افغانستان نینگ طبی محصو‌ل‌لر و دارو صناعت بیرلشمه مسئوللری، افغانستان گه حددن آشه صفت‌سیز و قاچاقی دارولر نینگ وارد بولیشی‌دن خواطر بیلدیریب، بوگون اوشبو بیرلشمه دفتری‌ده خبری بیر ییغین یولگه قوییش بیلن ایتیش‌لریچه، هر ییل اهالی نیازی‌دن کوپراق، مملکت گه قاچاقی شکلده دارو و طبی محصو‌ل‌لر وارد بوله‌دی.
مذکور بیرلشمه نینگ فرهنگی مسئولی محمد‌ذکی ذکاوت گه کوره، مملکت گه قاچاقی شکلده دارولر وارد ایتیلیشی و بازارده تاریخی اوتگن دارولر قوللـه‌نیلیشی، سرمایه نینگ ناتوغری یول گه صرفله‌نیشی گه سبب بوله‌دی.
بیزلرنینگ فیسبوک صحیفه‌میزگه باش اورینگ!
افغانستان طبی محصو‌ل‌لر بیرلشمه نینگ فرهنگی مسئولی نینگ ایتیشیچه: «هر ییل قریب بیر میلیارد دالر ارزشی گه، دارولر رسمی و غیر‌رسمی یا-ده قاچاق شکلده مملکت گه وارد بوله‌دی که، بو رقم مملکتده مصرف قیلووچیلر ضرورتی‌دن کوپراق دیر. یوزلرچه تُن تاریخی اوتگن دارو، آزیق-آوقات و دارو اداره‌سی آرقه‌لی هدر کیته‌دی که، بو ایش مملکت سرمایه‌سی گه زیان ییتیشتیره‌دی.»
جناب ذکاوت نینگ کوپه‌یتیریشیچه، افغانستان گه قاچاقی دارولر وارد بولیشی‌دن توسیق بولینمه‌گنی صورت‌ده، افغانستان ده اوشبو صناعت نینگ نابود بولیشی گه سبب بولیشی ممکن.
اونگه کوره: «مملکتده دارو و طبی محصو‌ل‌لر نینگ ایشلب چیقارووچی ۸۸ فابریکه بار که ۵۶ ته‌سی نینگ تولیداتی بار. قاچاقی دارولر آلدی آلینمه‌گن تقدیر‌ده، اوشبو سکتور مکمل شکلده نابود بولیشی ممکن.»
دارو صناعت بیرلشمه عضوی و سونا فارما شرکتی رئیسی سید‌نور پاچا نینگ ایتیشیچه، دارولر، قانون اساسیده و تیکشیریلیش‌دن کیین مملکت گه وارد بولیشی کیره‌ک.
جناب پاچا نینگ کوپه‌یتیریشیچه: «دارولر نینگ تانیب و اولر نی بیر توار صفتیده نظر گه آلمه‌یشی‌میز لازم، دارولر نینگ صادر و وارد بولیشی خصوصیده قانون بار، جی ام پی اصولی آستیده الف‌دن یا گچه. دارو توزتیلیشی سیستمی نینگ یانی‌میزده بیللی بولیشی کیره‌ک.»
شونده‌ی بیرحالده، سوداگرلیک و صناعت وزیرلیگی نینگ خفیفه صناعت رئیسی فیض‌محمد نینگ ایتیشیچه، افغانستان گه قاچاقی دارولر وارداتی‌دن توسیق بولیشی اوچون، سعی و حرکت‌لر نینگ دوامی بار.
بیزلرنینگ توییترده هم تعقیب قیلینگ!
سوداگرلیک و صناعت وزیرلیگی نینگ خفیفه صناعت رئیسی گه کوره: «اوزی‌میزده ۱۵ اقلامی‌میز بار. اولر نینگ باشقه مملکت‌لردن کیلیشی نی ممنوع قیلدیک و اونینگ کیلمه‌یشی اوچون نیچه جلسه آلدیک. سونگی کون‌لرده مملکتده تولید بوله‌دیگن ۱۵ قلم دارو نینگ وارد بولیشی نی ممنوع قیلدیک، اینگ یقین زمان‌ده برچه بند‌لرده وارداتی‌میز بولگن ییرلرده بیر مرکز توزته‌میز که، وارد بوله‌دیگن نرسه‌لر چک بولسین.»
شونده‌ی بیرحالده، یشاوچیلری دایم افغانستان بازارلریده موجود بولگن دارولر نینگ کیفیت‌سیزلیگی و فایده‌لی بولمس‌لیگیدن شکایت قیله‌دیلر.
