اسلامی امارت باش وزیری نینگ بیرینچی اورین باسری ملا عبدالغنی برادر نینگ مخصوص یاردمچیسی عبدالله اعزام نینگ ایتیشیچه، پاکستان یاردم بیرگن بوغداینی استفاده قیلیش ممکن. او توییریده یازیشیچه، اوشبو بوغدایلر ناپاک لیگیگه عاید افغانستان مرکزی سیلو باشلیغی تامانیدن شریک قیلینگن معلوماتلر ناتوغری دیر.
هند نینگ یاردم بوغدایی ایکینچی یوکی پاکستان آرقهلی افغانستان گه یوباریلگن. پاکستان ییتکیرمهلری نینگ گزارشی اساسیده، اوشبو یاردملر واگه بندرگاهی آرقهلی افغانستان گه یوباریلگن.
کان و پترولیم وزیرلیگی سوزلاوچیسی عصمتالله برهان نینگ ایتیشیچه، سابق حکومت تامانیدن توزهلگن ۲۰ کیچیک کان نینگ قراردادی، اصلاحاتدن کیین، قراردادقیلووچیلر گه قیته تاپشیریلگن.
افغانستان سوداکرلیک و سرمایه یاتقیزووچی اتاق مدیری نینگ بیرینچی هیأت اورین باسری یونس مهمند، بوگون «افغانستان خصوصی سکتور ملی کنفرانسی» نامی بیلن بیر ییغین نی یولگه قویب و ایتیشیچه، اسلامی امارت نینگ قدرت گه ایریشگنی بیلن، صادرات بولیمیده ایچکی عواید کوپهیگن دیر.
بیرلشگن ملتلر تشکیلاتی باش کاتبی نینگ افغانستان اوچون مخصوص نمایندهسی دیبرا لاینز، اوتگن کونی اوشبو تشکیلات خوفسیزلیک کینگشی نینگ افغانستان خصوصیده بولیب اوتگن ییغینیده، خلقارا همجمعیتدن، اوشبو مملکت اقتصادیاتی قوللشینی آلدینی آلیش آچون چاره کوریشینی طلب قیلدی.
دنیا بانکی نینگ اعلام قیلیشیچه، افغانستاننی قیته قوریش صندوقی نینگ مالیهوی یاردم بیروچیلری و دنیا جماعهچیلیگی نینگ طلبی اساسیده، مذکور بانک نینگ مدیره هیأتی، افغانستان یشاوچیلرینی قوللب قوتلش وچون کینگهیتیریلگن پالیسینی تصویب قیلگن.
پاکستان میدیالری نینگ گزارشی اساسیده، افغانستان و پاکستان آرهسیده تجارت سودا-ساتیغی ۱ میلیارد دالر گه کمهیگن. پاکستان چاپی اکسپرس تریبون کوندهلیگی، بوگون پاکستان و افغانستان سوداگرلیک و صناعت قوشمه اتاقی (PAJCCI) دن نقل قیلیب یازیشیچه، ایکی مملکت آرهسیده تجارت حجمی ۲.۵ میلیارد دالردن ۱ میلیارد دالر گه کمهیگن.
آمریکا قوشمه ایالتلری نینگ مالیه وزیرلیگی اوتگن کون (جمعه، ۶- حوت) افغانستانده مالیهوی و سوداگرلیک معاملهلر نینگ آسانلشتیریش و کینگهیشی اوچون ینگی رخصتنامه صادر قیلگن.
افغانستان پولی ذخیرهلری نینگ آزاد بولیشی اساسیدهگی آمریکا بیرلشمه ایالت جمهوررئیسی جوبایدن نینگ بویروغی گه قرشی عکسالعمللر دوامیده، بوگون کابلده یولگه قویلگن خبری بیر ییغینده بابکرخیل قومی نینگ کینگشی دنیا جماعهدن افغانستان برابریده ایکی تامانلیک سیاست اوینمهی و مذکور مملکت سرمایهلری نی افغانستان یشاوچیلری گه قیتریلیشی نی سورهگن.
اسلامی امارت اقتصاد وزیرلیگی بوگون اوشبو اداره نینگ آلتی آیلیک قیلگن ایش فعالیتلری حقیده معلومات بیردی. مذکور وزیرلیک نینگ مسلکی معینی عبداللطیف نظری نینگ ایتیشیچه، مملکتده گی سونگی سیاسی اوزگریشلر اولکه نینگ اقتصادی اوستیگه منفی تاثیر تشلهگن، بیراق مملکت اقتصادی قولهگنی یوق.
جلالآباد قتناو یولیده زینتی بلیقلر نینگ سودا-ساتیغی ینگی لیکده توس آلیب و اوشبو بلیقلر مذکور شهر یشاوچیلری آره سیده علاقهمند و طرفدار تاپگن.
هندی رسانهلر مذکور مملکت تشقی ایشلر وزیرلیگیدن نقل قیلیب گزارش بیریشیچهلریچه، ینگی دهلی اوتگن کون (سه شنبه، ۳-حوت) هند یاردم بیرگن بوغدایلر نی واگه بندر گاهی آرقهلی افغانستان گه یوبارگن دیر.
ملی ترقیات شرکت مسئوللری نینگ ایتیشلریچه، اوشبو شرکت نینگ تخمیناً ۲۴.۷ میلیارد قرضلری، آلیش-بیریشی بولگن ادارهلر گه توللنگن.
خلقارا قیزیل خاج کمیته، افغانستانده انساندوستلیک یاردملر گه نیازمندلر سانی کوپهیشیدن خبر بیرگن. مذکور کمیته بوگون (سهشنبه، ۳ حوت) توییتر صحیفهسیده یازیشیچه، افغانستانده انساندوستلیک یاردملر گه محتاج بولگنلر سانی، اوتمیش ییل گه قرهگنده ۳۰ فایز کوپهیگن دیر.
هندوستان نینگ بیرینچی بوغدای یاردمی، بوگون عطاری-واگه چیگرهسی آرقهلی افغانستان گه انتقال بیریلیشی کوتیلهدی. هندوستان میدیالری اوشبو مملکت رسمیلری دن نقل قیلیب گزارش بیریشلریچه، بیرینچی یاردملرده قریب ۱۰ مینگ تُن بوغدای هندوستان و پاکستان رسمیلری همده خلقارا آزیق-آوقت دستوری نمایندهلری حضوری بیلن افغانستان گه یوباریلهدی.
بامیان یشاوچیلریدن اونلرچهسی، بوگون توشدن آلدین اوشبو ولایت نینگ مرکزیده ناراضیلیک نمایش یولگه قوییب و اوشبو مملکت نینگ آمریکا قوشمه ایالتلری تامانیدن توسیلگن پوللری آزاد ایتیلیشینی طلب قیلدیلر.
