اسلامی امارت تشقی ایشلر وزیرلیگی آمریکا جمهوررئیسی جو بایدن، افغانستان بیر دولت آستیده بیرلشیتیریش امکانی یوقلیگی خصوصیدهگی بیاناتی گه عکسالعمل کورستیب و اونی جدی بیر شکلده رد قیلگن.
غزنی یشاوچیلریدن قطاری، اوشبو ولایتده نقدی و غیر نقدی کمکلر عدالت سیز ترقهتیلیشی و تانیشی بولگنلرگه بیریلیشیدن شکایت قیلهدیلر.
فاطمه ناملی عیال نینگ ایتیشیچه، نیچه کوندن بیری اویده سوتلی چقهلاغینی قوییب یاردم سورهش اوچون یاردم بیرهدیگن ادارهلرگه باش اورهدی. اونینگ اورغولشیچه کمک آلیش مقصدیده ایرتندن شام گچه کوتهدی؛ لیکن هیچ بیر نهاد حاضرگچه اونگه یاردم بیرمهگن.
ایران جمهور باشلیغی ابراهیم رئیسی، روسیهگه قیلگن سفریده اوشبو مملکت دولت رهبری ولادیمیرپوتین بیلن اوچرهشکن. ایکی تامان افغانستاندهگی وضعیتگه دایر خواطر بیلدیرگن. اوچرهشووده ابراهیم رئیسی نینگ ایتیشیچه، افغانستان بویلب دایمی خوفسیزلیک و تینچلیک برقرار ایتیلیش یالغیزی یولی برچه…
افغانستان بوییچه بیرلشگن ملتلر تشکیلاتی نینگ خاص نمایندهسی دیبرا لاینز، افغانستان یشاوچیلری نینگ وضعیتیدن خواطر بیلدیرگن. خانم لاینز بوگون کابلده «افغانستان اقتصاد کنفرانسی» ده ایتیشیچه، شونینگدیک افغانستانده اورتهگه کیلگن فاجعه، یالغیز اوشبو مملکت ایمس، بلکیم قوشنی مملکتلرگه هم زیان یتیشتیرگن.
افغانستان نینگ اقتصادیاتی ییغینی بیرینچی مراتبه اسلامی امارت حکومتی نینگ ییتکچیلیگیده بوگون کابلده اوتکزیلدی.
نیمروزدهگی محلی منبعلر سلام وطندارگه ایتیشلریچه، اوشبو ولایتده جایلشگن کمالخان توغانی نینگ سووی ایران تامان آچیلگن.
ایران میدیالری نینگ گزارشیگه اساس، هیرمند دریاسی اوستیده قوریلگن کمالخان توغانی اوتگن کونی ایران تامان آچیلگن.
پلخمری شهریدهگی بیر عایله عضوی نینگ ایتیشیچه، اوتگن کونی شام چاغیده عایله اعضالریدن بیری، ناتانیش قورالی کیشیلر تامانیدن نشانگه آلینیب اولدیریلگن.
طبیعی آفاتلرگه قرشی کورهش وزیرلیگی اضطراری حالت مرکزی نینگ باشلیغی ملاجانان سایق، مملکت یشاوچیلری نینگ طبیعی حادثهلردن زیانمند بولیشلری حقیده خواطر بیلدیرگن. سایق جنابلری بوگون سلام وطندارگه ایتیشیچه، مملکت یشاوچیلریدن ۸۰ فایزدن کوپراغی طبیعی آفاتلر تهدیدی بیلن یوزمه-یوز.
بامیان ده بیرقطار دولت ادارهلر خادملری نینگ ایتیشلریچه، سببسیز ایشدن بوشهتیلیب و اورینلریگه تجربهسیز کیشیلر تعینلنگن. بامیان عدلیه ریاست ایشلاوچیلریدن مستعار ناملی محسن، سلام وطندارگه ایتیشیچه، قویاش ۱۳۹۷- ییلده ایرکین بیر رقابت ده اوشبو ریاست نینگ بستلریدن بیری ده کامیاب بولگن ایدی.
پاکستان ملی خوفسیزلیک مصلحتچیسی موئید یوسف، یوقاری مرتبهلی بیر هیأت ییتکچیلیگیده، ایکی کونلیک بیر سفر ده ایرته کابل کیلیشی گه قرار قیلینگن.
بلخ ده اسلامی امارت نینگ اوزبیک تبار قومندانی مخدوم محمد عالم نینگ قولگه آلینگنی باعث، فاریاب یشاوچیلری ایکی کون اعتراض قیلدی که نتیجهده، بوگون ایکینچلیک وزیرلیگی سرپرستی، شمال ده الفتح قول اردو قومندانی و جوزجان مسئوللری مذکور قیینچلیکلرنی حل ایتیلیشی اوچون مذکور ولایت گه سفر قیلگن.
ینگیلیکده پاکستان باش وزیری عمران خان، افغانستان گه انسانی کوچ یوباریش نی ایستهگن.
پاکستان باش وزیر دفتری نینگ یازیشیچه، مذکور مملکت مسلکی و تجربهلی کیشیلرنی افغانستان گه معلومات و فناوری، طبی، مالی و حسابدارلیک بولیملریگه یوباریش اوچون قرار آلگن.
پاکستان ایچکی ایشلر وزیری شیخ رشید احمد نینگ ایتیشیچه، افغانستان و پاکستان چیگرهسیده قالگن بولیملرنینگ دیوار تارتیش پروسه، اسلامی امارت رضایتی بیلن تکمیل بولهدی. او، اوتگن کون خبری بیر ییغینده بوندهی بیانات بیریب و ایتگن که، چیگره نینگ کمیده ۲ مینگ و ۶۰۰ کیلومتری ده دیوار تارتیلگن.
ننگرهارده «دوست» محلی رادیو مسئولی سهار سیرت عایله اعضالری نینگ ایتیشلریچه، او اوتگن هفته کابلده یوقالیب و بیر هفته اوتیشی بیلن حاضرگچه اوندن هیچ بیر خبر یوق.
اسلامی امارت سوزلاوچیسی نینگ اورینباسرلریدن بیری انعامالله سمنگانی توییتر صحیفهسیده یازگن که، قویاش ۱۴۰۰- ییل سونگی اوچ آیی نینگ بودجهسی ۵۳.۹ میلیارد افغانی تصویب قیلینگن. اونینگ کوپهیتیریشیچه، بولردن ۴۹.۲ میلیارد افغانیسی عادی بودجه و ۴.۷ میلیارد افغانیسی ایسه رواجلنتیریش بودجه دیر.
اوزبیکستان، افغانستان گه برق صادراتی نی ۶۰ فایز کمهیتیردی.
افغانستان برشنا شرکتی نینگ اعلام قیلیشیچه، اوزبیکستان افغانستانگه برق صادراتی نی ۶۰ فایز کمهیتیرگن. برشنا شرکتی بوگون بیر اعلامیه ترقهتیب ایتیشیچه، اوزبیکستان مملکتی بو شرکت بیلن اویغونلیک قیلمسدن برق صادراتی نی ۶۰ فایز کمهیتیرگن.
