌سی داروله‌نیش اوچون قوشنی مملکتلر- پاکستان و هند کیته‌دیلر.
اونینگ کوپه‌یتیریشیچه، کوپینچه داکترلرنینگ نسخه‌سینی اوزلریگه تیگیشلی داروخانه‌لردن باشقه‌سی اوقیالمه‌یدی.
ناقانونی داروخانه‌لرنینگ فعالیتی یالغیز کابل گه خلاصه بولمه‌یدی.
هرات یشاوچی‌لریدن بیری جواد توانگر نینگ ایتیشیچه، داکترلرگه مراجعت قیله‌دیگن کسللر دارولرنینگ قویی کیفیتی باعث کسل‌لیکلری کوپه‌یشی ممکن.
اونینگ ایتیشیچه، مملکت چیگره‌لری تشقی‌دن کیله‌دیگن دارولر یوزیگه آچیق دیر و وارد بوله‌دیگن دارولر وزیرلیک تامانیدن تیکشیریلمه‌یدی.
شونینگدیک بلخ یشاوچی‌لری ناقانونی داروخانه‌لر فعالیتیدن شکایت قیلیشگن.
مذکور ولایت یشاوچیسی نصیر احمد نینگ ایتیشیچه، ساغلیک وزیرلیگی داروخانه‌لرنینگ فعالیتی نی تیکشیرمه‌یدی. او بو ولایتده «تاریخی اوتگن» دارولر کوپلیگی و شونینگدیک دارولرنینگ قیمتی یوقاری بولگنیدن شکایت قیله‌دی. اونگه کوره، دارولردن کوپینچه‌سی نینگ تاریخی اوتگن بیراق کسل‌لرگه شو دارولردن بیریله‌دی.
ناقانونی داروخانه‌لر قنده‌ی فعالیت قیله‌دی؟
ولایت‌لرده ناقانونی داروخانه‌لرنینگ فعالیتی خصوصیده هیچ‌قنده‌ی چیکلاو یوق و اولر ایرکین شکلده فعالیت قیله‌دی. مذکور داروخانه‌لردن بیرقطاری نینگ فعالیت‌لری توخته‌تیلگن، بیراق قیته‌دن فعالیت‌گه باشله‌گنلر.
بیرقطار ولایت‌لرده ناقانونی داروخانه‌لردن بیللی رقم قولگه یوق. ساغلیک مسوول‌لرنینگ ایتیش‌لریچه، ناتینچلیک و محلی مسوول‌لرنینگ ایش‌سیزلیگی سبب، جوازی بولمه‌گن داروخانه‌لرنینگ بیللی قیلینمه‌یشی‌گه سبب بولگن.
ساغلیق‌نی سقلش وزیرلیگی و ولایت‌لر بوییچه ساغلیق‌نی سقلش ریاستی تامانیدن بیریلگن رقم‌لرگه کوره، ناقانونی داروخانه‌لردن کوپراغی ننگرهار ولایتیده فعالیت قیله‌دی.
بیرقطار ولایت‌لرده ناتینچلیک و طالبان جنگریلری نینگ حضوری سبب، ساغلیق‌نی سقلش وزیرلیگی تیکشیرووچی تیم یوباره آلمه‌یدی. فاریاب، سمنگان، لغمان، بدخشان، کاپیسا، تخار، نیمروز و نورستان ولایت‌لری ساغلیق‌نی سقلش وزیرلیگی تامانیدن تیکشیریلمه‌گن ولایت‌لر جمله‌سیدن دیر.
بیرقطار ولایت‌لرده ساغلیق‌نی سقلش ریاستی مسووللری، جوازی بولمه‌گن داروخانه‌لرنینگ فعالیت قیلیشی‌نی رد قیله‌دی.
هرات، بلخ، بادغیس، سرپل، لوگر، غزنی، جوزجان، فراه و میدان‌وردک ولایت‌لری مسووللری نینگ ایتیش‌لریچه، مذکور ولایت‌لرده هیچ‌بیر ناقانونی داروخانه فعالیت قیلمه‌یدی و اوشبو ولایت‌لرده فعالیت قیله‌دیگن بوتون داروخانه‌لر قانونی و ساغلیق‌نی سقلش ریاستی‌گه قید ایتیلگن.
باشقه بیرقطار ولایت‌لرده، یشاوچی‌لرنینگ داروخانه‌لرده نیازلری بولگنی سبب، ناقانونی داروخانه‌لر فعالیت قیله‌دی.
