غزنیده اسلامی امارت معلومات و مدنیت مسئوللری نینگ ایتیشلریچه، «سرده» سوو توغانی نینگ عملی ایشی باشلنگن دیر. مسئوللرگه کوره، سوو اریقلرنی تازهلش، سیفون لر و حوضلرنی قته قوریش ایشلری اوشبو بند اطرافیده مینگلرچه اصله نهال نی سوغاریش اوچون دوام ایتماقده.
رویترز آژانیسی نینگ گزارش بیریشیچه، پاکستان، افغاستان چیگره حدودیگه پاکستان تندرو جدایی طلب گروهلر نینگ سرکوپ قیلیش اوچون نظامی عملیاتینی کوچهیتیرگن دیر.
ینگیلیکده آمریکا مدافعه وزیرلیگی یا پنتاگون افغانستانده اسلامی دولت (داعش) و القاعده حضوری توغریسیگه گزارش ترقتگن. گزارشده کیلیشیچه، اسلامی دولت گروهی نینگ خرسان شاخهسی، اسلامی امارتدن ناراضی کیشیلرنی اوز صفلریگه جذب قیلیش اوچون حرکت قیلماقده.
مطبوعاتی ییغین اوتگزگن افغانستان صناعت و کانلر اتاقی متصدیلری نینگ ایتیشلریچه، اولر نینگ نیچه صنفی قوللش عرفهسیده قرار تاپگن.
کابلده صرافلردن قطاری آمریکا جمهوررئیسی جوبایدن نینگ ۱۱سپتامبر هجوملریده قربان بولگنلر نینگ اقاربلریگه تاوان صفتیده افغانستان مرکزی بانکی نینگ سرمایهلریدن بیر قسمی مصادره قیلینیش بویروغیدن خواطر بیلدیریب ایتیشلریچه، بو فرمان ملی پول ارزشی نینگ قویی کیلیشی گه سبب بولهدی.
آمریکا تشقی ایشلر وزیرلیگی نینگ افغانستان تینچلیک ایشلری بوییچه مخصوص نمایندهسی توماس وِست نینگ ایتیشیچه، امریکا میلادی ۲۰۰۱-ییلی اسلامی امارتنی قدرت گه شیریک قیلیش اوچون شرایط یرهتمه گن خطانی حاضر اسلامی امارت تکرار قیلماقده.
آق سرای سوزلاوچیسی جن ساکی نینگ ایتیشیچه، آمریکا قوشمه ایالتلر محکمهسی حکم بیرمسدن افغانستان مرکزی بانکی نینگ سرمایهلری ۱۱سپتامبر قربانیلری نینگ عایلهلری گه توللنمهیدی.
بیرلشگن ملتلر تشکیلاتیده افغانستان نینگ دایمی نمایندهلیگی سرپرستی نصیراحمد فایق نینگ ایتیشیچه «حق و عدالت سیسینی اوچیریش و فساد گه قرشی کورهش مقصدیده» بیرلشگن ملتلر تشکیلاتیده افغانستان نینگ دایمی نمایندهلیگی رهبری اوزگریلیشی اوچون «سونگی توطئه و تلاشلر» خثنی ایتیلگن.
کنرده محلی منبعلر نینگ ایتیشلریچه، بوگون شام چاغی پاکستانی حربیلری اوشبو ولایت سرکانو تومنی گه موشکی هجوملر قیلگنلر. منبعلر گه کوره، مذکور هجوملر بوگون شامگچه دوامی بار ایدی.
رویترز آژانسی بریتانیا رسمیلریدن نقل قیلیب گزارش بیریشیچه، بو مملکت کیلهسی آی افغانستان گه یاردم ییغیش ییغینیدن میزبانلیک قیلهدی. رویترز اوشبو رسمیلردن نقل قیلیب یازیشیچه، مذکور ییغینده ۴.۴ میلیارد پوند یاردم افغانستان اوچون توپلهنیشی کوتیلهدی.
یوزلب مملکت اهالیسی بوگون کابل شهریده، آمریکا جمهور باشلیغی جوبایدن نینگ افغانستان مرکزی بانکی داراییلری بیر قسمینی مصادره قیلیشی گه دایر سونگی قراری گه عکسالعمل کورسهتیب ناراضیلیک نمایش بیلدیردیلر. اولر نینگ ایتیشلریچه، ۱۱سپتامبر هجوملری افغانستان خلقی گه هیچ قندهی مناسبتی یوق دیر.
افغانستان اسلامی امارت اعلامیه آرقهلی، آمریکا قوشمه ایالتلری جمهور باشلیغی جوبایدن نینگ افغانستان مرکزی بانکی سرمایهلریدن بیر قسمینی مصادره قیلیشی گه عاید فرمانی گه مناسبت بیلدیریب و اونی تحریک قیلووچی دیب و بو توغریده واشنگتن گه هشدار بیرگن.
« اندیپندنت فارسی» وبسایتی بیر منبعدن نقل قیلیب ایتیشیچه، پاکستان نینگ حربی استخبارات (آیاسآی) باشلیغی ندیماحمد انجم، جمعه کونی ترکیه پایتختی انقره شهریده افغانستان سیاسی حزبلر رهبرلریدن قطاری جملهدن مارشال عبدالرشید دوستم، عطامحمد نور و محمد محقق بیلن اوچرهشگن.
عربی بیرلشمه امارات ویزهسی نینگ ایستهگنلردن قطاری ویزهلری نینگ صادر بولمهگنی باعث، بوگون کابلده اعتراض قیلگنلر. اعتراضچیلردن قطاری سوداگرلر دیر، اولرنینگ ایتیشلریچه، اسلامی امارت قدرت گه ایریشمهگنیدن آلدین افغانستان گه کیلگن ایکنلر؛ بیراق ۸ آیدن بیری عربی بیرلشمه اماراتی گه کیتهآلمگنلر.
اسلامی امارت اقتصاد وزیرلیگی نینگ مسلکی معینی عبداللطیف نظری بامیان گه قیلگن سفریده، بوگون بامیانده اوتکزیلگن احتفالده اوشبو ولایت نینگ ۳۰۰دن آرتیق یشاوچیلری آره سیده نطق سوزلب، اولردن مملکت نینگ حاضرگی تیزیمی بیلن تعامل قیلیب و اوشبو تیزیم گه قرشی تورمسلیکلرینی طلب قیلدی.
لوگر امنیه قومندانلیگی مسئوللری نینگ ایتیشلریچه، اوشبو اداره پاسپورت آمریتی نینگ برچه تخنیکی قیینچیلیکلری حل ایتیلگن و پاسپورت ترقهتیش جریانی نی بوگون ینگی بیرلایحه بیلن باشله گنلر
