مملکت شمالی ولایت‌لریده طالبان هجومی کوپه‌یگن بیرحالده، آمریکا مدافعه وزیرلیگی نینگ ایتیشیچه، حربی یوتوققه ایریشیش اوچون طالبان گروهی نینگ سعی و حرکتی تینچلیککه قول تاپیش نی قیین‌لشتیره‌دی. آمریکا مدافعه وزیرلیگی سوزلاوچیسی جان کربی، واشنگتن ده اوتکزگن خبری بیر ییغینده بونده‌ی بیانات بیرگن.
جان کربی نینگ کوپه‌یتیریشیچه: «آمریکا، افغانستان تینچلیک پروسه‌سی آلغه کیتیشی اوستیگه توجه قیلگن، بو پروسه نتیجه گه ایریشیب و افغانستان اوروشی یکونله‌نیشی گه سبب بولیشی کیره‌ک، طالبان نینگ سونگی هجوم‌لری تینچلیککه ایریشیش نی قیین‌لشتیره‌دی.»
بیزلرنینگ فیسبوک صحیفه‌میزگه باش اورینگ!
او، تومن‌لرنی سقوط بیریش اوچون طالبان نینگ سعی و حرکت‌لریگه عکس‌العمل کورسه‌تیب ایتیشیچه، پنتاگون افغانستان حربی‌لریدن بو مملکت توپراغیدن تشقری قنده‌ی حمایت قیلیش خصوصیده توجه قیلگن. اونگه کوره، بو توغریده حاضرگچه نهایی بیر قرار آلینمه‌گن.
پنتاگون سوزلاوچیسی نینگ کوپه‌یتیریشیچه، آمریکالیک کوچلرنینگ ۱۱- سپتامبر آیی گچه افغانستان دن چیقیش تاریخی اوزگرمه‌یدی، بیراق افغانستان حربی‌لریدن حمایت قیلیش و بو مملکتده ترورچیلیک تهدیدی نینگ کنترول قیلیش اوچون سعی و حرکتلر دوام تاپیشی ممکن.
«جناب آستین و پنتاگون جنرال‌لری منطقه تشقریسیدن افغانستان حربی‌لریگه یاردم بیریش نی تیکشیره‌دی. ۱۱- سپتامبرگچه چیقیش موضوعی نهایی دیر، بیراق باشقه موضوعلر حاضرگچه نهایی بولمه‌گن. حاضر هم افغانستان توپراغیدن تشقری بو مملکت گه هجوم بولیشی نی امکانی بار.»
بیزلرنینگ توییترده هم تعقیب قیلینگ!
شونده‌ی بیرحالده، چیت‌ایللیک کوچلرنینگ چیقیش پروسه‌سی باشلنیشی بیلن، اوتگن بیر آیده ۲۰ دن آرتیق تومن طالبان قولیگه سقوط قیلگن که بو تومنلردن کوپینچه‌سی شمالی ولایت‌لرده دیر. بیراق ینگی‌لیکده افغانستان امنیتی کوچلری طالبان گه قرشی هجوم‌لرینی کوپهیتیریب و بو تومنلردن قطاری نی قیته نظارت گه آلگنلر.
