قندوز ولایتی قاچقینلر و قیتگنلر ریاستی مسئوللری، تاجیکستان سونگی کونلرده اوشبو مملکتدن افغانستانلیک مهاجرلرنینگ مجبوری چیقریش جریانینی کوپهیتیرگنیدن خبر بیرهدیلر.
اوشبو مسئوللرنینگ ایتیشلریچه، فقط اوتگن ایکی کون ایچیده قریب ۶۰ کیشی شامل ۳۰ عایلهدن آرتیق، تاجیکستاندن مجبوری طرزده چیقریلیب و افغانستان گه قیتریلگن.
قندور قاچقینلر و قیتگنلر ریاستینینگ اجرائیه ایشلری بوییچه مدیری عبدالنعیم، بو مهاجرلر شیرخان بندر آرقهلی قندوز گه قیتریلگن، تیکشیریلیش و رویخط گه آلینگنلریدن سونگ، اصلی ولایتلریگه انتقال بیریلگنینی ایتهدی.
سونگی کونلرده تاجیکستاندن افغانستانلیک مهاجرلرنینگ چیقریش جریانی کوپهیگن و هر کونی بیرقطار کیشیلر مملکت گه قیتریلماقده دییدی، عبدالنعیم.
بیرلشگن ملتلر تشکیلاتینینگ معلوماتلریگه کوره، میلادی ۲۰۲۴ ییل یکونیگه قدر، قریب توقیز مینگ افغانستانلیک تاجیکستانده یشر ایکن.