پنجشیر ولایتی بوییچه ساغلیق‌نی سقلش ریاستی نینگ ساغلیق قانون‌لر بولیمی مدیری خلیل‌الله نینگ ایتیشیچه، اوشبو ولایت نینگ داروخانه‌لری محلی حکومت قراری اساسیگه فعالیت قیله‌دی. اونینگ کوپه‌یتیریشیچه، بو ولایت یشاوچی‌لری نینگ ساغلیک مرکزلردن اوزاقده قالگنی، ناقانونی داروخانه‌لرنینگ فعالیت قیلیشی‌گه سبب بولگن.
ناقانونی داروخانه‌لرنینگ فعالیتی نیمه اچون توخته‌تیلمه‌یدی؟
ساغلیق‌نی سقلش وزیرلیگی مسووللری نینگ ایتیشیچه، بیرقطار داروخانه‌لر کون اوتیب اوزگرماقده و ساغلیک وزیرلیگیده تیکشیریش اوچون ییترلی تیمی بولمه‌گن.
ساغلیک محصول‌لرنی تنظیم قیلیش ملی اداره سی نینگ باشلیغی نعمت الله نوروزی گه کوره، تیکشیریش تیمی هر کون دارو خانه لرنی تیکشیره دی و فعالیتی قیلیش خصوصیده جوازی بولمه گن دارو خانه لرنی نینگ فعالیتی نی توخته ته دی.
نوروزی جنابلری نینگ کوپه یتیریشیچه، جاری خورشیدی ییلده ۴۳ دارو خانه نینگ مسووللری باشقاره لاوچیلیک گه تانیشتیریلگن و حاضرده عامه ساغلیک وزیرلیگی نینگ تشکیلیده ولایتی واحدلر بولمه گن و تشکیلات ییترلی بولمگنی باعث، ریاستلر جواب قیته ریشده اوزلرینی مسوول بیلمه یدیلر.
نوروزیان جنابلری، کوپینچه دارولر ناقانونی یوللر بیلن قاچاق ایتیلیب باشکینت کابل گه کیلتیریلیب، کابلدن باشقه ولایت لرگه اوزه تیلیشدن خبر بیره دی. اوز نینگ سوزیگه کوره، کوپله ب کیفیت سیز دارولر پاکستان اولکه سیدن افغانستانگه کیله دی، لیکن تیکشیریش تیم تمانیدن هفته ایچیده اون دارو خانه تیکشیریلیب، کیفیت سیز دارولرگه قول قویله دی.
عین حالده ملی کینگش نماینده لری، اوشبو وضعیت خصوصیده ساغلیک وزیرلیگی نی مسوول بیلیب و وزیرلیک نی توجه سیزلیکده عیبدار ایتگنلر. ملی کینگش نماینده لری نینگ مرکزی تیکشیریش کمیسیونی عضوی غلام حسین ناصری، کسل بولگن کیشیلر کیفیت سیز و تاریخی اوتگن دارولرنی استفاده قیلگنیدن کیین اولگن حالده، اولیم مسوولی وزیرلیک دیگن.
دارو ایشلرینی تنظیم قیلیش ملی اداره سی نینگ معلوماتیگه کوره، حاضرده افغانستانده ۵۰ دارو تولید قیلیش شرکتی فعالیت قیلیب، اولک احتیاجی نینگ ۱۵ فایزینی قرشیله یدیلر و ۸۵ فایز احتیاج نی تشقی اولکه لردن کیلتیره دیلر.
دارو ایشلرینی تنظیم قیلیش ملی اداره سی نینگ مسووللریگه کوره، اولکه ده دارو ایشله ب چیقاره دیگن ۵۰ شرکت دن یالغوز ۵ شرکت کیفیتلی دارو ایشله ب چیقاره دی.
عامه ساغلیک وزیرلیگی و ساغلیک ریاست لری تمانیدن بیریلگن معلوماتگه کوره، افغانستانده ۱۱۳۳۳ داروخانه فعالیت قیله دی. اشبو رقمگه کوره، ۱۵ ولایت ده ۱۵۴۷ دارو خانه ناقانونی شکلده فعالیت قیله دی. ۸ ولایتده فعالیت قیله دیگن ناقانونی دارو خانه لر رقمی بللی ایمس، ایریم ولایت لرده ناقانونی شکلده فعالیت قیله دیگن داروخانه لر رقمی بیللی بولمه گنی خصوصیده ولایت لر تینچ سیزلیگی دلیل قیلینگن. لیکن عامه ساغلیک وزیرلیگی تمانیدن بیریلگن گزارشگه کوره، ۹ ولایت ده فعالیت قیله دیگن بوتون دارو خانه لرده فعالیت جوازی بولگن.
