فاریاب مرکزی میمنه شهری بلدیه‌سی مسئوللری، شهر ترتیبی اوچون بیر آی دن بویان ایسکی دکان‌لرنی بوزیب و قیته قوریش جریانی باشلنگنیدن خبر بیره‌دیلر.
میمنه شهری بلدیه‌سی باشلیغی محب‌الله موفق نینگ ایتیشیچه، نیچه سنه آلدین قوریلیب و ایسکیرگن دکان‌لر شهر ترتیبی گه ماس بولمه‌ی، یشاوچیلر نینگ کیتمه_کیت ایسته‌گی، دکان ایگه‌لری و ولایت رسمی‌لری نینگ اویغون‌لیگی بیلن بوزیلیب و بلدیه ریاستی نینگ ینگی خریطه‌سی اساسیده قیته دن قوریلیش ایشی باشلنگن.
فاریاب مرکزی میمنه شهری بلدیه‌سی، بوزیلیب و قیته قوریله‌دیگن یا که قوریلگن دکان‌لر سانی حقیده ایضاح کیریتمسه ده، بیراق حاضرگی کونده هرات و زرگرلیک سرک‌لریده‌گی دکان‌لر بوزیلیب و قیته قوریلیش ایشی دوام ایتماقده و باشقه سرک‌لرده‌گی دکان‌لر نینگ بوزیلیب و قیته قوریلیش ایشی باشله‌نیشینی معلوم قیله‌دی.
بیزلرنینگ فیسبوک صحیفه‌میزگه باش اورینگ!
محب‌الله موفق نینگ کوپه‌یتیریشیچه: «۸۰ و ۱۰۰ ییل قدامتی بولگن دکان‌لر بوزیلگن و هر ییلی اولر نینگ چپه بولیشی گه گواه ایدیک، یشاوچیلر نینگ کیتمه_کیت ایسته‌گی، بلدیه ریاستی و دکان ایگه‌لری نینگ تکلیفی اساسیده، دکان‌لر بوزیلیب و قیته قوریلیشی گه قرار قیلیندی.»
عین‌حالده، مذکور دکان‌لر نینگ ایگه‌لریدن بیرقطاری، بلدیه ریاستی نینگ اوشبو حرکتینی خوش قرشی‌لب ایتیشلریچه، اولر دکان‌لری نینگ بوزیب و قیته قوریش گه کوچ‌لری ییتمه‌یدی.
میمنه شهری ده‌گی دکان ایگه‌لریدن عبدالحلیم و امین‌الله اقتصادی احوال‌لری گه علاوه، اوشبو کون‌لرده انشاآتی ماده‌لر قیمت‌لیگیدن خواطر بیلدیریب، بلدیه ریاستی دن انشاآتی مواد ساتووچیلر نینگ احتکاری آلدی آلینیشینی سوره‌یدیلر.
میمنه شهری ده دکان ایگه‌لریدن عبدالحلیم گه کوره: «شهر آباد بولسه خورسند بوله‌میز، بیراق انشاآتی ماده‌لر قیمت دیر، شونی اوچون ناراضی‌میز، بیر مینگ خشت ۳ مینگ ۸۰۰ افغانی دیر، بوگون تورت مینگ ۸۰۰ افغانی گه ساتیب آلدیک، تیمیر هم شو کبی قیمت، انشاآتی ماده‌لر نرخی کنترول بولیشینی ایسته‌یمیز.»
میمنه شهری ده دکان ایگه‌لریدن باشقه بیری امین‌الله نینگ ایتیشیچه: «کوپ سانده کیشی‌لر اوشبو دکان‌لری گه بیش یوز مینگ یا که اوندن کوپ مصرف قیلیش توان‌لری یوق، عمومی بوزیلیب و قیته قوریلیش جریانی باشله‌نیشی بیلن بیر کیشی دن قرض آلیب قوریش گه مجبور بولدیلر، حقیقتن هم قطار کیشی‌لر نینگ قوریش توانی یوق دیر.»
شو بیلن بیرگه، دکان‌لرده اجاره اولتیرگن کیشی‌لردن بیرقطاری نینگ ایتیشلریچه، اولر دکان‌لرینی بوزیب و قیته قوریش گه کوچ‌لری ییتمه‌یدی و دکان ایگه‌لری اولرنی قیته قوریش مسئولیتینی تن آلیشی کیره‌ک.
بیزلرنینگ توییترده هم تعقیب قیلینگ!
اجاره اولتیره‌دیگنلردن بیری احمد شکیب، ایش یوق‌لیگی و دکان اجاره‌سی قیمت‌لیگیدن نالیب ایتیشیچه: «دکان ایگه‌لری، اجاره اولتیره‌دیگنلر اجاره عوضی گه دکان‌لرنی قوریشنی ایسته‌یدیلر، دکان‌لر قوریلیشیدن کیین اجاره حقی یوقاری بولیشینی ایته‌دیلر، بلدیه ریاستی دن بوتوغریده جدی دقت قیلیشینی ایسته‌یمیز.»
باشقه تاماندن، میمنه شهری ده ایشلاوچیلردن بیرقطاری، ایش زمینه‌سی یره‌تیلیشیدن خورسندلیک قیلیب و حکومت دن، اولکه یشاوچیلری باشقه مملکت‌لر گه مهاجر بولمسلیگی اوچون دایمی ایش زمینه‌سی یره‌تیلیشینی طلب قیله‌دیلر.
میمنه شهری ده ایشلاوچیلردن احمد گه کوره: «ایش زمینه‌سی یره‌تیلیشی و مملکت آبادانچیلیگی اوچون خورسند من، عایله اعضالریمیز نینگ نفقه‌سینی تأمینلش اوچون بیز گه شو کبی ایش فرصت‌لری یره‌تیلیشینی ایسته‌یمیز.»
شو بیلن بیرگه، میمنه شهری یشاوچیلری بلدیه ریاستی نینگ اوشبو حرکتینی خوش قرشی‌لب، شهر ایچیده‌گی اریغچه‌لر تازه‌لنیشی باره‌سیده دقت قیلیشینی سوره‌یدیلر.
بوندن آلدین، میمنه شهری بلدیه‌سی برچه سرک‌لردن قول اوستیده ساتووچیلرنی ییققندی و مذکور ریاست نینگ بو ایشی فاریاب یشاوچیلری تامانیدن خوش قرشی‌لنگن ایدی.
