بیرلشگن ملتلر تشکیلاتیده افغانستان نینگ دایمی نماینده‌لیگی سرپرستی نصیراحمد فایق نینگ ایتیشیچه «حق و عدالت سیسی‌نی اوچیریش و فساد گه قرشی کوره‌ش مقصدیده» بیرلشگن ملتلر تشکیلاتیده افغانستان نینگ دایمی نماینده‌لیگی رهبری اوزگریلیشی اوچون «سونگی توطئه و تلاش‌لر» خثنی ایتیلگن.
او توییتر صحیفه‌سیده یازیشیچه، مملکت نینگ سابق تشقی ایشلر وزیر محمد‌حنیف اتمر بیر نامه آرقه‌لی بیرلشگن ملتلر تشکیلاتیده مملکت نمایند‌لیگی سرپرستی صفتیده محمد‌ولی نعیمی نینگ معرفی قیلگن ایدی، اوشبو تشکیلات تامانیدن قبول بولمه‌گن.
فایق نینگ کوپه‌یتیریشیچه، اوتمیش کبی افغانستان نینگ دایمی نماینده‌لیگی سرپرستی مسئولیتی نی بوتون قیین‌چیلیکلری بیلن دوام بیره‌دی و ملی منفعت‌لر اساسیده اوشبو مملکت یشاوچیلریدن حمایت قیلیش و حاضرگی فاجعه‌دن چیقییش اوچون سعی و حرکت نی اوز مسئولیتی بیله‌دی.
بیزلرنینگ فیسبوک صحیفه‌میزگه باش اورینگ!
بیرلشگن ملتلر تشکیلاتیده افغانستان دایمی نماینده‌سی جاری فبروری آیی نینگ ۸-تاریخی‌ده اعلام قیلیشیچه، اوشبو نماینده‌لیک نینگ وزیرمختار و اورین‌باسری محمد‌ولی نعیمی، بیرلشگن ملتلر تشکیلاتیده افغانستان نماینده‌لیگی سرپرستی نی بویینیگه آلگن.
مذکور نماینده‌لیک بیر اعلامیه ترقه‌تیب ایتگن ایدی که، بیرلشگن ملتلر تشکیلاتیده افغانستان سابق نماینده‌سی و ایلچیسی غلام‌محمد اسحاق‌زی نینگ استعفاسیدن کیین، محمد‌ولی نعیمی نینگ ساغلیک قیینچیلیگی‌نی نظر گه آلیش بیلن، «افغانستان اسلامی جمهورلیک تشقی ایشلر وزیرلیگی» تامانیدن بیرلشگن ملتلر تشکیلاتیده افغانستان نماینده‌لیگی سرپرستی صفتیده نصیراحمد فایق تعیین بولگن ایدی.
بیزلرنینگ توییترده هم تعقیب قیلینگ!
بیرلشگن ملتلر تشکیلاتی نماینده‌لیگی دفتری نینگ کوپه‌یتیریشیچه، بیرلشگن ملتلر تشکیلاتیده افغانستان نماینده‌لیگی سرپرستی صفتیده محمد‌ولی نعیمی نینگ تعیین بولگنی، اوتمیش‌ده «افغانستان اسلامی جمهورلیک تشقی ایشلر وزیری» حنیف اتمر تامانیدن بیر نامه آرقه‌لی بیرلشگن ملتلر تشکیلاتی نینگ باش کاتب دفتری گه خبر بیریلگن ایدی.
بیراق فایق توییتر صحیفه‌سیده اوشبو موقف‌دن اونینگ برکنار بولیشی اوچون سابق دولت رسمی‌لری تامانیدن سعی و حرکت نی توطئه دیگن.
شونده‌ی بیرحالده، افغانستان سابق حکومتی نینگ سقوط قیلگنی و اسلامی امارت نینگ قدرت گه ایریشگنیدن کیین، بیرلشگن ملتلر تشکیلاتیده افغانستان نماینده‌لیگی چوکی‌سی جنجالی بیر بحث بولگن ایدی. اسلامی امارت قطرده اسلامی امارت سیاسی دفتر رئیسی سهیل شاهین نینگ اوشبو چوکی نامزدی صفتیده معرفی قیلگن ایدی.
