پاکستان ایچکی ایشلر وزیری شیخ رشید احمد نینگ ایتیشیچه، افغانستان و پاکستان چیگره‌سیده قالگن بولیم‌لرنینگ دیوار تارتیش پروسه، اسلامی امارت رضایتی بیلن تکمیل بوله‌دی. او، اوتگن کون خبری بیر ییغینده بونده‌ی بیانات بیریب و ایتگن که، چیگره نینگ کمیده ۲ مینگ و ۶۰۰ کیلو‌متری ده دیوار تارتیلگن.
پاکستان ایچکی ایشلر وزیری نینگ ایتیشیچه: «طالبا‌لر بیزلر نینگ ایناغه‌میز» دیر و شونینگدیک قالگن ۲۱ کیلومتر نی «ایناغه‌لریمیز» رضایتی بیلن دیوار تارتیلیشی خصوصیده امید‌وارلیک بیلدیرگن. پاکستان نینگ اعلام قیلشیچه، ایکی تامان قبیله‌لری نی تقسیم قیلگن دیورند گه تانیقلی چیزیغ نینگ ۹۴ فایزی تکمیل بولگن.
بوندن آلدین پاکستان و افغانستان چیگره‌سیده دیوار تارتیش خصوصیده اسلامی امارت کوچلری و پاکستانی حربی‌لری آره‌سیده آتشیمه‌لر یوزبیرگن. پاکستان بیلن چیگره‌داش ولایت‌لرده اوشبو آتیشمه‌لر حقیده تورلی تصویری نوارلر ترقه‌تیلگن.
بیزلرنینگ توییترده هم تعقیب قیلینگ!
مذکور تصویری نوارلرده، اسلامی امارت کوچلری تیکانلی سیم‌لرنینگ اوزیش و بوزیش حالت گه کورینه‌دیلر. اسلامی امارت رسمیلری و سوزلاوچیلردن قطاری نینگ ایتیش‌لریچه، چیگره‌ده پاکستان نینگ دیوار تارتیش گه حقی یوق.
پاکستان حربی‌سی بوندن آلدین، چیگره ده دیوار تارتیش هر قنده‌ی وضعیت‌ده تکمیل بولیشی ممکن دیگن ایدی. شونینگدیک پاکستان تشقی ایشلر وزیری ایتگن ایدی که، چیگره مسله‌لری نی حل قیلیش حقیده اسلامی امارت بیلن سوزلشماقده‌لر. شونینگدیک اسلامی امارت رسمیلری پاکستان بیلن چیگره موضوع‌سی نی سوزلشوو یولیدن حل قیلیش گه تیارگرلیکلری نی اعلام قیلگن ایدی.
