تاجیکستانده افغانستانلیک مهاجرلر، بو مملکتنینگ قانونلرینی بوزگنلیگی اوچون چیقریلگن.
تاجیکستان خوفسیزلیک دولت کمیتهسی، افغانستانلر مهاجرلر اولدیریش، بنگیوار مادهلرنی قاچاق قیلیش، جنسی زورهوانلیک، ساخته حجتلرنی توزهتیش و قمار اوینش مرکزلرنی تشکیل ایتیش کبی جرملر گه عیبلنیب بو مملکتدن چیقریلگنینی ایتگن.
میلادی ۲۰۲۶ ییل، ۳۰ اپریل کونی، اوشبو مملکتنینگ خجند شهریده تاجیکستانلیک بیر عیال اولدیریلیب و اونگه بیر افغانستانلیک عیبدار تانیلگنیدن سونگ، مهاجرلرنی چیقریش جریانی باشلندی.
تاجیکستان خجند شهریدن دییرلی ۲۵۰ نفر افغانستانلیک مهاجر چیقریلیشی ایریم تنقیدلر گه سبب بولگن بیرحالده، تاجیکستان خوفسیزلیک دولت کمیتهسی، مهاجرلرنینگ چیقریلیش سببی حقیده ایضاح کیریتگن.
حاضرگی کونده تاجیکستانده تخمیناً ۹ مینگ نفر افغانستانلیک مهاجر یشهیدی.
