سیاسی ایش بیلرمانلر داعش گروهی و بو گروهی نینگ کونسایین کوچلهنیشی نی، طالبان حکومتی اوچون کتته بیر امنیتی قیینچلیک دیب بیلهدیلر. اولرنینگ ایتیشلریچه، داعش اسلامی امارت اوچون جدی بیر تهدید بوله آلهدی و حاضرگی وضعیت نی اولرنینگ حکومتی اوچون فاجعهلی قیلیشی ممکن.
روسیه، طالبان و تاجیکستان دن قرهمه قرشیلیکلرنی حل قیلیشلرینی سورهگن.
روسیه تشقی ایشلر وزیرلیگی نینگ معلومات و مطبوعات مدیری اورینباسری الکسی زایتسف نینگ ایتیشیچه، کابل و دوشنبه افغانستان و تاجیکستان چیگرهسیده قرهمه قرشیلیکلرنی حل قیلیش اوچون قبول قیلینهدیگن ییچیم یوللرنی اَختریشلری کیرهک.
بغلان ولایتیدن محلی منبعلرنینگ سلاموطندارگه ایتیشلریچه، ظهیرالدین اندرابی ناملی بیر داکتر و عایلهسی نینگ 6 عضوی ناتانیش قوراللی کیشیلر تامانیدن اوققه توتیلیب اولدیریلگن و باشقه 3 باله یرهلنگن.
غور ده ناتانیش قوراللی کیشیلر اوچ کیشی نی هزاره بولیش جرمی بیلن اولدیرگن. غور ولایتیدن قطار منبعلرنینگ ایتیشلریچه، ناتانیش قوراللی کیشیلر بیر هفتهدن بویان مذکور ولایت مرکزی فیروز کوه شهری و لعلوسرجنگل-فیروزکوه قتناویولیده اوچ کیشی نی هزاره قومی گه تیگیشلی بولگنی اوچون، اوققه توتیب اولدیرگن.
اوتگن کون (سهشنبه ۶- میزان) طالبان تامانیدن نشر ایتیلگن اعلامیهده کیلیشیچه، برچه حکومتلر جملهدن طالبان حکومتی خلقارا قانونلر و حقوق اساسیده، ییر و هوایی حدودی گه ایگه دیر، بیراق آمریکا اوشبو قانونلر و دوحه کیلیشوونامهسیگه قرشی اوچووچیسیز اوچاق بیلن افغانستان هوایی حدودی نی نقض قیلگن.
اسلامی امارت نینگ عدلیه وزیرلیگی سرپرستی عبدالحکیم شرعی، مملکتده محمد ظاهرشاه نینگ زمانیدهگی اساسی قانون، موقتی شکلده نافذ ایتیلیشی دن خبر بیرگن. عدلیه وزیرلیگی سرپرستی کابل ده چین ایلچیسی «وانگ یو» بیلن اوچرهشیب ایتیشیچه، ظاهر شاه زمانیدهگی اساس قانون نینگ اسلام گه قرشی بولگن نیچه موردی دن باشقه موردلری… .
اوتگن “یکشنبه” کونی عبدالمالک صافی ناملی بیر کیشی اوزینی اسلامی امارت ایچکی ایشلر وزیرلیگی نینگ شهری استخبارات بولیمی ایشلاوچیسی معرفی قیلیب سلاموطندار دفتریگه کیرگن. مذکور کیشی نینگ کیریشی جنجللر بیلن روپهره بولگن. جناب صافی، سلاموطندار دفتری نینگ امنیتی بولیمی بیلن هماهنگ قیلمسدن کیریشگه اصرار قیلگن.
آناتولری خبرگزارلیگی نینگ گزارش بیریشیچه، افغانستان خصوصیده ترکزبان مملکتلری نینگ تشقی ایشلر وزیرلرینی، بیرینچی فوقالعاده ییغینی یولگه قوییلدی. ترکیه تشقی ایشلر وزیری مولود چاووش اوغلو مذکور ییغینده ایتیشیچه، افغانستاندهگی اوزگریشلیکلرنینگ دنیا بوییچه تأثیری بار و ترکزبان مملکتلر بو پروسهدن کوپ متأثر بولگن.
ترکیه جمهور رئیسی نینگ اوتگن کونی «سیبیاس» خبری شبکهسی بیلن اوتکزگن صحبتیده ایتیشیچه، حاضرده افغانستان حکومتی هرتامانلمه ایمس و اسلامی امارت تامانیدن هرتامانلمه حکومت ایجاد ایتیلمهگن صورتده، ترکیه اوشبو مملکتده حضور تاپمهیدی.
تاس کوندهلیگی نینگ روسیه تشقی ایشلر وزیرلیگی اورین باسری سرگئی ورشینین دن نقل قیلیب ایتیشیچه، کیلهسی ایکی کونگچه «G20» رهبرلری نینگ افغانستان خصوصیدهگی ییغینی یولگه قوییلیشی ممکن.
غور ده اسلامی امارت مسووللری نینگ ایتیشلریچه، اوتگن کیچه اوشبو ولایت مرکزی فیروزکوه شهریده ایکی آدم اوغیرلاوچی شامل 4 کیشی هلاک ایتیلگن.
غور ولایتیده اسلامی امارت استخباراتی اورین باسری محمدصادق رصاص نینگ ایتیشیچه، آدم اوغیرلاوچیلر هزاره قوملریدن ایکی تهسینی اوغیرلب و اوققه توتگنیدن سونگ
بوگون “شنبه” طالبان ییریک رسمیلریدن بیری شهابالدین دلاور، ساغلیقنی سقلش وزیرلیگی سرپرستی نینگ تانیتیش مراسمیده ایتیشیچه، دنیا افغانستانده هرتامانلمه بیر حکومتنی ایستهیدی، لیکن دنیا فاسد، غاصب و اوغرلاوچی شمول حکومت فکریگه دیر. او، اسلامی امارت هرتامانلمه بولگنی اوستیگه تاکید قیلهدی.
پاکستان باش وزیری عمران خان بیرلشگن ملتلر تشکیلاتی نینگ ۷۶- دور ییللیک ییغینیده ویدیویی بیر پیام آرقهلی ایتیشیچه، دنیا طالبان نینگ رسمیت گه تانیش اوچون قیزیقمهگن بیرحالده، بیراق افغانستان ده انسانی فاجعه یوزبیریشی نینگ آلدینی آلیش اوچون، دنیا اسلامی امارت دن حمایت قیلیشی کیرهک.
هرات ولایتی بوییچه اسلامی امارت مسووللری نینگ ایتیشلریچه، مذکور کیشیلر بیر آته و اوغیل نی اوشبو ولایت نینگ «دربملک» منطقهسیدن اوغیرلگن ایکنلر.
آمریکا مدافعه وزیرلیگی یا-ده پنتاگون سوزلاوچیسی جان اف کربی نینگ ایتیشیچه، اوشبو مملکت حربی کوچلرینی افغانستانده ترورچیلیککه قرشی عملیات و هوایی هجوم اویوشتیریش خصوصیده صلاحیتی بار و بوتوغریده طالبان بیلن هماهنگلیککه نیاز ایمس.
رویترز خبرگزارلیگی بیرلشگن ملتلر تشکیلاتی باشکاتبی سوزلاوچیسی، استفان دوجاریک دن نقل قیلیب گزارش بیریشیچه، اشرف غنی دولتی نینگ نمایندهسی غلاممحمد اسحاقزی، افغانستان نمایندهلیگیدن مذکور تشکیلات گه نطق سوزلهیدی.
