سمنگان ده محلی مسئوللرنینگ ایتیشلریچه، بیرلشگن ملتلر تشکیلاتینینگ ترقیاتی دستوری مالی حمایتی بیلن اوشبو ولایت رویدوآب تومنیدهگی ۲۰ اورینلی کسلخانهسیده، ۱۰۰ کیلووات ظرفیتگه ایگه قویاش انرژی سیستمی ایشگه توشیریلگن.
قویاش ۱۴۰۴-ییل، ۹-سنبله یکشنبه کیچه – میلادی ۲۰۲۵-ییل، ۳۱-آگست گه تینگ، کوچلی زلزله افغانستان شرقی حدودلری اینیقسه کنر ولایتینی قیمیردهتدی. بو زلزله کنر قۉشنی ولایتلریده هم سیزیلدی. دنیا زلزلهنی انیقلش مرکزلری، افغانستان شرقیده یوز بیرگن زلزله کوچینی ۶ درجه ریشتر اعلان قیلدیلر، بو افغانستانده یوز بیرگن مثلسیز طبیعی آفت بولگن.
اسلام امیرلیگی احصائیه و معلومات ملی ادارهسی، قویاش ۱۴۰۴-ییلده افغانستان ایکینچیلیک ییرلریده ۴۴۷ مینگ متریک تُن گوریچ (برنج) یېتیشتیریلگنینی بیلدیردی.
او، بوگون (۲۶-قوس/۱۷دسمبر، چهارشنبه) اودیو فایلده، قرغیزستاننینگ سودا اویی، اوشبو مملکت هیئتینینگ کابل گه قیلگن سفری دایرهسیده آچیلگنینی بیلدیردی. جواد گه کوره، افغانستان و قرغیزستان اورتهسیده سودا و اقتصادی مناسبت مستحکملنیشی و قۉشمه سرمایه کیریتیشنی جلب قیلیش، و ایکی مملکت سوداگرلری اورتهسیدهگی آلیش-بیریش قولیلشتیریلیشی مقصدیده، اوشبو سودا اویی آچیلگن.
اسلام امیرلیگی کانلر و پترولیم وزیرلیگی، قندهار۵۰۰۰ تُن سرب و جستی، شفاف داوطلبلیکده ساتیلگنینی بیلدیردی.
تخار ولایتی ایکینچیلیک، سووغاریش و چاروهچیلیک ریاستی، تجارتی باغدارلیکنی رواجلنتیریش و ایکینچیلیک محصولاتلری آشیریلیشی مقصدیده، اوشبو ولایتنینگ بیش تومنیده «املوک» باغلرینی قوریش جریانینی باشلهگن. تخار ایکینچیلیک ریاستی مسئوللریگه کوره، ایکینچیلیک ریاستینینگ تخنیکی هیئتی تامانیدن شرطنامه امضالهگن شرکت آرقهلی تیارلنگن ۲ مینگ ۸۰۰ املوک کوچت تېکشیریلگن.
بیرلشگن ملتلر تشکیلاتینینگ آزیق-آوقت و ایکینچیلیک دستوری (فائو)، افغانستان ده ۵۲۵ ته مهییزخانه همده پیاز و کچالونی سقلش قوریلمهلری قوریلگن.
افغانستان مرکزی بانکی مسئوللری، اوشبو قویاش ییل باشیدن حاضرگچه، تورلی لایتلردن قریب ۳ میلیارد افغانی اېسکیرگن پولنی ییغیب و آلاو بیرگنلرینی معلوم قیلهدیلر. اولر گه کوره، بازار احتیاجلرینی نظر گه آلیش و پولی سیاستلرنی رعایت قیلیش بیلن، آلاو بیریلگن پوللر عوضیگه، اوشبو مقدارده ینگی پولنی بازار گه ترقهتگنلر.
پایتخت کابل شهریده سودا و صناعت اتاقی تامانیدن ۲۳-قوس/۱۴-دیسمبر، یکشنبه کونی، «شین لاری» آتیده قول صناعتی ایکی کونلیک کورگزمهسی آچیلدی.
سلاموطندارنینگ ۱۵ یاش (۹ اوغیل و ۶ قیز) بیلن صحبتی شونی کورستهدی کی، اوشبو یاشلر ایکی ییل دوامیده پادکست تیارلش بیلن شغللنیب کیلگن. پادکست – تورلی ساحهده منتظم روشده اودیو و ویدیو فایل تیارلب ترقهتیش دیر.
مملکت شمال زونینینگ نفت مادهلری و گاز بیرلشمهسی مسئوللری، نفت مادهلری ساتیلهدیگن بازارنینگ حیرتان بندری شهرچهسیدن بلخ مرکزی مزارشریف شهریگه انتقال تاپگنیدن خبر بیرگنلر.
سمنگان ولایتی فیروزنخچیر تومنی «قوشمحله» قیشلاغیده ۱۲-عقربده یوز بیرگن زلزلهده جبرلنگن عایلهلر، یاردم بیروچی نهادلر و محلی رسمیلردن، اولر گه جدی دقت قیلمهگنلریدن شکایت قیلهدیلر. اوشبو یشاوچیلر، یوللر بوزوقلیگی و قیشلاقلری تومن مرکزیدن اوزاقلیکنی، یاردملر وقتیده یېتیب بارمسلیککه سبب بولگنینی ایتهدیلر.
قویاش ۱۴۰۴-ییل، ۱۲-عقربده یوز بیرگن زلزلهدن سۉنگ، کوپینچه عایلهلر باشپنهسیز قالگن و اېندی خیمهلر آستیده حیات کیچیرماقده. سمنگان ولایتی فیروزنخچیر تومنیده زلزلهدن جبرلنگن عایلهلر، دستلبکی طبی خذمتلردن فایدهلنه آلمهی و قیش فصلی یېتیب کیلیشی بیلن اولر ساغلیق احواللریدن خواطر بیلدیرماقده.
اروپا اتفاقینینگ افغانستان اوچون مخصوص وکیلی گیلس برتراند، اسلام امیرلیگی تشقی ایشلر وزیری امیرخان متقی بیلن اوچرهشوده، اوشبو اتفاقنینگ افغانستان گه یاردملری دوام تاپیشیدن ایشانچ بیلدیردی. تشقی ایشلر وزیرلیگی، بوگون (۱۹-قوس/۱۰-دیسمبر، چهارشنبه) بیر بیانیه ترقهتیب، متقی و برتراند کابلده اوچرهشیب، افغانستانده انسان سیورلیک یاردملر و جاری وضعیتنی محاکمه قیلگنلرینی معلوم قیلدی.
تورکیهنینگ بیر مینگ ۲۷۱ تُن آغیرلیگی بولگن ۱۲-انسان سیورلیک یاردملری، بوگون (۱۹-قوس/۱۰-دیسمبر، چهارشنبه) روزنگ تیمیر یولی آرقهلی هرات گه یېتیب کیلدی.
قیش فصلی عرفهسیده، بلخ یشاوچیلریدن بعضیلری اوشبو ولایتده یاقیلغی مادهلر قیمتلیگی و ساتیب آلیشگه قوربلری یېتمسلیگینی ایتهدیلر. اولر گه کوره، بازارلرده بیر سیر یاغاچ و تاش کومیر قیمتی ۱۰ دن ۲۰ افغانی آشگن. مزارشریف یشاوچیسی احمدصفا، باغلیق نهادلردن نرخ-نوالرنی کنترول قیلیشینی سورهیدی.
