آمریکا عیاللری صلح وتعلیم هیأتی،اوتگن هفته افغانستانده کیلگن ایدیلر اولر قیلگن فعالیتلری نینگ نتیچه سینی بوگون کابلده خبری بیر ییغینده رسانهلر بیلن اورتهگه قویدیلر.
اسلامی امارت تشقی ایشلر وزیرلیگی نینگ سرپرستی امیرخان متقی، بوگون چینده افغانستان قوشنی مملکتلری تشقی ایشلر وزیرلری نینگ اوچینچی کون ییغینیده، منطقه اولکهلریدن افغانستان اسلامی امارت حکومتی بیلن همکارلیک بولیشلرینی طلب قیلدی.
روسیه تاس آژانسی نینگ گزارشی اساسیده، اوشبو مملکت تشقی ایشلر وزیری سرگئی لاوروف، دنیا جماعهچیلیگی افغانستان اسلامی امارت بیلن فعال همکارلیک قیلیب و بو حکومتنی رسمیت گه تانیش اوچون اقدام قیلیشلرینی ایتگن.
روسیه تشقی ایشلر وزیری سرگئی لاوروف، اورته آسیا مملکتلری بیلن افغانستان نینگ شمالی چیگرهلری یقینیده اسلامی دولت گروهی (داعش) حضوریدن خواطر بیلدیرگن.
جوزجان محلی مسئوللری نینگ ایتیشلریچه، ۳ میلیون افغانیلیک اوچ سوو ییتکیزیش پروژه ایشی بوگون یکونلنیب فایدهلنیشگه تاپشیریلگن.
چین جمهوررئیسی شی جینپینگ، افغانستان قوشنی مملکتلر تشقی ایشلر وزیرلری نینگ اوچینچی ییغینیدهگی بیانیهسیده ایتیشیچه، اوشبو مملکتده صلح و ثبات برقرار اییتلیشی دنیا و منطقه مملکتلری نینگ منفعتی گه دیر.
مملکت نینگ معلومات و حسابات ملی اداره مسئوللری بوگون ارقام ییغینده، ۱۴۰۰-ییل نینگ احصایوی معلومات و شاخصلری نی شریک قیلدیلر. مذکور ارقام اساسیده، افغانستان نفوسی قویاش ۱۴۰۱-ییلده ۳۴.۳ میلیون کیشی تخمین قیلینگن، عینحالده ۱۴۰۰-ییلده افغانستان نفوسی ۳۳.۶ میلیون کیشی ایکن.
قوش تیپه کانالی، مملکت نینگ اینگ بویوک کاناللریدن دیر که بلخ ولایتی کلدار تومنیده آمو دریادن باشلهنیب، حیرتان دشتلری، بلخ ولایتی دولتآباد تومنی و جوزجان ولایتی نینگ آقچه تومنیدن اوتیب و فاریاب ولایتی نینگ اندخوی تومنیده یکونلنهدی. اوشبو کانال ۲۸۵ کیلومتر اوزون ۱۰۰ متر یین و ۸۵ متر چقور دیر.
غور محلی مسئوللری، اوشبو ولایتده خصوصی یاردم بیرووچی مؤسسهلر گه قیتهدن فعالیت قیلیش اجازهسی بیریلگنیدن خبر بیرگنلر. غور حاکمی سوزلاوچیسی عبدالواحد حماس نینگ سلاموطندار گه ایتیشیچه، مذکور ولایت حاکمی احمدشاه دیندوست، اوتگن کونی بیرلشگن ملتلر تشکیلاتی نینگ اورین باسری بیلن اوتکزگن بیر ییغینده، غوردهگی خصوصی یاردم بیرووچی مؤسسهلر باغلهنیشی خصوصیده بحث ایتگن.
اسلامی امارت تشقی ایشلر وزیرلیگی سوزلاوچیسی نینگ اورین باسری حافظ ضیا احمد، بوگون توییتریده یازیشیچه، اوشبو وزیرلیک سرپرستی، افغانستان قوشنی مملکتلری تشقی ایشلر وزیرلری نینگ اوچینچی ییغینیده اشتراک ایتیش اوچون، چین پایتختی بیجینگ ییتیب بارگن.
رویترز آژانسی نینگ گزارش بیریشیچه، خلقارا بانک اسلامی امارت ۶- صنفدن یوقاری قیز اوقوچیلر یوزیگه مکتب ایشیگینی باغلهگنی گه قرشی عکسالعمل بیلدیریب، افغانستانده ۶۰۰ میلیون دالر ارزش گه ایگه ۴ پروژنی توختهتدی.
چین تشقی ایشلر وزیری گه کوره، بو مملکت ایرته (چهارشنبه، ۱۰حمل) افغانستان و قوشنی مملکتلر تشقی ایشلر وزیرلری نینگ میزبانی دیر. اسلامی امارت رسمیلری نینگ ایتیشلریچه، مذکور ییغین اجنداسی خصوصیده حاضرگچه ییترلیچه معلوماتلری یوق
امر معروف و نهی منکر وزیرلیگی نینگ مسئوللری، دولت ادارهلری نینگ برچه ملازملریدن ساقال قوییش و کلهپوش کییشلری اوچون، بیر آی آلدین مذکور ادارهلر گه مکتوب یوللـهگنینی تصدیقلهدیلر.
سوداگرلیک شرکتلر بیرلشمهسی بوگون کابلده آچیلدی. سوداگرلیک شرکتلر بیرلشمهسی مسئوللری نینگ ایتیشلریچه، مذکور بیرلشمه نینگ تشکیل ایتیلیشیدن هدف سرمایه یاتقیزوچیلر آرهسیده هماهنگلیک ایجاد قیلیش دیر.
افغانستان قوشنی مملکتلری تشقی ایشلر وزیرلری نینگ اوچینچی دور ییغینی ایرته چین میزبانلیگی بیلن اوشبو مملکتده یولگه قوییلیشی ممکن. مذکور ییغینده افغانستان قوشنی اولکهلری نینگ تشقی ایشلر وزیرلریدن تشقری، قطر و اندونیزیا تشقی ایشلر وزیرلری مهمان اولهراق اشتراک ایتیشلری ممکن.
بیرلشگن ملتلر تشکیلاتی، انسان سیورلیک یاردملرنی اویغونلشتیروچی دفتری یا اوچا نینگ اعلام قیلیشیچه، افغانستانده انسان پرورلیک یاردملرنی جلب ایتیش اوچون بیر ییغین کیلهسی ایکی کونگچه ژنوا و سویسده اوتکزیلیشی ممکن.
