امریکا جمهور باشلیغی دونالد ترامپ، چین جمهور باشلیغی شی جینپینگ بیلن اوچرهشوو اوچون پکن گه جونب کیتگن.
الجزیره، بوگون (۲۳ ثور/۱۳ می، چهارشنبه) ترقهتگن گزارشیده، ترامپ اوشبو سفری دایرهسیده ایران اوروشی، هرمز بوغوزی، سودا، تایوان و دنیا ایکی قدرتی اورتهسیدهگی تکنالوژی رقابت مسئلهلرینی بحث گه آلیشی ممکن دیگن.
امریکا و چین لیدرلری پنجشنبه و جمعه کونلری پکنده اوچرهشوولری کوتیلهدی. بو، ترامپنینگ میلادی ۲۰۱۷ ییلدن کیین بیرینچی سفری دییلهدی. چین و امریکا اورتهسیده سودا، تکنالوژی، تایوان و یقین شرقدهگی اوزگریشلر باعث کیسکینلیک آشگن بیرحالده، ترامپ چین گه سفر قیلگن.
چین حاضرگی کونده ایراننینگ اینگ کوپ نفتینی ساتیب آلهیاتگن مملکت دیر و ایراننینگ ۸۰ فایزدن آرتیق خام نفتینی ساتیب آلماقده.
