افغانستان خبرچیلری نینگ سقلش کمیته باشلیغی نجیب شریفی، مطبوعات ایرکینلیگی نینگ خلقارا کونیدن نشانلش مراسمده، خبرچیلرگه قرشی زوروانلیک قضیهلری تیکشیریلیشی خصوصیده حکومت نینگ اجراآتی دن تنقیب قیلیب و ایتیشیچه، بو توغریده ییترلیچه توجه بولمهگن.
بوگون “دوشنبه” فاریاب تومنلریدن اوشبو ولایت مرکزی میمنه شهریده آواره بولگنلردن قطاری ناراضلیک نمایش یولگه قوییب حکومت و طالبان گروهیدن آتیشکیسین اعلان قیلیشلرینی ایستهگنلر.
ملی مصالحه کینگشی نینگ بیرینچی اورین باسری و مارشال عبدالرشید دوستم رهبرلیگیگه بولگن ملی اسلامی جنبش حزبی نینگ ییریک عضوی عنایتالله بابر فرهمند نینگ ایتیشیچه، اوشبو حزب مرکزی کینگش اورین باسری پیرمقل ضیایی «هدفلی ترور» آرقهلی اولدیریلگن.
جناب میلی آمریکالیک خبرچیلر بیلن صحبت اوتکزیب ایتیشیچه، نیچه ییل دن بویان افغانستان اوروشی نینگ رهبرلیک قیلهدیگن مذکور مملکت نینگ ۳۰۰ مینگلیک حربیسی یخشی تعلیمات کوریب و جهازلنگن و اولرنینگ افغانستان کیلهجگی نی تعیین قیلیش گه اونملی نقشی بار.
فراه ولایتی کینگش عضوی خیرمحمد نورزی نینگ سلاموطندارگه ایتیشیچه، طالبان جنگریلری اوتگن کیچه ساعت ۲ ده اوشبو ولایت نینگ بالابلوک تومنینی «شیوان» منطقهسیده بیر تونل نی پارتلهتیش بیلن ملی اردو بیر قرارگاهیگه کیرگنلر.
جناب نورزی گه کوره، مذکور هجوم ده ملی اردو قرارگاهی طالبان قولیگه سقوط قیلیب و آتیشمه عاقبتیده، اوشبو کوچلردن کمیده ۳۰ تهسی هلاک ایتیلگن.
شونینگدیک، تخار ولایتیدن محلی بیر منبع نینگ کیملیگی سیرقالیشنی ایستهب ایتیشیچه، جهاد اوشبو قومندانی رستان مرکزی دن قرلق حوزهسی تامان بارهدیگن بیر چاغده، اونینگ انتقال بیرهدیگن هاموی تانک جاده چیککهسیده جایلشتیریلگن ماین بیلن دوچ کیلگن و نتیجهده جناب ضیایی هلاک و رستاق تومنی نینگ خوفسیزلیک آمری یرهلنگن.
جمهوررئیس ملی خوفسیزلیک مصلحتچیسی حمدالله محب، مدافعه و ایچکی ایشلر وزیرلیگی سرپرستلری بیلن قوشمه خبری بیر ییغین اوتکزیب ایتیشیچه، چیتایللیک کوچلرنینگ افغانستان دن چیقیشی اعلام ایتیلگن بیرحالده طالبان هجومی کوپهیگن. اونینگ آگاهلنتیریشیچه، بو گروه اوروش یولی بیلن مقصدی گه ایریشمهیدی.
بوگون “شنبه” سمنگان یشاچیلری و ملی اسلامی جنبش حزبی طرفدارلریدن یوزلرچهسی اوشبو ولایت مرکزی ایبک شهریده محمدداوود لغمانی نینگ فاریاب ولایتیده حاکم صفتیده تعیینلنگنیگه قرشی اعتراض بیلدیرگنلر. اولرنینگ ایتیشلریچه، شمالی بیرقطار ولایتلرینی ناتینچ قیلیشگه حکومتنی قولی بار.
جوزجانده اوروشلرده قربان بولگنلرنینگ عایلهلری اوشبو ولایت مرکزی شبرغان شهریده تینچلیک ایستهش نامیده بیر ییغین یولگه قوییب اوروش یکونلنتیریلیشی و دایمی آتیشکسین ایستهگنلر.
