آمریکا جمهوررئیسی جو بایدن نینگ ایتیشیچه، افغانستان ده حاضر هم وضعیت اوزگریشی و طالبان نینگ مغلوب بولیشی نینگ امکانی بار و افغانستان رهبرلری بیر بولیب و بو مملکت امنیتی و مدافعه کوچلری اوزلری و ملت‌لری اوچون کوره‌شیش‌لری کیره‌ک. آمریکا جمهوررئیسی اوتگن کون خبری بیر ییغینده بونده‌ی بیانات بیرگن.
فراه ولایتی کینگش مسئوللری نینگ ایتیش‌لریچه، طالبان مذکور ولایت مرکزیده کینگ هجوم یولگه قوییش بیلن فراه شهری نینگ کوپینچه بولیم‌لرینی نظارت گه آلگن.
فراه ولایتی کینگش اورین‌باسری خیرمحمد نورزی نینگ سلام‌وطندارگه ایتیشیچه، طالبان اوتگن کون شام‌دن بویان فراه شهری نینگ شمال و غربیدن بو شهر اوستیگه هجوم قیلگن.
آنه‌لر و آته‌لر باله‌لری نینگ تنه‌سیگه بولگن یالغیز کییم‌لری بیلن اوق و آتیشمه آستیدن چیقیب کابل شهری گه‌قدر کیلگنلر.
اوروش‌لر سبب، آواره بولگنلر حاضرده کابل پارکلری و آچیق فضالریده یمان بیر وضعیتده حیات کیچیره‌دیلر و تیریک‌چیلیک قیلیش اوچون چادرلری و ییگولیک ماده‌لری یوق دیر.
مملکت عدلیه وزیرلیگی مملکتده انسان قاچاقی و مهاجرلر قاچاقی کوپه‌یگنی توغریسیده آمریکا تشقی ایشلر وزیرلیگی نینگ گزارشی گه عکس‌العمل کورسه‌تیب اورغولشیچه، اوروش و ناتینچلیک مملکتده انسان قاچاقی کوپه‌یشی گه سبب بولگن. عدلیه وزیری فضل‌احمد معنوی نینگ ایتیشیچه، مملکتده انسان قاچاقی تورلی سطح‌لرده قرار تاپگن…
غور ولایتی بوییچه معلومات و مدنیت ریاستی مسوول‌لری نینگ ایتیش‌لریچه، جاری ییل اوروش شدت‌لنگنی و بودجه یوق‌لیگی سبب، تاریخی آبده‌لر بولگن منطقهلرده باریب و مذکور آبده‌لرنی یقین‌دن تیکشیریش‌گه موفق بولمه‌گنلر.
بیرلشگن ملتلر تشکیلاتی نینگ باله‌لر خلق‌ارا صندوقی یا یونیسف نینگ ایتیشیچه، امنیتی کوچلر و طالبان گروهی آره‌سیده‌گی قانلی زوروانلیکلر جریانیده یالغیز اوتگن اوچ کونده ۲۷ باله هلاک ایتیلگن. مذکور نهاد اوتگن کون بیر بیانیه ترقه‌تیش بیلن، باله‌لرگه قرشی زوروانلیکلر کوپه‌یب و باله‌لر تلفاتی کوپه‌یشی توغریسیده آگاه‌لنتیرگن.
مهاجرلر وزیرلیگی مسئوللری نینگ ایتیش‌لریچه، مملکتده اوروش شدت‌لنگنی و شونینگدیک شهرلر و تومن‌لردن قطاری طالبان نظارتی گه اوتگنی، آواره‌لرنینگ سانی نی کوپه‌یتیرگن.
هرات ده مردمی مقاومت حرکت حربی‌لریدن حمایت قیلیش اوچون، یاردم توپلش صندوقی ایجاد ایتیلگن. هرات ده مردمی مقاومت حرکت سوزلاوچیسی عبدالرازق احمدی نینگ سلام‌وطندارگه ایتیشیچه، بو صندوق اهالی تامانیدن ایجاد ایتیلگن و یقیین کیله‌جکده اونینگ رسمی شکلده آچیب و برچه نینگ اختیاری گه قوییش‌لری ممکن.
