مملکت نینگ معلومات و حسابات ملی اداره مسئوللری بوگون ارقام ییغین‌ده، ۱۴۰۰-ییل نینگ احصایوی معلومات و شاخص‌لری نی شریک قیلدیلر. مذکور ارقام اساسیده، افغانستان نفوسی قویاش ۱۴۰۱-ییلده ۳۴.۳ میلیون کیشی تخمین قیلینگن، عین‌حالده ۱۴۰۰-ییلده افغانستان نفوسی ۳۳.۶ میلیون کیشی ایکن.
اوشبو گزارش اساسیده، ایرکک‌لر نینگ نفوسی عیال‌لر گه قره‌گنده ۲ فایز کوپ دیب تخمین قیلینگن و مملکت نینگ قطار نفوسیدن ۴۵ فایزی ۱۵ یاش‌دن قویی، ۴۹.۷ فایزی ایش یاشی‌ده بولگن و یالغیز ۲.۷ فایزی کیکسه‌لر دییلگن.
بیزلرنینگ فیسبوک صحیفه‌میزگه باش اورینگ!
معلومات و حسابات ملی اداره نینگ معلوماتی اساسیده، ۲۴.۲ میلیون کیشی قیشلاغ‌لرده، ۸.۶ میلیون کیشی شهرلرده و ۱.۵ میلیون کیشی ایسه کوچی شکلده حیات کیچیره‌دیلر.
معلومات و حسابات ملی اداره نینگ اورین باسری حسیب‌الله موحد نینگ ایتیشیچه: «افغانستان نفوسی بو ییل ۳۴.۴ میلیون کیشی دیر. ۱۷.۵ میلیونی ایرکک‌لر و ۱۶.۸ میلیونی ایسه عیال‌لر دیر.»
اوشبو اداره نینگ معلوماتی اساسیده، نفوس کوپه‌یشی بیلن، مملکت مقیاسیده اهالی گه خدمت کورسه‌تیش کمه‌یماقده دیر.
معلومات و حسابات ملی اداره اورین باسری حسیب‌الله موحد نینگ ایتیشیچه، اولر نینگ آماری اساسیده، ۱۴۰۰-ییلده صادرات رقمی ۱۳۹۹-ییل گه نسبتن ۱۱.۸ فایز و واردات رقمی ۱۴۰۰-ییلده ۱۳۹۹- ییل گه نسبتن ۱۹ فایز کمه‌یگن دیر.
۱۳۹۹-ییلده ۱ میلیارد ۴۷۶ میلیون صادرات قیلگن میز، عین‌حالده ۱۴۰۰-ییلده تخمیناً ۱ میلیارد ۳۰۱ میلیون صادرات ایتگن میز.
بیزلرنینگ توییترده هم تعقیب قیلینگ!
باشقه تاماندن، افغانستان ۱۴۰۰-ییلده تخمیناً ۳۳۵۷ ساغلیک مرکز گه ایگه بولگن، عین‌حالده ۱۳۹۹-ییلده اوشبو مرکزلر سانی ۳۳۶۷ مرکز بولگن.
ایتیش کیره‌ک که، افغانستان ۱۴۰۰-ییلده ایکینچی‌لیک بولیمی‌ده کمیده ۴.۷ میلیون تن غله‌جات و کمیده ۷۸ مینگ تن پخته تولید قیلگن دیر و افغانستانده غله‌جات تولیداتی سابق ییل‌لر گه قره‌گنده کمه‌یگن؛ لیکن پخته نینگ تولیداتی هر ییل اوتیشی بیلن کوپه‌یماقده دیر.
