افغانستان نینگ اقتصادیاتی ییغینی بیرینچی مراتبه اسلامی امارت حکومتی نینگ ییتکچیلیگیده بوگون کابلده اوتکزیلدی.
اوشبو ییغینده اسلامی امارت باش وزیری ملامحمد حسن آخندنینگ ایتیشیچه، بیر تیزیمنی تن آلینیشی اوچون ضروری بولگن برچه قاعدهلر اسلامی امارت تامانیدن بجریلگن و خلق ارا جماعهچیلیگی اولرنینگ حکومتینی تن آلیشی کیرهک.
بیزلرنینگ فیسبوک صحیفهمیزگه باش اورینگ!
او اسلام دولت لریدن، اسلامی امارتنی تن آلیش مقصدیده باشقه مملکتلرگه نسبتن ییتکچی بولیش لرینی سورهگن. اونینگ ایتیشیچه، حاضر افغانستان بویلب امنیت تامینلنگن و خلق ارا جمغرمهلر اوشبو مملکتده سرمایه یاتقیزیشلری لازم.
مملکت باش وزیری نینگ اورغولشیچه، خلق ارا جماعه چیلیگی تامانیدن افغانستان انسان پرورلیک یاردملرگه قوشیمچه ترقیاتی همکارلیککه احتیاجی بار و موجود قیینچیلیکلر برطرف ایتیلیشیدن کیین، اوشبو کمکلرگه احتیاجی بولیشی ممکن.
او افغانستانگه بیریله یاتکن خلق ارا کمکلرنی خوش قرشیلب تاکیدلشیچه، قیسقه مدتلی کمکلر افغانستاندهگی انقراض اوچون ییترلی ایمس، ترتیبلی برنامه و اقتصادی ایش ایجاد ایتیلگن تقدیرده، افغانستان دهگی موجود قیینچیلیکلر حل و بو مملکت آبادان لشتیریش تامان یوللنهدی.
اسلامی امارت باش وزیری نینگ کوپیتیریشیچه، بشر حقوقی مدافعه و حمایتچیسی عنوان قیلهدیگن مملکتلر افغانستان گه عاید پوللرنی توسیب و بو مملکتگه چیکلاو یرهتیشی بیلن، بشرحقوقینی ایاغ آستی قیلیب و افغانستاننی اقتصادی انقراضگه روپهرو قیلگن.
عین حالده بیرلشکن ملتلر تشکیلاتی کاتبی نینگ افغانستان اوچون مخصوص وکیلی دیبرا لاینزگه کوره، اوشبو تشکیلات افغانستان اوچون کمک توپلهماقده، بو کمکلرنی آرتیریش و مذکور مملکتگه دایر توسیلگن پوللرنی آزاد ایتیش مقصدیده مذاکرهلرنینگ دوامی بار.
بیزلرنینگ توییترده هم تعقیب قیلینگ!
باشقه تاماندن اسلامی امارت تشقی ایشلر وزیرلیگی نینگ سرپرستی امیرخان متقی، خلق ارا شرکتلر و سرمایه یاتقیزووچیلردن افغانستان نینگ تورلی ساحه لریده سرمایه یاتقیزیش لرینی ایستهگن. اونینگ اورغولشیچه، افغانستان نینگ خارجی سیاستی اقتصاد محور دیر و اسلامی امارت حکومتی بو دولت باشقه دولتلر اورته سیده کیلیشوومرکزی بولیشنی ایستهیدی.
اسلامی امارت ییتکچیلیگیده اقتصادی ییغین عین حالده اوتکزیلدی کیم، افغانستان ده اقتصادی بحران کونسهیین آرتماقده، خلق ارا نهادلرنینگ گزارشلریگه بناً اوشبو مملکت یشاوچیلریگه تیز یاردم کورسه تیلمهگن تقدیرده اقتصادی انقراض روی بیریشی ممکن.