اوتگن کیچه دن بویان بلخ مرکزی مزارشریف نینگ ۱۸ کیلومترلیگیده قرار تاپگن دهدای تومنی نینگ توخته و پل امام بکری منطقه‌لریده امنیتی کوچلر و طالبان گروهی آره‌سیده آتیشمه‌لرنی دوامی بار. بلخ پولیس قومندانلیگی سوزلاوچیسی عادل‌شاه عادل طالبان هجومی نی تصدیق‌لب ایتیشیچه، دولتی کوچلر طالبان نینگ بیرینچی چیزیغی نی ….
آق سرای سوزلاوچیسی جن ساکی نینگ ایتیشیچه، آمریکا جمهور رئیسی جو بایدن طالبان نینگ تجاوز و زوروانلیگی‌گه قرشی یوزمه‌یوز بولیش زمانی کیلگنی‌نی بیلدیریب و افغانستان امنیتی و دفاعی کوچلری طالبان‌گه قرشی مقاومت قیلیش اوچون اساسی شکلده تعلیم کوریب و ییترلیچه امکانیت‌‌لری بار دیگن.
جوزجان ولایتی کینگش اعضالریدن بیرقطاری نینگ ایتیش‌لریچه، بو ولایت ولایتی کینگش باشلیغی بابر ایشچی شبرغان شهریده آتیشمه شدت‌لنگنیدن سونگ، خواجه دوکوه تومنی‌گه باریب و نیچه ساعت آتیشمه‌دن سونگ، قوم بویوکلر نینگ وساطت سبب، طالبان‌گه تسلیم بولگن.
هرات‌ده شدتلی آتیشمه باشلنگنیدن ۱۱ کون اوتماقده، لیکن طالبان جنگریلری نینگ شهر اطرافی، انجیل و گذره تومن‌لری نینگ بیرقطار بولیم‌لریده حضوری بار. امنیتی و دفاعی کوچلر گذره و انجیل تومن‌لری نینگ قطار بولیم‌لرینی طالبان وجودیدن تازه‌لش‌گه موفق بولگنلر.
اوتگن “شنبه” کونی شام چاغیده پکتیا ولایتی نینگ سیدکرم تومنیده جاده چیککه‌سیده جایلشتیریلگن ماین نینگ پارتلشی نتیجه‌سیده بیر عایله نینگ ۱۲ عضوی هلاک و باشقه ۲ عضوی یره‌لنگن.
مذکور عایله اعضالریدن بیری نورجان نینگ سلام‌وطندارگه ایتیشیچه، اوشبو واقعه‌ده آته‌سی شامل ۳ ایرکک، ۳ عیال و ۶ باله هلاک و باشقه ۲ کیشی یره‌لنگن.
بوگون “شنبه” مملکت شرق زونیده تیریک‌چیلیک قیله‌دیگن دین عالم‌لردن بیرقطاری ننگرهار مرکزی جلال‌آباد شهریده بیر ییغین یولگه قوییب امنیتی و دفاعی کوچلرگه قان بیریش بیلن اولردن حمایت بیلدیرگنلر.
منبع نینگ کوپه‌یتیریشیچه، حاضرده امنیتی کوچلر جوزجان-بلخ کیریش کمربندی، یتم تاغ و چیغچی ده جایلشگن‌لر و مارشال عبدالرشید دوستم نینگ اوغلی یارمحمد دوستم امنیتی کوچلرنینگ کیین‌گه قیتیشلریگه توسیق بولیب وطن و اهالی اوچون جان بیریش‌گه تیار بولگنی‌نی بیلدیرگن.
تخار یشاوچی‌لریدن تخاری بوگون اعتراضی بیر ییغین یولگه قوییش بیلن مذکور ولایتده آتیشمه‌لر کوپه‌یگنیدن خواطر بیلدیریب و ایتیش‌لریچه، اوروش شدت‌لنگنی اولرگه ضرر ییتیشتیرگن و شونینگدیک اهالی نینگ حیات وضعیتی نی برهم اورگن.
اعتراضچیلر حکومتدن بو ولایت امنیتی وضعیتی یخشی‌لنیشی اوچون توجه قیلیش‌لرینی سوره‌گن.
