پنجشیرده‌گی توستدن یوز بیره‌دیگن سوو تاشقین‌لری، توپراق بوزیلیشی و یاغینگرچیلیک ترتیبی‌نینگ اوزگریشی ایکین میدانلری همده دهقانلرنینگ تیریکچیلیگینی خوف آستیگه قویماقده. پنجشیر ولایتی زراعت اداره‌سی معلوم قیلیشیچه، جاری ییل‌نینگ دستلبکی آلتی آیی‌ده عنابه و آبشار تومنلریده زراعت گه عاید ۱۱ ته آست قوریلمه لایحه‌سی عملگه آشیریلگن.
اسلام امیرلیگی طبیعی آفت‌لر گه قرشی تیارگرلیک کوریش اداره‌سی، طبیعی آفت‌لر خوفینی کمه‌یتیریش خلق‌ارا کونی مناسبتی بیلن ایتیشیچه، سونگی بیر ییل ایچیده افغانستان‌ده صادر بولگن طبیعی آفت‌لر عاقبتیده ۶۷۹ کیشی اولگن.
افغانستان اقلیم اوزگریش‌لریگه اینگ ضعیف مملکتلردن بیری حسابلنه‌دی. بیرلشگن ملتلر تشکیلاتی ترقیات دستوری معلومات‌لریگه کوره، میلادی ۱۹۵۰-ییلدن بویان مملکتده اورتچه حرارت تخمیناً ۱.۸ درجه سانتی‌گراد گه کوتریلگن. قوروقچیلیک سوو تاشقین‌لری و باشقه کیسکین اقلیم حادثه‌لری اهالی حیاتیگه تاباره کوچلی‌راق تأثیر کورستماقده.
تورکیه‌نینگ استانبول شهری «مال‌تیپه» حدودی‌ده، ییتی قوتلی بیر بنانینگ قولشی عاقبتیده بیش کیشی اولگن و ینه ۱۴ کیشی توپراقلر آستیدن چیقریلگن.
کنر ولایتی سوکی تومنی اهالیسی، ایریم عایله‌لر اوی‌لریده‌گی آقاوه سوولرنی یول و عمومی کوچه‌لر گه چیقره‌یاتگنیدن شکایت قیله‌دیلر. اولرنینگ ایتیشیچه، بو حالت اطراف-محیط‌نینگ افلاسلنیشیگه و محلی اهالی سلامت‌لیگی بیلن باغلیق معمالر گه سبب بولگن.
پنچشیر اوزی‌نینگ بلند تاغ‌لری، چقور وادی (دره)لری و شدتلی دریالری بیلن طبیعی گوزه‌للیگی یانیده، طبیعی آفت‌لر برابریده افغانستان‌نینگ اینگ ضعیف ولایت‌لریدن حسابلنه‌دی. سونگی ییللرده اوشبو ولایت اهالیسی توستدن یوز بیره‌دیگن سیل، تاش کوچیشی، ییر کوچیشی همده قار کوچکی‌لریدن بیر نیچه بار شکایت قیلگن. ایریم حاللرده بو حادثه‌لر ایکینچیلیک ییرلریگه، کوپریک‌لر گه، سوو توغان‌لریگه، برق انشاآت‌لریگه، بازارلر و اهالی‌نینگ اوی‌لریگه جدی ضرر ییتکزگن.
روسیه‌‌نینگ سن‌پترزبورگ شهریده جایلشگن تاریخی «میلر» سرایی کوچلی یانغین عاقبتیده بوتونلی کویب کولگه ایلندی.
تخار ولایتی چاه‌آب تومنیده «آلتین» کانی قولشی عاقبتیده قریب ۱۰ کانچی توپراق آستیده قالیب کیتگن.
