سابق حکومت و طالبان گروهی آرهسیدهگی آتیشمهلر باعث تخار، قندوز، سرپل و باشقه ولایتلردن کابل گه آواره بولیب و کیچهوکوندوز نی شهرنو پارکی ده اوتکزهدیگن قطار کیشیلر، اویلریگه انتقال بیریلهدی.
پلخمری شهریده عیال اوقیتووچیلرنینگ حضوری، مثلی کوریلمهگن درجه ده قویی کیلگن.
بغلان معارف ریاستیدن قطار منبعلرنینگ ایتیشلریچه، مذکور ولایت مرکزی پلخمری شهری نینگ مکتبلریده مدیرلر و اوقیتووچیلردن ۶۰ فایزی نی عیاللر تشکیل بیرهدی ایکن؛ بیراق حاضر اسلامی امارت قدرت گه ایریشیشی بیلن بو رقم ۵ فایز گه قویی کیلگن.
قندوز حوزوی کسلخانهسی ۲۰۰ یاتاق بیلن، مملکت شمال شرقیده کسللرنی دارولهیدیگن کتته دارولش مرکزی سنلهدی. ینگیلیکده کوز عملیاتلری اوچون بیر زمانوی دارولش مرکزی قطر هلالاحمر نهادی تامانیدن مذکور کسلخانهده، موقتی شکلده آچیلگن.
علیاحمد بادغیس ده یوزلرچه آواره بولگن کیشیلردن بیری دیر. او مذکور ولایتده مهاجرلر کمپی ده یشهیدی. اونینگ ایتیشیچه، هر کون بالهلری نینگ قارینلرینی تولدیریش اوچون، بیر لقمه نان نی کوتیب تورهدی. علی احمد نینگ ۵ فرزندی بار. اونینگ ایتیشیچه، اوروشلر، قوروقچیلیک و مملکتدهگی سونگی اوزگریشلیکلر برچه بار و یوقی نی اوندن آلگن و حاضر ایسه یمان اقتصادی وضعیتده حیات کیچیرهدیلر.
افغانستان ده بیرلشگن ملتلر تشکیلاتی نینگ اورینباسرلیک هیأت دفتری یا یوناما، بوگون بیر اعلامیه ترقهتیش بیلن ایتیشیچه، یونیسف نینگ ساغلیک موادلر جایلشتیریلگن بیرینچی اوچاغی، اوتگن کون اروپا مدنی سقلش هوایی کوپریگی و انساندوستلیک یاردملر عملیاتی آرقهلی کابل ییتیشدی.
اوتگن کون کابل بوییچه چین ایلچیسی وانگ یو، بیر توییت آرقهلی سابق دولت سقوط قیلگنیدن کیین، مملکتی انساندوستلیک یاردملریدن بیرینچی محمولهسینی افغانستان یوبارگنی نی اعلام قیلدی. کابل بوییچه چین ایلچیسی نینگ ایتیشیچه، مذکور یاردملرگه کمپل و ایسیق کییملر شامل بولهدی.
قندوز ده خبرچیلرنینگ حمایت قیلهدیگن نهادلر تامانیدن ترقهتیلگن آمارلر اساسیده، اسلامی امارت قدرت گه ایریشمسدن آلدین بو ولایتده، ۲۰ دن آرتیق رادیو، تلویزیون و چاپی رسانه فعالیت قیلهدی ایکن؛ بیراق دولت سقوط قیلگنیدن کیین اینیقسه سونگی بیر آیده، بیر تلویزیون و ۴ رادیو دن باشقه برچه رسانهلر مالی قیینچلیکلر و طالبان تامانیدن یرهتیلگن چیکلاو باعث فعالیت دن قالگن.
