افغانستان، چین و پاکستان تشقی ایشلر وزیرلری، تیزلیککه آتیش کیسین اعلام ایتیلیشی، معنالی سوزلشوولر باشلهنیشی و افغانستان و منطقهده دایمی تینچلیک تأمین ایتیلیشی نی سورهشگن. مذکور ییغینده اوچ مملکت تشقی ایشلر وزیرلری، افغانستانلیکلر رهبرلیگیده اوروش نی تینچ بیر شکلده حل ایتیلیشی اوستیگه اورغولهگن.
ملی مصالحه کینگشی باشلیغی عبدالله عبدالله نینگ پامیر ۳۰۳ قومندانلیگی سابق قومندانی داوود داوود نینگ ۱۰- ییل اولدیریلیشیدن نشان اوچون یولگه قوییلگن مراسمده مملکت حاضرگی وضعیتیدن خواطر بیلدیریب ایتیشیچه، تینچلیک سوزلشوولر ایجابی نتیجه بیرمهگن بیرحالده، چیتایللیک کوچلرنی افغانستاندن چیقیشی مملکت وضعیتی اوستیگه سلبی تاثیر قویهدی.
سیاسی و امنیتی ایشلر بوییچه جمهوررئیس ییریک مصلحتچیسی محمد محقق نینگ ایتیشیچه، خودکش هجوم و ترورچیلیک حادثهلر عامللری قولگه آلینگندن کیین، رشوت و یا حکومت نینگ رحمتی بیلن قوییب یوباریلهدی.
اونگه کوره، پارتلشلر یوزبیرگنیدن کیین حکومت یالغیز اجتماعی ترماقلر آرقهلی قربانیلر عایلهلری بیلن قیغوداشلیک بیلدیرهدی.
نمایندهلر کینگش اعضالریدن قطاری، مذکور کینگش نینگ بوگونگی (چهارشنبه ۱۲- جوزا) عمومی ییغینیده، کابل غربیده هجوملر دوام تاپیشی گه عکسالعمل کورسهتیب و امنیت نی تأمینلش خصوصیده حکومت و امنیتی نهادلرنینگ کوچسیزلیککه عیبلشگن.
چیتایللیک کوچلر افغانستان نی ترک قیلگن بیرحالده، ناتو باش کاتبی ینس استولتنبرگ نینگ ایتیشیچه، مذکور تشکیلات بیرلشیکلری کابل ده ملکی و دیپلماتیک حضوری گه دوام بیریب و افغانستان امنیتی نهادلری نینگ ظرفیتلری یوقاری کیتیشی اوچون، اولرگه همکارلیک و مصلحت بیریشی ممکن. اوتگن کون ناتو باش کاتبی، بروکسل ده ایتیشیچه، افغانستان دن حربیلرنینگ چیقیشی بو مملکت بیلن علاقهلرنی کیسیش معناسیگه ایمس.
آمریکا مرکزی قومندانلیک ستادی (سنتکام) نینگ اعلام قیلیشیچه، آمریکا کوچلرنینگ افغانستان دن چیقیش زمانی اعلام ایتیلگنیدن بویان، حربیلر و حربی جهازلرنینگ چیقاریش پروسهسی ۳۰ الی ۴۴ فایز یکونلنگن.
سنتکام گه کوره، مذکور حربیلر توغری و مسئولانه شکلده افغانستان دن چیققن.
مرکزی بغلان تومنی نینگ محلی و امنیتی منبعلری سلاموطندار بیلن صحبت اوتکزیب ایتیشلریچه، بو تومن پولیس قومندانلیگی ده بمب جایلشتریلگن موتر پارتلهشی ده امنیتی کوچلردن ۴ تهسی و بیر تینچاهالی هلاک و بو تومن پولیس قومندانی شامل ۱۴ حربی ۳۰ دن آرتیق تینچاهالی بیلن تن جراحتی کوتارگن.