هرات ییللر دوامیده ۱۲۰ کونلیک شماللر و چنگ-توزان‌لر یوز بیریشی گواهی بولیب کیلگن، بو شماللر سیستان حوزه‌سی و افغانستان غربی‌نینگ طبیعی اقلیم حادثه‌لریدن بیری بولیب، بهارنینگ آخریدن یاز و کوزنینگ باش‌لریگچه اوشبو منطقه‌ده ایسه‌دی. اما معما فقط شمال‌نینگ اوزی‌ده ایمس، ییر قوریب، ییر آستی سوولری سطحی پسه‌یگنده و اوسیملیک قاپلمی یوقالگنده، دریالرنینگ سووی کمه‌یشی و تشلب کیتیلگن ییرلر کوپراق چنگ-توزان آستیده قاله‌دی.
کاپیسا ولایتیده ایریم یاش‌لر پارک‌لر و یشیل حدودلرده چیقیندیلر توپلنیب قاله‌یاتگنیدن شکایت قیلیب، چیقیندی قوتی‌لرنینگ آزلیگی همده ایریم یشاوچیلرنینگ تازه‌لیک‌نی سقلش گه اعتبارسیزلیگی سببلی اوشبو حدودلر افلاسلنه‌یاتگنینی ایته‌دیلر.
جاپان‌ده طوفان عاقبتیده تورت کیشی هلاک بولگن و ینه ۶ کیشی بی‌درک یوقالگن.
فاریاب ولایتی‌نینگ دشت‌لری و قیشلاق‌لریده قوروقچیلیک ایندی فقط ایکین میدانلری بیلن چیکلنیب قالمه‌گن؛ ییلاولر قیسقرماقده، حیوان‌لر آزوقه‌سی قیمت‌لشیب و کوچلی ایسیق چاروالر حیاتینی قیینلشتیرگن. سیگیر و قوی اسره‌ب همده اولرنی ساتیش بیلن روغاز تیبره‌تیب کیله‌یاتگن عایله‌لر اوچون چاروالرنینگ ضعیف‌لشیشی شونچه کی مال-ملک‌نینگ کمه‌یشی ایمس، بلکی سوت و گوشت محصولات‌لری‌نینگ کمه‌یشی، درآمدنی قولدن بیریش همده عایله‌نی آزیق-آوقت بیلن تأمینله‌ی آلمسلیککه آلیب کیله‌دی.
قوروقچیلیک و اقلیم اوزگریشی سببلی سوو تنقیص‌لیگی سونگی ییللرده غزنی ولایتی‌نینگ ایریم تومنلریده دهقانچیلیک و چارواچیلیککه سلبی تأثیر قویگن. غزنی مرکزی همده خواجه‌عمری، مالستان، ده‌یک، قره‌باغ و جغتوی تومن‌لریده‌گی دهقان و باغدارلرنینگ ایتیشیچه، سونگی بیر نیچه ییل ایچیده ییر آستی سوولری سطحی سیزیلرلی درجه‌ده پسه‌یگن. بیراق پسه‌یش درجه‌سی حدودلر گه قره‌ب فرق قیله‌دی.
دایکندی ولایتی‌نینگ تاغلی حدودلریده، کوتیلمه‌گن ساووق طفیلی بادام گللری‌نینگ نابود بولیشی و کیتمه-کیت قوریقچیلیک‌لر فقط بیر ایکینیچلیک محصولاتی‌نینگ یوق بولیشینی حکایه قیلمه‌یدی؛ بو سونگی چاروالرینی ساتیش، دکان‌لردن قرض آلیش و آوقت‌لنیش‌لرینی کمه‌یتیریش اورته‌سیده تیریکچیلیک قیله‌یاتگن عایله‌لر دسترخوانی‌نینگ قیسقریب باره‌یاتگنی حقیده‌گی اچیق حقیقت دیر.
تورکیه‌نینگ آنتالیا و آدانا ولایت‌لریده اورمان یانغین‌لری چیققن.
هندوستان پایتختی ینگی دهلی‌ده، کوپ قووتلی بنا قولب توشدی و اونینگ عاقبتیده کمیده آلتی کیشی هلاک بولگن و ینه اونلب کیشی ویرانه‌لر آستیده قالیب کیتگن. خلق‌ارا ییتکرمه‌لر، بوگون (۱۷ سنبله/۸ ستمبر، سه‌شنبه) گزارش بیریشیچه، اوشبو بناده یشاوچیلرنینگ اکثریتی طلبه‌لر ایکن.
