حزبالله لبنان، اسرائیل آرقهلی آتیش کیسیننینگ بوزیلگنی سبب، مذکور مملکت شمالینی نشانگه آلگنینی معلوم قیلگن. مذکور حزبنینگ بیر بیانیه آرقهلی یازیشیچه، اوتگن کونی بیر قطار موشک و راکته بیلن اسرائیل شمالینی نشانگه آلگن.
کانلر و پترولیم وزیرلیگی، هرات غوریان تومنی نمکسار حدودی اوچینچی بلاکینی قزیب آلیش شرطنامهسی امضالنگنیدن خبر بیردی.
اوزبیکستان دولت رهبری شوکت میرضیایف رسمی تشریف بیلن بوگون (۱ ثور/۲۱ اپریل، سهشنبه) قزاقستان گه بارهدی.
اوزبیکستانده خلقارا صناعت کورگزمهسی دایرهسیده، افغاستان صناعت و سودا وزیری نورالدین عزیزی، اوزبیکستان صناعت و سودا وزیری لذیز قدرتاوف همده قرغیزستان اقتصاد و سودا وزیرلیگی معینی اسکندر ایسنگلدیویچ آسیلکولوف بیلن اوچرهشگن.
اسلام امیرلیگی قاچقینلر وزیرلیگینینگ ایتیشیچه، جاری قویاش ییل باشلنگنیدن حاضرگچه، ایران، پاکستان و تورکیه دن ۱۱۱ مینگ ۳۲۴ افغانستانلیک مملکت گه قیتگن.
اکسیوس آژانسینینگ گزارش بیریشیچه، امریکا جمهور باشلیغی اورینباسری جیدی ونسنینگ بوگون (۱-ثور/۲۱-اپریل، سهشنبه)، واشینگتن دن اسلامآباد گه سفر قیلیشی کوتیلهدی.
پاکستان ده ییریک منبعلردن بیرینینگ رویترز آژانسیگه ایتیشیچه، ایران امریکا بیلن ریجهلشتیریلگن مذاکرهلرگه شرکت قیلهدی. مذکور منبعنینگ کوپهیتیریشیچه، پاکستان امریکا بیلن اوتکزیلهدیگن مذاکرهلرگه ایراننینگ شرکت قیلیشی توغریسیده مثبت نشانهلرنی کورگن دیر.
فلسطین ساغلیقنی سقلش وزیرلیگی، غزهنینگ بیر قطار بولیملریگه اسرائیل آرقهلی اویوشتیریلگن هجوملر نتیجهسیده، کمیده بیش کیشینینگ قربان بولگنینی معلوم قیلگن.
پروان، کاپیسا و پنجشیر، کابل شمالیدهگی اوچ ولایت بولیب، موترلر کوپ قتنهشی و سیاحلیک جاذبهلری بولگنی سببلی، هر کونی افغانستان بویلب یوزلرچه سیاحدن میزبانلیک قیلیشهدی. بیراق بو ولایتلر حاضرگچه زمانهوی هوتللر و تورر جایلر یوقلیگی بیلن دوچ دیر.
ایران تشقی ایشلر وزیرلیگی سوزلاوچیسی اسماعیل بقایینینگ ایتیشیچه، اوشبو مملکت امریکا بیلن ریجهلشتیریلگن مذاکرهلرگه شرکت قیلیش اوچون بیر برنامهسی یوق.
امریکانینگ لوئیزیانا ایالتیده یوز بیرگن آتیشمهده، قوراللی بیر ایرکک اوزینینگ ییتی بالهسی شامل ۸ بالهنی اولدیریب و باشقه ایکی کیشینی یرهلنتیرگن.
پاکستان ده خوفسیزلیک منبعلرنینگ ایتیشلریچه، ایران و امریکا اورتهسیدهگی مذاکرهلرنینگ جاری هفته بولیب اوتیشی ممکن. پاکستان ده ایکی منبعنینگ بوگون (۳۰-حمل، یکشنبه)، الجزیره خبری ترماغیگه ایتیشیچه، امریکا و ایران اورتهسیدهگی مذاکرهلرنینگ ایکینچی باسقیچی کیلهسی جمعه کونیدن آلدین اوتکزیلیشیگه عاید نشانهلر موجود.
اسلام امیرلیگی فواید عامه وزیرلیگی رسمیلری، قویاش ۱۴۰۳ ییل گه نسبتن ۱۴۰۴ ییلده افغانستان تیمیر یوللری آرقهلی سودا آلیش-بیریش جریانی ۳۹.۱ فایز آشگنینی معلوم قیلدیلر. فواید عامه وزیرلیگی سوزلاوچیسی محمداشرف حقشناس، بوگون (۳۰ حمل/۱۹ اپریل، یکشنبه) ایکس صحیفهسیده بیر بیانیه ترقهتیب، اوشبو مقدار یوک افغانستان تورت…
تورکیه تشقی ایشلر وزیری هاکان فیدان، اسرائیل اوز امنیتی آتیده یقین شرقدهگی اوروشدن فایدهلنیب حدودینی کینگهیتیریش گه سعی-حرکت قیلهیاتگنینی ایتدی. فیدان، آنتالیا دیپلماتیک ییغیلیشیده، اسرائیل نهفقط اوزیدن دفاع قیلماقده بلکی، بو مملکت غزه، کرانه باختری و شرقی قدسده حضوری بولیب همده لبنان و سوریه ایریم بولیملریده کوپراق نفوذ قیلیش گه سعی-حرکت قیلهیاتگنینی بیلدیردی.
بلخ ولایتی حج و اوقاف ریاستی مسئوللریگه کوره، شمال و شمالشرق زونی حاجیلرینینگ بیرینچی اوچیشیده، ۳۴۶ حاجی سعودی عربستان گه یوباریلگن.
اسرائیل اردوسینینگ اعلام قیلیشیچه، اوشبو مملکت عسکرلریدن بیر تهسی لبنان جنوبیدهگی توقنشوولر جریانیده هلاک بولگن.