حکومت مذاکرهچی هیأت اعضالریدن قطاری سوزلشوولرنی قیته باشلش اوچون، بوگون دوحه کیتیشلریگه قرار قیلینگن بیرحالده، بیراق طالبان رهبری نینگ یوقلیگی توغریسیدهگی بیاناتی تینچلیک پروسیهسیگه نیمه تأثیر قویهدی؟
نمایندهلر کینگش اعضالریدن قطاری، بوگونگی عمومی ییغینلریده مملکت ولایتلریدن قطاری ده اوروش دوام تاپیشی و زوروانلیکلر کوپهیگنیدن خواطر بیلدیریب و ایتیشلریچه، تومنلرده طالبان هجومی نینگ دوامی بار و اولر نهایتده شهرلر و ولایتلرنینگ مرکزی گه قدر ییتیشگن.
تینچلیک توغریسیدهگی بالقوه سعی و حرکتلر و جینوا نینگ ۲۰۲۰ ییغینی افغانستان تینچلیک پروسهسی خصوصیده ایجابی اَدیملر بولگن. شوندهی بیرحالده، تینچلیک پروسهسی موفقیتلیککه ایریشگن صورتده، افغانستان اقتصادی برقرارلیککه ییتیشگونگه قدر کوپ یولی بار.
فیضآباد تومن پولیس قومندانی محمد نادر نینگ ایتیشیچه، پاکستانلیک حربیلر طالبان همکارلیگی بیلن مذکور تومن نینگ گرجک قیشلاغیده بالهلرگه خودکش هجوم نی تعلیمات بیرهدی. جناب نادر گه کوره، طالبان برنامهلرینی عمل گه آشیریش اوچون ۸ الی ۱۰ یاشر بالهلرنی تنلهب و تعلیمات بیریش اوچون اوزلری بیلن آلیب کیتهدی.
ایچکی ایشلر وزیرلیگی مسووللری نینگ ایتیشلریچه، اوتگن بیر آی جریانیده طالبان تامانیدن اویوشتیریلگن هجوملر نتیجهسیده ۲۴۸ تینچ اهالی هلاک و باشقه ۵۲۷ تینچ اهالی یرهلنگن دیر.
بیراق، طالبان گروهی نینگ بو ادعانی رد قیلیب ایتیشیچه، تینچ اهالی تلفاتی نینگ اصلی عاملی امنیتی کوچلر دیر.
پاکستان حکومتی نینگ ییریک بیر مقامی، رسانهلر بیلن اوتکزگن صحبتیده مذکور مملکت نینگ افغانستان ملی خوفسیزلیک مصلحتچیسی حمدالله محب بیلن بولگن رسمی علاقهلری کیسیلگنیدن خبر بیریب و ایتیشیچه، بوندن کیین اسلامآباد افغانستان ملی خوفسیزلیک مصلحتچیسی بیلن هیچ قندهی ایکی تامانلمه علاقه قورمهیشی ممکن.
ایچکی ایشلر وزیرلیگی مسئوللری نینگ ایتیشلریچه، البیرونی بیلیمیورت استادلری نینگ موتری ده یوزبیرگن پارتلش ده، ۴ کیشی جان بیرگن. ایچکی ایشلر وزیرلیگی سوزلاوچیسی طارق آرین نینگ ایتیشیچه، مذکور حادثهده ۴ کیشی هلاک و باشقه ۱۱ کیشی ایسه یرهلنگن. اونگه کوره، حادثه قربانیلری البیرونی بیلیمیورتی نینگ طلبهلری و استادلری دیر.
افغانستان اسلامی وحدت حزب رهبری و سیاسی و ا منیتی ایشلر بوییچه جمهوررئیس ییریک مصلحتچیسی محمد محقق نینگ ایتیشیچه، دنیا افغانستان نینگ ینه بیر مرته ترورچیلیک اوچون تینچ اویه گه اوزگریشی گه رخصت بیرمهیشی کیرهک. محقق گه کوره، اوروش شعاری بیرمهیدی و تینچلیک اوچون تیار دیر.
آمریکا حربیلری نینگ قوشمه ستاد باشلیغی جنرال مارک میلی گه کوره، حاضر ترجمانلر و آمریکا بیلن ایشلهگن کیشیلردن کوپینچهسی، طالبان نینگ هجومی نی خطری بیلن قرار تاپگن. جنرال مارک میلی نینگ اورغولشیچه، حاضر ترجمانلر و آمریکا بیلن ایشلهگن کیشیلرنی افغانستان دن چیقاریش ریجهسی اوستیگه جدی ایش قیلینماقده.
