اسلام امیرلیگی تشقی ایشلر وزیرلیگی، اهالیگه قونسلی خذمتلر ترقهتیشگه کوپراق قولیلیک کیلتیریش اوچون ولایت مرکزلریدن تشقری، مملکت ۱۰ تومنیده هم حجتلرنی تصدیقلش خذمتلرینی باشلهیدی.
اوشبو وزیرلیک سوزلاوچیسینینگ اورین باسری حافظ ضیااحمد تکل، بوگون (۲۸ سرطان/۱۹ جولای، یکشنبه) ایکس اجتماعی ترماغیده بیر بیانیه ترقهتیب، بو قرار قونسلی خذمتلر ترقهتیشگه قولیلیک کیلتیریش اوچون قبول قیلینگنینی بیلدیرگن.
بیانیه گه کوره، کابل ولایتی سروبی، قرهباغ، قندهار ولایتی اسپین بولدک، هرات ولایتی شیندند، بلخ ولایتی کلدار (حیرتان) ننگرهار ولایتی مومندره (تورخم) هلمند ولایتی گرشک، قندوز ولایتی امامصاحب، غزنی ولایتی جاغوری و پکتیا ولایتی چمکنی رویخط گه آلینگن تومنلردن حسابلنهدی.
تشقی ایشلر وزیرلیگی بیانیهسیده، یشاوچیلر حجتلرینی تصدیقلش اوچون «افغان پُست» یا کی ولایتدهگی نمایندهلیکلری آرقهلی تشقی ایشلر وزیرلیگیگه یوباریب و تصدیقلنگنیدن سونگ بیرگن ادارهلریدن آلیب بیلیشلری قید ایتیلگن.
اوشبو قرار قویاش ۱۴۰۵-ییل، بیرینچی اسددن باشلنیشی ایتیلگن.
