کابلده جاپان ایلچیخانهسی، اوشبو مملکتنینگ تعلیم، مدنیت، سپورت، بیلیم و تکنالوژی وزیرلیگی، میلادی ۲۰۲۷ تحصیلی ییل اوچون، بو مملکت بیلیم یورتلریده اوقیش اوچون افغانستانلیک طلبهلریگه تحصیلی بورسیه بیریشینی بیلدیردی.
جاپان ایلچیخانهسی، بوگون (۲۱ ثور/۱۱ می، دوشنبه) بیر بیانیه ترقهتیب اوشبو بورسیهلر جاپان دولتی بورسیهلری (مکست) ریجهسی نامیده، تدقیقات طلبهلری اوچون بیریلهدی.
مذکور ایلچیخانهنینگ کوپهیتیریشیچه، شرایط گه تینگ طلبهلر حجتلرینی میلادی ۲۰۲۶ ییل، ۲۵ می گه قدر جاپان ایلچیخانهسی تامانیدن تعیینلنگن ایمل گه جونهتیب بیلهدیلر.
معلومات گه کوره، بوتوغریده قیزیقهدیگنلرنینگ حجتلری اوچ باسقیچده – حجتلرنی تیکشیریش، کابلده کتبی سیناو اوتکزیش و نهایی مصاحبه قیلیش بیلن عملگه آشیریلهدی.
جاپان ایلچیخانهسینینگ تأکیدلشیچه، اوشبو بورسیهلر تیکین همده قوم، تیل یا کی دین نظرگه آلینمسدن توزیع بولهدی و اونگه کیریش اوچون حجتلر صفتلیگی و سیناو نتیجهسی مهم دیر.
جاپان دولتینینگ بورسیه دستوری (مکست)، تحصیلی دورهرده چیت ایل طلبهلرینی قبول قیلیش اوچون بو مملکتنینگ خلقارا ریجهلریدن بیری حسابلنهدی. بو بورسیهلر هر ییلی تورلی مملکت اینیقسه افغانستان طلبهلری اوچون تقدیم ایتیلهدی.