طالبان نینگ قدرت گه ایریشیشی و افغانستان رسانهلریگه چیکلاو یرهتیلگن بیرحالده، مملکتده رسانهلردن قطاری فعالیت دن قالگن و شونینگدیک خبرچیلردن کوپینچهسی، ایشلرینی قولدن بیریب و باشقه ایشلر بیلن شغللنگن. بلخ ده محلی رسانهلردن بیری گه ایش قیلیب کیلگن شاداب ژکفر، طالبان حکومت نی آلگنیدن کیین وظیفهسینی قولدن بیرگن
بوگون “سهشنبه” مکتبلر اوقیتووچیلری و ساغلیک نهادلر ایشلاوچیلردن بیرقطاری نینگ کابلده بیر ییغین یولگه قوییب ایتیشلریچه، ۳ آی دن بویان معاشلری توللنمهگن. اولر، اسلامی امارت و خلق ارا جماعهسیدن حقوقلری بیریلیشی خصوصیده یاردم بیریشینی ایستهگنلر.
مملکت بوتونلی طالبان نظارتی گه اوتیشی بیلن، چیتایللیک کوچلر و خبرچیلر شامل تهدید آستیده بولگن کیشیلرنینگ مذکور مملکتدن چیقاریش پروسهسی باشلندی. مملکتلردن قطاری خبرچیلرنینگ قبول قیلیش اوچون اوز تیارگرلیگی نی کورستدی. خبرچیلر و تهدید آستیده بولگن کیشیلرنینگ چیقاریش پروسهسی یکونلنگن بیرحالده…
لوگر مرکزی پلم علم شهر یشاوچیلریدن قطاری نینگ سلاموطندارگه ایتیشلریچه، جمهوری نظام سقوط قیلگنیدن کیین، ایشسیزلیک میزانی کوپهیگن و سودالی و سوادسیز ییگیتلردن کوپینچهسی اولکه نی ترک قیلماقده. اولرنینگ ایتیشلریچه، لوگرده ساتیش و آلیش بوتونلی توختلگن و اسلامی امارت تیزلیککه اهالی گه ایش زمینه یرهتیشی کیرهک.
محمدکریم ۳ یاشر بالهسینی درمانلش اوچون غور ولایتی کسلخانهسیگه آلیب بارگن. او، ۷ کیچه و کوندوزنی کسلخانهگه اوتکزگن. محمدکریم نینگ ایتیشیچه، کمبغللیک و ایشسیزلیک سبب، بالهسی توییب اوقاتلنمسلیککه یولیقگن و مناسب غذا تیارلشگه قادر ایمس.
ژورنالیستلردن حمایت قیلووچی کمیته، سلاموطندار خبرچیسی محمدعلی احمدی اوستیگه اویوشتیریلگن هجومنی معلومات ییتیشتیریشگه قرشی تهدید عنوان قیلگن.
دنیا ساغلیک تشکیلاتی افغانستان ساغلیک سیستمی نابود ایتیلیشی دن آگاهلنتیردی.
اوتگن کون دنیا ساغلیک تشکیلات رئیسی تدرس آدهانوم بیر بیانیه آرقلی ایتیشیچه، کابلگه سفر قیلگنیدن کیین، افغانستان ساغلیک سیستمی نابودلیک بیلن دوچ کیلگنی گه متوجه بولگن و اوشبو مملکت نینگ جدی ساغلیک نیازلری تیزلیککه برطرف بولیشی کیرهک.
آمریکا ده مدیسون شهر فدرال محکمهسی نینگ منصفه هیأتی، بیر افغانستانلیک مهاجرنی بیر قیز باله نی جنسی زورلش گه و باشقه بیر مهاجرنی ایسه تورموش اورتاغی نینگ کلتکلش گه عیبلهگن.
قندوز یشاوچیلریدن قطاری اقتصادی قیینچلیکلر کوپهیگنیدن خواطر بیلدیرگن. شمسالحق قندوز یشاوچیلریدن بیری دیر. او ۵ کیشیلیک بیر عایله نینگ یالغیز نان کیلتیرووچیسی دیر. اونینگ ایتیشیچه، نیچه کوندن بویان ایش تاپیش اوچون مذکور شهر نینگ چوکی گه کیلهدی، بیراق ایش بیرهدیگن کیشی کوپ کم تاپیلهدی.