اولرنینگ ایتیشلریچه، مملکتده ناتینچلیک و اوروش نینگ دوام قیلگنی سبب، بیوه عیاللر و یتیم قالگن بالهلرنینگ سانی کوپهیماقده. قربان بولگنلرنینگ عایلهلریگه کوره، بوندهی وضعیت قابل قبول ایمس و مفهومی بولمهگن اوروش یکونلنتیریلیشی کیرهک.
لوگر ولایتی ارزه تومن یشاوچیلری نینگ مهمانخانهسیده برابریده بمب جایلشتیریلگن موتر پارتلهشی عاقبتیده، ۲۰ کیشی هلاک و ۱۱۰ دن آرتیق کیشی یرهلنگن. مذکور حادثه ایچکی و خلقارا کینگ عکسالعمللرگه روپهرو بولدی. بو پارتلش اوتگن کون شام چاغی ساعت ۷ اطرافیده لوگر مرکزی پلعلم شهری نینگ بیرینچی ناحیهسیده یوزبیرگن.
اوتگن کون (پنجشنبه ۹- ثور) سیانام خبری ترماغی آق سرای و آمریکا مدافعه رسمیلری نینگ قطاری دن نقل قیلیب گزارش بیریشیچه، آمریکا حربیلری نینگ افغانستان دن چیقیش پروسهسی عمل گه آشیریلماقده.
شونینگدیک ناتو نینگ نیچه رسمیسی فرانسه خبرگزارلیگی بیلن صحبت اوتکزیب، بو تشکیلات هم حربیلری نینگ چیقیش پروسهسی باشلهگنی نی تصدیقلهگن.
بوگون (جمعه ۱۰- ثور) طالبان سیاسی دفتری سوزلاوچیسی محمدنعیم بیر توییت آرقهلی یازیشیچه، جناب خلیلزاد اوتگن کون پنجشنبه توشدن کیین ملابرادر بیلن اوچرهشگن.
اونگه کوره، ایکی تامان افغانستان حاضرگی وضعیتی، جاری تینچلیک پروسهسی و مذکور پروسه گه تیگیشلی موضوعلر حقیده صحبت اوتکزگن.
افغانستان تینچلیگی بوییچه روسیه خاص نمایندهسی ضمیر کابلوف نینگ ایتیشیچه، کیلگوسی کونلرده آمریکا، روسیه، چین و پاکستان نمایندهلری افغانستان تینچلیگی حقیده سوزلشهدی.
آمریکا جمهوررئیسی جو بایدن، مذکور مملکت کنگرهسیدهگی بیرینچی بیاناتی ده ینه بیر مرته افغانستان اوروشی یکونلهنیشی اوستیگه اورغولب ایتیشیچه، چیتایللیک کوچلر افغانستان نی ترک قیلیشی کیرهک. آمریکا جمهوررئیسی اوتگن کیچه (چهارشنبه ۸- ثور) بو مملکت کنگرهسیده ایتیشیچه، بو مملکت افغانستان ده اوزون مدتلی اوروشی نی اوتکزگن.
آمریکا تشقی ایشلر وزیری آنتونی بلینکن، آمریکا حربیلری نینگ افغانستاندن چیقگنیدن سونگ، ایچکی اوروش باشلهنیش احتمالیگه ایشانهدی، لیکن اونینگ تاکید قیلیشیچه، هیچبیر تامان ایچکی اوروشلر باشلهنیشیگه علاقمند ایمس. بلینکن نینگ ایتیشیچه، افغانستان اهالیسی ایچکی اوروشنی باشلتمهیدی و نهایتده افغانستان دولتی و طالبان گروهی هم بو ایشگه اقدام قیلمهیشی ممکن.
پروان حاکمی فضلالدین عیار، سلاموطندار تامانیدن پروان مرکزی چاریکار شهری نینگ فرعی جادهلریده تاش فرش قیلیش پروژهسی تکمیل بولمسدن آچیلیشی و اوشبو ولایت بوییچه قیزیل آی ریاستی نینگ حادثهلر بولیمی مدیری نینگ جناب عیار تامانیدن کلتکلنیش گزارشی نشر ایتیلگنیگه قرشی واکنش کورستگن.
