افغانستان پولی ذخیره‌لری نینگ آزاد بولیشی اساسیده‌گی آمریکا بیرلشمه ایالت جمهوررئیسی جوبایدن نینگ بویروغی گه قرشی عکس‌العمللر دوامیده، بوگون کابل‌ده یولگه قویلگن خبری بیر ییغینده بابکرخیل قومی نینگ کینگشی دنیا جماعه‌دن افغانستان برابریده ایکی تامانلیک سیاست اوینمه‌ی و مذکور مملکت سرمایه‌لری نی افغانستان یشاوچیلری گه قیتریلیشی نی سوره‌گن.
اسلامی امارت نینگ قدرت گه ایریشیشی بیلن افغانستان پولی ذخیره‌لریدن ۷ میلیارد دالری دنیا بانکلریده موزلنگن ایدی که بایدن نینگ بویروغی اساسیده، آزاد بولیب و افغانستانده انسانی یاردم و آمریکا‌ده ۱۱_سپتامبر هجومی عاقبتیده قربان بولگنلر نینگ اقاربلری گه غرامت توللش اوچون اختصاص بیریله‌دی.
بیراق بابکرخیل قومی کینگش رئیسی عنایت‌الله بابکرخیل نینگ ایتیشیچه، مذکور پول حکومت شامل هیچ بیر تامان گه تیگیشلی ایمس و مملکت اهالی‌سی گه قیتریلیشی کیره‌ک.
باشقه بیر تاماندن، بابکرخیل قومی کینگش اعضالریدن باشقه بیری عبداللطیف بابکرخیل نینگ ایتیشیچه، افغانستان ۳ میلیون شهید بیریش بیلن اوز حقی گه ایریشگن و شونینگدیک دنیا جماعه‌سی گه افغانستان اهالی‌سی نینگ سرمایه‌لری نی باغله‌یشی اوچون رخصت بیریلمه‌یدی.
بیزلرنینگ توییترده هم تعقیب قیلینگ!
شونینگدیک بوندن آلدین، مملکت یشاوچیلری ۱۱_سپتامبر هجومی عاقبتیده قربان بولگنلر نینگ عایله‌لری گه افغانستان موزلنگن سرمایه‌لریدن ۳.۵ میلیارد دالری نینگ اختصاص بیریلشی اساسیده‌گی آمریکا جمهوررئیسی نینگ سونگی قراری برابریده اعتراض بیلدیریب و دنیا جماعه تامانیدن مملکت سرمایه‌لری نینگ آزاد بولیشی نی سوره‌گنلر.
